HOSEA 4:3 - Khumi Common Language Bible

³ Hunai deaungkho y hini pri ly jengha ai i, heng nai amjy cheaungkhangchi dei u be ai. Amso tawnbawichi, tavochi hawi, pangli theung y awm nai ngochi malawn py dei u ai,” napi.

HOSEA 4:3 Iomraidhean Croise

ISAIA 33:9

Huni pri py jengha iy khumi angso savaitlang veng bo. Lebanon daichi py aurui na veng bo. Khaileaung khuta hawi nai Sharon leaunghawi py, tui by y nai daichi ka-vym kamta lawm iy, Basen mawi hawi Karamela mawi y awm nai dengkeaung keungchi ly ngam vui be veng bo.

JEREMIA 12:4

Kaichi i pri ly jengha nai mana tanrei kra iy, li hlauchira i achachi py, mana tanrei kakra ngamchi ajawi ai mo? ‘Kaichi i sa nai ly Tameuh my niu y leang,’ nanai thui u nai hini pri khumichi i hawi y nai molam y, tavochi hawi daichi mawichi dei nai ne.

JEREMIA 23:10

Achi i pri ly Areng i tlang tleaung y ka-ym by y nai khumichi hawimy kawi na bo. Nichi ly teng y naichi sa iy, mychi i sa thai naira ai teaung u atyhtyh nai ne. Achi i pri ly Areng i amsawi lawi nai deaungkho y, vo tangam naimy tawnbawichi sui tlai naira py, jengha na veng bo.

JEREMIA 4:25

Kai ly khumi leaungrei ai py kaniu y; tavo bawibawichi malawn py akheang pawn veng bo.

JEREMIA 9:10

Jeremia my, “Mawi aheungchi i vui kai ly tangam ai. Acha baichi i vui kai ly vo ai. Ati mana nai mo nabaly sui tlairachi ly jengha vui iy, aki aleaung nai khumi by y nai deaungkho y ne. Beram hawi sichi a-u nai katyn thai y bo. Tavochi, daichi mawichi py preang pawn bo,” napi.

JEREMIA 9:9

Hina naichi sa nai molam y kai ly nichi ai pajeng y naimy awm ai a? Huna nai khumi chengchi ai kai ly vawitheung tha y naimy awm ai a? Hini ly kai, Areng i thui nai leu ne,” napi.

Ezekiela 38:20

Khaileaung pri y awm nai khumi, ngo, tavo hawi tawnbawichi, khaileaung pri y tlum tlai nai takhra heng nai amjy katheang kalen bawibawichi ly kai ai jei hyn u ai. Mawichi akai iy lengseaungchi kawi piu ai i, apai awm nai ngiereichi ly anawi ai.

JOELA 1:18

Sichi ly sui tlaira by y nai deaungkho y, patang naira avum i, a-u lengleang bo. Beram kanghuchi py, hunai kamta patang teang nai ne.

AMOS 1:2

Amo my, “Zion mawi dengdairei Areng i aeu nai raawi thai bo; Jerusalem mary theung i dengdairei, kani pajyh nai katyn thai hai bo. Beram sui tlai nairachi ly jeirawm be bo i, Karamela mawi i achachi ly jei nawm veng bo,” nanai thui.

AMOS 5:16

Hunai deaungkho y ati cheaungkhang sa thai nai Areng my, “Mary theung i lamchira y paleung si ai hawi nai vo raawi, seng meingtymchira y tangam nai raawi thai ai. Vo khulym kawp naichi hawi vanrei jeu iy, vo ai nai li sa keungchi ai palau ai.

AMOS 8:8

Hina nai kamngochi sa nai molam y kaleih pui theu i, pri verei i khumichi ly paleung si paleung mawn naira avum u ai. Pri verei ly Aikupta pri i Naing tavo tui kamta, anem lawh, asang lawh iy ahyn kanangkang na ai.

NAHUM 1:4

Mymy ly pangli ai leu pei nai khala y, pangli tui ly kang vui na! Mymy ly tavochi ai py tui kang hai vui bo. Basan mawi ly jeirawm iy Karamela mawi ly a-au jawn bo. Lebanon mawi i kaseaung pauchi py rawm veng bo.

ZEKHARIAH 5:4

Ati cheaungkhang sa thai nai keung Areng my, kai ly hini amsawi ai kapato ai i, huni ly kai i amyn y tau iy ka-chawi leu thui nai khumi ngiereichi hawi, kangviu khumi ngiereichi i yhmchira y awm ai. Huni yhmchi py amsawi leu theu vui nai khala, phra seaungkhrang naimy awm ai,” napi.