HOSEA 3:4 - Khumi Common Language Bible

⁴ Huna nai kamta Israela khumichi ly samrang by y, lu sa nai keung by y, apathyp nai by y, chiu ai nai lengseaung leng naichi by y, leung khen nai khala teaung nai mynchi by y naimy, neng kakra awm u ai.

HOSEA 3:4 Iomraidhean Croise

ATITI AWM ANGCHEI NAI 31:19

Labana ly mymy i beramchi ai mui vau ai nai chei vui nai sala y Rakeli ly ampo i tameuh mynchi paviu pi veng nai ne.

ATITI AWM ANGCHEI NAI 31:34

Rakeli ly tameuh mynchi la iy Kula-iu salo atang nai atehra anui y khai iy mymy ateh hai cheng bo. Labana ly kanih yhm verei y hau teu i py niu pajau y nai ne.

ATITI AWM ANGCHEI NAI 49:10

Juda ly samrang i tivi syn ai; ni i kangpreangchi teng y peang naira haiho awm jojo ai. Cheng cheaungkhangchi ly ni teng y langseaung pei u ai. Ni i leu tangai u ai.

2 SAMUELA 6:14

Davida ly ateaung kanem harei naini amthyp iy, Areng i nang parai nai sai palo nai, ham parai naimy lam.

2 ARENG KEH 23:24

Samrang Joseah ly Achura yhm theung y pathyp pi nai keung kalen keh Hilikiah my niu nai, leu maikawm cha-iu theung y tajiu nai kamta, sa u patawm ai nai Jerusalem mary hawi, Juda pri verei y awm nai vawinam pakun kawp naichi, leung sarachi, yhm typ nai mynchi, mynchi hawi chiu naira y teaung nai vawnsaichi taphra pawn nai ne.

2 NENG SATANG 15:2

Azariah ly samrang Asa teng y chei i, ni teng y, “Aw samrang Asa hawi vanrei Juda hawi Benjamin theaungchi awi, kai i leu tangai u! Nangchi ly Areng teng y awm nai ryrei, mymy ly nangchi hawi vanrei awm ai. Nangchi ly mymy ai hau u baly mymy ly nangchi hawi ka-vum sa ai. Na i py nangchi ly mymy ai nithun thun u lawh baly, mymy py nangchi ai ang khai su ai.

THEU NAI 28:4

Huni khumichi my sa pi ai nai ateaung alangchi ly tang taang adangra ephod, baichu kangjiu, mawi-en thun nai baichu, lupeu hawi khobaichi ne. Huni ateaung alangchi ly nang i ngamjo Aron hawi ni i chapochi ai pathyp pi nai keung y, kai i kalop sa nai khala amthyp nai pathyp pi nai keung ateaungchi ne.

THEU NAI 28:6

“Ephod ai ly beram mui an kamngau, an kamleng, an kamsen, muku kalang, kanih mai ka-synchi hawi mawi-en sa ai nai tla.

TANGAM NAI LEU 2:9

Mary apai katheuchi ly atleangra tleu piupa iy, anyn angso theung y a-up jo bo. Samrang hawi samrang i cho chanauchi ly vai ly pri takhra y pri pala naira avum u. Reita leu pei naichi amtiu nai py by y nai deaungkho y, amochi ly Areng i paleung mei y amteng pi naichi niu vai y leang bo.

Ezekiela 19:14

Huni keung i keungma y mai my kang nai deaungkho y, changpi hawi athaichi py kang teang. Huni keung i changpichi ly mana khala py tangkhryh teang y leang bo. Mana khala py areng cheaungvawi lawm ai ny y leang bo. Hini ly vo tangam nai khulym ne; huni vo tangam nai khulym ai avaw avawrei thui u ai nai tla.

Ezekiela 20:32

Nangchi ly pri takhrachi kamta py, pri takhra y awm u nai khumichi kamta py, dengkeaung keungchi, lengseaungchi ai chiu u ai, nanai dawn tau u bo. Na i py huni katau ly amcheang ai ny y.

Ezekiela 21:21

Babulon samrang ly lam sangumra tym nai khala angdo i, mani lam ly ma mang y chei ai nai mo, nanai pany thai ai nai thaicheng tambe va bo; my i mynchi teng y deng, tawnbawi pathym py khen.

Ezekiela 21:31

Kai ly mai kangveaung kamta kai i kado theu naira ly nang i tlang tleaung y kang tym hai ai. Nang i tlang tleaung y pahyp y naimy ana nai keung, kataphra kawp nai khumichi teng y kang au ai.

DANIELA 11:31

Ni i risa phyreichi ly Achura yhm y chai hai y ai. Nichi ly kani tleirei talam nai kapathyprachi anawn hai iy, ka-jei awm nai amso ngai nai ai, Achura yhm khumi ka-niu kamtawi y khai ai.

DANIELA 12:11

“Kani tleirei kapathyprachi anawn hai nai neng, ka-jei hawi parai nai amso ngai naira tym nai neng dengdairei, kani 1,290 rei dym vui ai.

