HOSEA 4:1 - Khumi Common Language Bible

¹ Israela chengchi awi, Areng i leu pei nai tangai u. Hini pri y awm nai khumichi ai Tameuh my seu nai awm. Mymy ly “Hini pri y ly tamen naira, ka-ym awm naira by y. Kai ly Tameuh ne, nanai khumichi my pany u y.

HOSEA 4:1 Iomraidhean Croise

1 ARENG KEH 22:19

Mikha my Ahab teng y thui pi bi nai ly “Vai ly Areng i leu pei nai tangai ba! Areng ly kani pri mang y awm nai mymy i atehra tleaung y ateh nai ai py, mymy i sahawi y kani pri amtaw thau naichi angdo nai ai py kaniu bo.

SAM 81:9

Nangchi ly tameuh takhra ai mana khala py chiu u moh.

ISAIA 1:10

Aw Jerusalem mary, nang ai peang nai samrangchi hawi nang i mary khumichi ly Sodom mary hawi Komora mary i khumichi hawi atawm. Nang ai Areng my leu pei nai tangai ba. Achi i Tameuh my parip nai tangai ba.

ISAIA 1:18

Areng my, “Vai, nangchi i sa nai sai adawn pasym u sina. Nangchi ly kamngo thi akau naimy awm. Na i py kai ly nangchi ai ji amai kamta kaleung pa-rei paju pachai pi ai. Nangchi ly kamngo thi hawi pasen na teu i py, palopi kamta kaleung hai ai.

ISAIA 28:14

Vai, Jerusalem mary y hini khumichi ai peang nai, nangchi amlyh am-e nai khumichi awi, Areng my leu pei nai tangai u.

ISAIA 34:1

Aw khumi cheng cheaungkhangchi awi, jeu u! jeu angym iy tangai u. Khaileaung pri verei y awm nai khumi ngiereichi ly hini meingtym y jeu iy tangai u ai nai tla.

ISAIA 34:8

Hini neng ly Zion mary ai Areng my atleu iy, huni mary i paleung ka-echi ai vawitheung tha ai nai neng ne.

ISAIA 5:3

Hunai deaungkho y kai i ahawi my, “Nangchi Jerusalem mary i khumichi hawi Juda khumichi awi, kai hawi kai i kreip akhobai sa nai khen u cham.

ISAIA 59:4

Nangchi ly tara jeung y chei i py, adyh adawi nai by y, kateng lam mang y awm u y nai ne. Nangmychi i tara eaung ai nai molam y, ka-chawi leura y abyh iy a-ei u atyhtyh bo.

ISAIA 59:8

Nangchi tym u nai thym khala py, ami py awmnem naira by y. Nangchi i sa nai kalop ngiereichi ly kateng lam ny y. Nangchi ly lam ka-kawi mang y tako u reng. Huni lam y tako nai ngiereichi ly mana khala py, awmnem naira awm ai ny y.

ISAIA 66:5

Mymy ai jei kaji naimy leu tangai nai khumichi awi, nangchi ly Areng i leu pei nai tangai u. Nangchi ly kai i tlang tleaung y ka-ym awm u nai deaungkho y, nangchi i cheng phyreichi ly nangchi ai niu ngai y iy ang paleang u parutu nai ne. Nichi ly nangchi ai panui hai iy, “Kaichi ly nangchi amo theu nai kaniu u ai nai ngai. Hunai deaungkho y Areng ly sa thai naira nang parai nai patei iy atleu pi na sy,” napi u. Na i py huni khumichi ly kangji kangai nga u ai!

JEREMIA 11:7

Nichi i amsi pajochi ai Aikupta pri i dengdairei kapahawi nai thym khala my, kai ly nichi ai kai i leu tangai u ai nai, hawihai palai kathui pi kheng bo. Vaini khrairei kapany hai jojo nai ne.

JEREMIA 19:3

Areng my, “Juda samrangchi hawi Jerusalem mary i khumichi awi, Israela chengchi i Tameuh, ati cheaungkhang sa thai nai keung kai, Areng i thui nai leu tangai u. Kai ly thai nai khumichi athengra na pa-rei, ka-jei awm parai nai hini meingtym y tym hai ai.

JEREMIA 2:4

Nangchi Jakob i kangpreang Israela nupaichi awi, Areng i leu pei nai tangai u.

JEREMIA 2:9

“Hunai deaungkho y kai ly nangchi ai tara kang chih bi ai. Nangchi i katu chanauchi ai py tara pasau ai,” nanai Areng my leu pei bo.

JEREMIA 25:31

Areng ly khumi cheng cheaungkhangchi ai tara pasau ai. Mymy i raawi ly khaileaung katem y khrairei avah na ai. Mymy ly khumi bawibawichi ai chih iy khumi hawi y naichi ai padei ai. Hini ly Areng i thui nai leu ne,’ nanai thui pi,” napi.

JEREMIA 34:4

Aw samrang Zedekiah awi, nang i molam y kang pei nai leu ly tangai ba. Nang ly tavai keung y dei ai ny y.

JEREMIA 4:22

Areng my, “Kai i khumichi ly akhum parai; nichi ly kai ai pany u y. Nichi ly hawi y nai deaungdichi hawi atawm; nichi teng y pany thai naira by y. Nichi ly hawi y sa naira y kyh chawn u teu i py, kahawi sa ai nai ly kawp u y,” napi.

JEREMIA 4:28

Khaileaung ly vo tangam ai; kani khusang ly veng pam na bo. Areng my leu pei chum baly mymy paleung ly takhra lawh ai ny y. Paleung y dawn pasym chum baly mymy ly palai teang ai ny y.

