HOSEA 4:9 - Khumi Common Language Bible

⁹ Nangchi ly mipuichi kamta, pajeng naira avum ai! Kai ly nangchi ai pajeng ai. Nangchi ly nangmychi i kamngolai amtym u ai.

HOSEA 4:9 Iomraidhean Croise

LEU KACHENG 11:31

Khumi kahawichi ly khaileaung pri y hawi naira amtym u ai; huna nai kamta teang, kamngo sa nai khumichi ly meitang khyp, pajeng naira avum u ai.

LEU KACHENG 12:14

Khumi ly mymy i sa nai, katheu naichi molam y kawn vang nga; amy i sa nai molam y, hawi nai hawi y nai amtym ai.

LEU KACHENG 5:22

Khumi hawi y nai i sa nai kamngochi ly deaung hawi atawm; huni khumi ly my i kamngo paleupy ra y man reng nai ne.

ISAIA 24:2

Pathyp pi nai keung hawi khumi mipui, miseaung hawi yhmkeung, vang nai khumi hawi jo nai khumi, kalai la nai khumi hawi alai pi nai khumi, khumi kanang hawi khumi kamawn, khumi bawibawichi ly khym taham harei hawi avum u ai.

ISAIA 3:10

Khumi kahawichi ly taham hawi ai. Nichi i vui cheaungkhangra y amsym ai. Nichi ly mychi i dawn nai, tau nai, sa naichi molam y, hawi naira avum u ai.

JEREMIA 5:31

amochi ly leu kateng thui u y; pathyp pi nai keungchi ly amo my leu pei nai kamta peang u bo. Kai i khumichi my py hina nai sa naichi ai ei u y. Na i py nichi ly kangkhym kani y ati sa u ai mo?”

Ezekiela 44:10

Areng my kai teng y, “Mynchi ai chiu nai Israela chengchi hawi vanrei, kai ai hi vui nai Levi khumichi ly kamngo pajeng naira avum u ai.

Ezekiela 44:12

Na i py nichi ly Israela chengchi ai myn chiu naira y lu sa iy kamngo sa hai nai deaungkho y, kamngo pajeng naira avum u ai, nanai sa thai naira angym nai kai, Areng ly vaineng abeu bo.

HOSEA 1:4

Areng ly Hosea teng y, “Nang i chapo ai ‘Jezarela’ nanai amyn pathi ba, ati mana nai mo na baly Israela samrang i amsi pajo Jehu ly Jezarela mary y khumi ai tleh nai kamngochi molam y, kai ly Israela samrang ai pajeng ai. Samrang Jehu i deung kamtawm jum hai ai.

HOSEA 10:10

Sa tamang nai hini khumichi ai tiu iy parip ai. Pri takhrachi ly amkawm i nichi ai tiu iy, nichi ly mychi i kamngochi molam y, pajeng naira avum u ai.

HOSEA 12:2

Areng ly Juda khumichi ai thui tamawn bo. Israela ai py mychi i sa nai sai molam y pajeng ai. Mymy ly nichi i sa nai kamta, hawi nai hawi y nai heung pi ai.

HOSEA 12:3

Nichi i amsi pajo Jakob ly amhm taku theung y awm nai khala my, amjo Esaw hawi ajo hawi bo. Jakob ly tleaungri acheang nai khala y, Tameuh ai ka-awi sa iy ajo hawi nai ne.

HOSEA 7:2

Kai ly nichi i sa tamang naichi kapany pi jo, nanai nichi py u y. Nichi i kamngochi ly mychi ai taki teungtareung iy, kai i mo y huni kamngochi ly amteng nai ne,” napi.

HOSEA 8:13

Nichi ly kai teng y apathyp iy, kapathyp mawi cha u bo. Na i py kai, Areng ly nichi i sa nai ngai pi y leang. Vai, kai ly nichi i kamngo pany pi iy, kamngo nai molam pajeng ai. Nichi ai Aikupta pri mang y pato teang ai!

HOSEA 9:15

Areng my, “Nichi ly Kilakala mary y hawi y nairachi sa amteaung u bo. Huni neng dengdairei kai ly nichi ai kaniu ngai y bo. Nichi i sa nai sai hawi y nai molam y, kai i pri theung i dengdairei, nichi ai patheu vui ai. Kai ly nichi ai tamen y leang bo. Nichi i lu sa nai keung bawibawichi ly kai ai tiu u nai ne.

HOSEA 9:9

Nichi ly Kibeahmary y awm nai kamta, khri pa-rei sa tamang u nai ne. Tameuh ly nichi i kamngo pany pi jo iy, huni molam pajeng ai.

ZEKHARIAH 1:6

Kai ly kaimy i amochi dengdairei, nangchi i amsi pajochi teng y leu pei naichi hawi pany hai nai leuchi kapei pi nai ne. Na i py nichi ly kai i leu ai dawndan u y nai deaungkho y, avo nai kamta pajeng naira avum u. Huna nai khala nichi ly uikheih u. Ati cheaungkhang sa thai nai kai, Areng ly kaimy i dawn yb nai kamta, nichi ai kamngo vang kamlau parip nai ne, nanai py pany u ai,” nanai nichi teng y thui pi ai nai leu pei nai ne.

MATTHAI 15:14

Nichi ai paka u reng moh; lam patei nai keung mei kamju teu. Hunaibaly mei kamju ai mei kamju my lam patei baly angawm y tla mei ai,” napi. Naibaly Petera my niteng y,