HOSEA 4:7 - Khumi Common Language Bible

⁷ Nangchi pathyp pi nai keungchi vuikanai nawira nai hawimy, kai i tlang tleaung y nangchi i kamngo sa nai sai nawira bo. Hunai deaungkho y kai ly nangchi i tahm awm nai taphra ai.

HOSEA 4:7 Iomraidhean Croise

EZARA 9:7

Amsi pajochi deung i dengdai vaini khrairei, nang i khumi kaichi ly khri pa-rei kamngo sa tamang u bo. Huni kamngochi molam y kaichi i samrangchi hawi pathyp pi nai keungchi ly cheng takhra samrangchi kiu tleaung y tym hai nai, acho akei tamo tym hai nai, lawm vui nai, langheng hawi nai, vai i kamta pipi tahm by y nai hinichi avum hai bo.

HOSEA 10:1

Israela khumichi ly athai neangneang thawn nai kreip angjyn keung hawi atawm. Nichi ly nang chawn ryh baly, maicham neangneang sa u nai ne. Thengthai khulawn nawi ryh baly, mychi i chiu nai leaungchengchi ai apu tleaung apura pa-rei palum u bo.

HOSEA 10:6

Huni myn ai Asuria empara samrang teng y talam ai nai, huni pri mang y syn u ai. Israela khumichi ly huni myn ai ym u nai molam y, kangji nga u ai.

HOSEA 13:14

Kai ly hini khumichi ai tavau pri i nai py, dei areng i sa thai naira i nai py, atleu ai ny y. Aw dei areng, nang teng i no kanghawi tym hai ba. Aw tavau pri, nang teng i phra naira tym hai ba. Kai ly hini khumichi ai pahen y, tamen y leang bo.

HOSEA 13:6

Na i py nangchi ly tlamsa naira angym nai pri y tym iy, teicha teinei kajeu kawi pa-rei cha ai nai nga nai deaungkho y, paleung tuinem nai khala, paleung len i, kai ai tami u bo.

HOSEA 4:10

Nangchi ly kapathypra phy nga nai cha u i py, kajeu kanglam dam u ai ny y. Nangchi ly cho chanau thawn ai nai tameuhchi ai chiu teu i py, cho chanau ngo u y; ati mana nai mo na baly nangchi ly kai, Tameuh ai khai su iy tameuh takhra ai chiu u bo.

HOSEA 5:1

“Pathyp pi nai keungchi awi, tangai u! Israela khumichi awi, hawihai palai tangai u! Samrang kangpreangchi awi, tangai u! Nangmychi kypkyp ly meitang khyp naimy, tara chih ai nai keungchi ne. Huna nai kamta nangchi py pajeng naira avum u ai. Nangchi ly Mizapa mary y pateung nai deaung, Tabor mawira y jang nai mawipy,

HOSEA 6:9

Pathyp pi nai keungchi ly tiu lawm ai nai oh nai damra kamkawm hawi atawm. Nichi ly Sekhem mary mang y chei nai lam y malawn py, khumi ai tleh u nai ne. Nichi ly hina nai hawi y nai kalopchi sa u lawh ly!

HOSEA 9:11

Israelachi i sa thai naira ly tavo akheang nai kamta tama vui ai. Nichi ly cho chanauchi tapen y ai. Deaungdi kajeu y aneng nai neampachy awm ai ny y. Deaungdi aniu nai awm hai y ai.

HABAKKUK 2:16

Nangchi ly tahm awm ai nai tleaung y, kangji nga ai nai neng tym ai. Nangmychi kypkyp py, neicha iy pavui tapai u ai. Areng ly nangchi ai kamngo pajeng nai khau nei hai ali teang iy, nangchi i tahm awm nai ai ly kangji nga nai mang y tym hai ai.

MALAKHI 2:9

Hunai deaungkho y kai ly Israela chengchi teng y, nangchi ai amso ngai hai ai. Ati mana nai mo na baly nangchi ly kai i kangai so u y, kai i khumichi ai leu patiu nai khala, meimai katheang kalen khen u nai deaungkho y ne,” napi.

Leu Thui Nai 32:15

“Areng i khumichi ly nang ra nang ra nai ne, na i py tiu u lawh; nichi ly veung tlang hawi u, teicha teinei kajeu kawi pa-rei cha ai nai nga; mychi ai sa nai keung Tameuh ai khai su iy, sa thai naira awm nai keung ai hi u vui bo.

PHILIPI 3:19

hunichi i tem naira ly tama naira ne, mymychi i tameuh ly mymychi i kajeu ne, mymychi i tahm apasang naira py mymychi i amthang leaung naira ne, nichi ly khaileaung pri i atitichi ngai lawh.

1 SAMUELA 2:30

Israela chengchi i yhmkeung, kai Areng Tameuh ly nang i dengtheungchi hawi nupaichi ai, deungtasarei pathyp pi nai keung lawm hai ai, nanai jangni y adeu yb bo. Na i py vai ly huni adeu nai khaw hai y leang bo, nanai kathui. Kai ai tahm khai palo naichi ai, kaimy tahm khai palo ai; kai ai khumi aniu y nai sa naichi kaimy kapaso ai.