JEREMIA 5:4

Hunaibaly kaimy, hinichi ly khumi kamawnchi ne. Dawn pany thai y nai khumichi ly Areng i kangai py, Tameuh i khai pi nai Reitachi py, pany u y nai deaungkho y hawi y naira sa u nai ne.

JEREMIA 51:5

Israela khumichi hawi Juda khumichi ly Israela chengchi i chai parai nai keung, kai i tlang tleaung y kamngo sa u teu i py, ati cheaungkhang sa thai nai keung kai Areng ly nichi ai khai su ai ny y.

JEREMIA 6:13

Khumi katheang kalen bawibawichi ly teng y naimy nang chawn ai nai hau u bo. Amochi hawi pathyp pi nai keungchi malawn py, khumichi ai li-tapawp u nai ne.

JEREMIA 7:28

Nichi ly mychi i Areng Tameuh i leu tangai u i, pajeng naira avum nai y, amtiu naira nga ai nai khumi cheng ny y, nanai nichi teng y thui pi. Leu meitang ly tama veng bo. Leu kateng katheu u y leang bo.

JEREMIA 9:20

Kaimy, “Neampachochi awi, Areng my leu pei nai tangai u. Mymy i leu ai hawihai palai dawn u patyp ly tangai u. Nangchi i chaniuchi vo kawp ai nai py, nangchi i ahawi ka-dawichi, si tlaiveu khulym thui kawp ai nai py, patiu pi u.

JEREMIA 9:3

Nichi ly li-tapawp ai nai ko nai thailiho chyn kamta, labeaung paniu vai y. Nichi i pri y leu meitang peang ai nai tleaung y ly leu ka-chawi my peang nai ne. Areng my, “Kai i khumichi ly kamngo sa tamyhtyh naimy, kai ai nichi i Tameuh palawn ai nai ngai u y,” napi.

JEREMIA 9:7

Hini molam y ati cheaungkhang sa thai nai keung Areng my, “Kai ly tamo ngan patlawn iy pachai nai kamta, kai i khumichi ai chai pa-rei kasa ai. Nichi ai kaimy cham ai. Kai i khumichi ly sa tamang u bo. Kai ly nichi ai mana kasa ai mo?

Ezekiela 16:35

Nang bima Jerusalem mary awi! Areng my leu pei nai tangai.

HOSEA 12:2

Areng ly Juda khumichi ai thui tamawn bo. Israela ai py mychi i sa nai sai molam y pajeng ai. Mymy ly nichi i sa nai kamta, hawi nai hawi y nai heung pi ai.

HOSEA 12:3

Nichi i amsi pajo Jakob ly amhm taku theung y awm nai khala my, amjo Esaw hawi ajo hawi bo. Jakob ly tleaungri acheang nai khala y, Tameuh ai ka-awi sa iy ajo hawi nai ne.

HOSEA 5:1

“Pathyp pi nai keungchi awi, tangai u! Israela khumichi awi, hawihai palai tangai u! Samrang kangpreangchi awi, tangai u! Nangmychi kypkyp ly meitang khyp naimy, tara chih ai nai keungchi ne. Huna nai kamta nangchi py pajeng naira avum u ai. Nangchi ly Mizapa mary y pateung nai deaung, Tabor mawira y jang nai mawipy,

HOSEA 5:4

Nichi ly hawi y sa nai molam y, mychi i Tameuh teng y ali u teang thai y. Nichi ly myn chiu naira y paleung apei u nai deaungkho y, Areng ai pany u y.

JOELA 1:2

Nangchi saneng kalenchi awi, kai i thui nai leu ai hawihai palai tangai u. Juda mipuichi awi, tangai u. Nangchi deung y py, amsi pajochi i deung y py, hini atitichi tym vai a?

AMOS 3:1

Aw Israela khumichi awi, nangchi cheng vuijeungrei ai Aikupta pri i dengdairei ang pahawi nai Areng my, nangchi i molam y leu ang pei nai tangai cham.

AMOS 7:16

Hunai deaungkho y Areng i leu pei nai tangai ba. Nangmy kai ai Israela khumichi mang abi iy ka-awi sa nai amo so moh, amo leu thui moh, napi.

MIKHA 6:2

Khaileaung y khaw hai nai sangum langdeng mawichi awi, Areng i leu pei nai tangai u! Areng ly mymy i khumichi teng y thui tamawn ai nai awm nai ne. Mymy ly Israela chengchi ai thui tamawn ai nai leu ka-rum awm.

JOHAN 8:55

Nangchi ly mymy ai pany y; kai naini mymy ai pany; kai ly mymy ai pany y na i khyly, nangchi kamta kai py ka-chawi tla teang ai; na i py kai ly mymy ai pany, ni i leu py tangai.

ROM AVANGCHI TENG Y PAWLA I CHA PA NAI 1:28

Naibaly nichi ly Tameuh ai pany ai ngai u y nai deaungkho y, atiti apu y naichi sa ai nai ly mymy ai ngai y nai paleung awm ai nai au lawh iy, Tameuh my hi pi vui bo;

I KORINTH 15:34

Hawi ai naira y anglaw u jau, kamngo so u moh; phyreichi ly Tameuh ai pany naira pipi by y he; hini ly nangchi ai kaji hai ai nai kang thui pi nai ne.

AMTENG HAI NAI 2:11

Kano awm nai khumi ly palau takhra kamkawmchi teng y Phailo i leu thui nai ly thai sy. Pajau nai keung ai ly pa-nyh dei naira y ly ati sai py so hai y ai,’ napi.

AMTENG HAI NAI 2:29

Kano awm nai khumi ly palau takhra kamkawmchi teng y Phailo i leu thui nai ly thai sy,’ napi.