HOSEA 4:12 - Khumi Common Language Bible

¹² Nichi ly dengkeaung hawi sa nai tameuh teng y leung pataw u! thengbeang my nichi pany ai ngai nai ngierei thui pi! Nichi ly kai ai khai u su bo. Bimanu lawm nai neampachy kamta, nichi ly tameuh takhrachi mang y ahihawi u bo.

HOSEA 4:12 Iomraidhean Croise

2 ARENG KEH 17:7

Samari mary jum nai ly Israela chengchi mymychi ai Aikupta samrang kiu i nai atleu iy, Aikupta pri i dengdairei pahawi nai mymychi i Areng Tameuh i tlang tleaung y kamngo sa u nai deaungkho y ne. Nichi ly tameuh takhrachi teng y chiu u lawh.

2 NENG SATANG 21:13

Ahab hawi ni i meingtym y amtym u nai samrangchi ly Israela chengchi ai Tameuh i tlang tleaung y kamngo sa ai nai lam patei nai kamta, nang ly Juda khumichi hawi Jerusalem mary i khumichi ai kamngo sa ai nai lam patei bo. Nang ly nangmy tleaung y hawi nai ngamnauchi ai py padei bo.

SAM 106:39

Huna nai kamta tleh u nai deaungkho y, mymychi ai py chai hai y nai ne. Huna nai sa u nai molam y, Tameuh i tlang tleaung y py ka-ym by y bo.

SAM 73:27

Nang ai khai su nai khumichi ly myh kang nai avum u takengkei ai; nang i tlang tleaung y ka-ym by y nai khumichi ai nang ly tamyh ai.

JEREMIA 10:8

Nichi bawibawi ly ka-khum hawi khumi aso y naichi ne. Dengkeaung mynchi my ly nichi ai ati amtiu naira pei pajau ai mo?

JEREMIA 2:27

Dengkeaung keung teng y, ‘Nang ly kai i ampo ne,’ nanai py, lengseaung teng y, ‘Nang ly kai i amhm ne,’ nanai py nangchi thui u bo. Nangchi ly kai mang y amhi y, kai ai nithun thun u. Na i py nangchi ly ka-jeira avum nai khala y, kaichi ai sabawm ai nai jeu kyh ba, nanai kai teng y hnei u bo.

JEREMIA 23:13

Samari mary y awm nai amochi i amso ngai nai ly kaniu bo. Nichi ly Bala tameuh i amyn y leu thui iy, kai i khumi Israela chengchi ai lam tamang hai u nai ne.

Ezekiela 20:32

Nangchi ly pri takhrachi kamta py, pri takhra y awm u nai khumichi kamta py, dengkeaung keungchi, lengseaungchi ai chiu u ai, nanai dawn tau u bo. Na i py huni katau ly amcheang ai ny y.

Ezekiela 21:21

Babulon samrang ly lam sangumra tym nai khala angdo i, mani lam ly ma mang y chei ai nai mo, nanai pany thai ai nai thaicheng tambe va bo; my i mynchi teng y deng, tawnbawi pathym py khen.

HOSEA 14:3

Asuria samrang ly kaichi ai mana khala py atleu pajau y. Tavai keaungngochi ly kaichi ai amo hai pajau y. Kaimychi kiu hawi sa nai mynchi ai, kaichi i Tameuh, nanai thui ali bi y ai. Aw Areng, nang ly awmra jeaungmang nai khumichi ai pahen nai ne”

HOSEA 5:4

Nichi ly hawi y sa nai molam y, mychi i Tameuh teng y ali u teang thai y. Nichi ly myn chiu naira y paleung apei u nai deaungkho y, Areng ai pany u y.

HOSEA 6:10

Israela khumichi i amso ngai nai kalop ai, kai ly niu nai ne. Kai i khumichi ly mynchi ai chiu u iy, mymychi ai chai nem hai y bo.

HOSEA 9:1

Israela khumichi awi, cheng takhra khumichi kamta, amo theu naira pawichi so u moh. Nangchi ly nangmychi Tameuh i leu tangai u y bo. Nangchi ly pri vereira y amymy ai bima lawm ai nai, bala tameuh teng y jo u. Amti amjang thengthaichi thawn nai ly Bala tameuh my tamen nai saho y ne, nanai nangchi dawn u lawh!

Levi 17:7

Israela khumichi ly Areng ai ka-awi sa naimy daichi theung y tawnbawichi tleh iy, vawinamchi teng y apathyp bi ai nai avo y. Israela khumichi ly hini reita pei nai ai teaung patawm jojo ai nai tla.

Levi 20:5

ni hawi ni i yhm dengtheungchi ai py, huni khumi kamta kai ai ka-awi sa iy Mole tameuh ai chiu nai ngiereichi ai py, kai ly meimai hi vui iy kai i khumichi theung i nai nyn va vui ai.

MIKHA 2:11

“Nangchi theung y kreip hang hawi rah neangneang awm ai, nanai li-tapawp reng nai amochi ai, hini khumichi ly ngai u nai ne.

HABAKKUK 2:19

Nangchi ly taham si u! Deng keaung beang ai, “Anglaw jau” nanai py, lengseaung ai, “Angthau jau” nanai py, nangchi thui u reng nai ne. Myn ly nangchi ai ati thui pi pachai thai ai mo? Muku tangkachi hawi an paleaung nai ne i py, huni myn ly heng y leang.

Kati Nai 15:39

Nangchi ly huni thaiphelawmchi niu nai tleirei, kai i leu pei nai ngierei tangai iy teaung patawm jojo ai. Huna nai khala nangchi ly kai ai khai su iy, nangmychi ngaingai sa u ai ny y.

Leu Thui Nai 31:16

Areng my theung mang dengdairei Mosi teng y, “Nang ly kra y nai sala y dei ai, nang dei nai bo y Israela chengchi ly vaineng takan iy, nichi hawi kai asa nai Leu Maikawm taphra u ai. Nichi my kai ai khai su iy nichi awm ai nai pri i tameuh takhrachi ai chiu u ai.

TARA CHIH NAI KEUNGCHI 18:5

Huna nai khala nichi my, “Kaichi ly hini khuleaungra y eaung naira nga ai mo, ngo y ai mo, nanai Tameuh teng y deng pi kyh cham,” napi u.