DANIELA 9:27

Huni samrang ly khumi neangneangchi hawi, saneng saryh ryrei khaw parai nai ka-dyh ka-dawi asa ai. Saneng thomrei bo y lo tariurei tym nai khala y ni ly kapathypra hawi katalamrachi anawn hai ai. Naibaly ka-jei awm nai amso ngai naira ai lyAchura yhm khumichi niu thai nai ka-sangra y banghau ai. Huni ly bang nai khumi i vui, Tameuh my sa yb nai phra nai neng tym pa-rei, Achura yhm y awm jo ai,” napi.

HOSEA 13:10

Nangchi ly samrang hawi lu sa nai keungchi ai, kaichi ai pei ba, nanai hnei u bo. Na i py hini khumichi ly pri atleu pajau na a?

HOSEA 13:11

Kai ly kado theu naimy nangchi teng y samrangchi pei pi bo. Kai ly kado katheu hawimy, huni samrangchi ai la teang vui bo.

HOSEA 2:11

Ni i saneng tleirei sa nai pawi hawi lo tleirei sa nai pawi, anawn kani pawichi napi nai hawi, reita leu ka-rum bawibawichi kaimy anawn hai ai.

Levi 8:7

Aron ai baichu, baichu kangjiuchi amthyp hai iy, akeng y py khobai akawm hai bo. Naibaly ephod amchiu hai iy, apu parai nai akengkawm hawi ephod ai thang pi bo.

ZEKHARIAH 10:2

Khumichi ly tameuh mynchi, mynchi, leung sarachi teng y deng u bo. Na i py nichi i nga nai leu ly ati sai py ny y nai, ka-chawi leuchi ne. Phyrei khumichi ly amangchi thui pachai u; na i py nichi ly nangchi ai teng y nai lam mang y naini ang pahawi reng. Nichi teng i nga nai awmnem naira py, atyhtyh teu. Hunai deaungkho y khumichi ly lam tamang nai beramchi kamta, aki aleaung u bo. Lu sa nai keung by y i, patang naira avum u nai ne.

ZEKHARIAH 13:2

Huna nai khala kai ly hini pri y awm nai mynchi amyn taphra vui ai i, hunichi ai mo mang y ami py pany u ali bi ai ny y. Amymy ai amo ne, nanai thui nai ngiereichi ai, kaimy tama hai vui ai. Myn y chiu ai ngai nai paleung ka-dawn ai py taphra vui ai.

LUKA 21:24

Naibaly nichi ly haisau bo y dei ai i, cheng cheaungkhangchi teng y miseaung y hawi ai; naibaly Cheng Takhrachii neng angym y ryrei ly Cheng Takhrachi my Jerusalem ai ly chiu nai tli ai.

JOHAN 19:15

Naibaly nichi my ly, “Lo la, lo la, kraws tleaung y tahen!” nanai aeu u. Pilata my nichi teng y, “Nangchi i samrang ai ly kraws tleaung y katahen ai a?” napi. Pathyp pi nai keung kalenchi my ly, “Kaisara ny y baly kaichi i samrang takhra by y leang,” nanai pathang.

HEBRAI 10:26

Achi ly leu meitang pany naira kangym nga nai bo y ly atiti kamngo sa ta-li baly, kamngo nairachi i vui y apathyp naira ly pipi by y leang bo i,

TARA CHIH NAI KEUNGCHI 17:5

Hini khumi Mikha napi nai teng y ly mymy i vui chiu sa nai yhm awm; ni ly mynchi hawi Ephod harei sa iy, my i chapo leaungrei ai my i vui pathyp pi nai keung y khai bo.

TARA CHIH NAI KEUNGCHI 18:14

Huna nai khala ly Laisa khu khen nai khumi leaung pangreichi my, mychi i ahawichi teng y, “Hi y awm nai yhmchi theung i, yhm hareira y tangka hawi mawm nai myn harei awm nai nangchi pany u a? Huni yhm theung y takhra mynchi hawi Ephod harei py awm. Achi ly mana sa ai mo, nanai nangchi mana dawn u mo?,” napi.

TARA CHIH NAI KEUNGCHI 8:27

Kideon ly huni mukuchi hawi myn harei sa iy, mymy i awm nai Ophra mary y khai bo. Israela cheng bawibawichi py Tameuh ai khai su iy, huni myn chiu ai nai Ophra mary y chei u. Huna nai sa nai ly Kideon hawi my i dengtheungchi i vui deaung pateung nai kamta ne.

1 SAMUELA 14:3

(Ephod amchiu nai pathyp pi nai keung ly Ahijah ne; ni i ampo ly Ikabo i amjo Ahitub ne. Ahitub ly Phineha i chapo ne; Siloh mary Areng i pathyp pi nai keung Eli i katu ne.) Jonathan theu jo nai py khumichi pany u y.

1 SAMUELA 15:23

Mymy ai tiu nai ly uimiu khawn nai kamta hawi y keh nai ne i, paleung len amlyh nai py, mynchi ai chiu nai kamta kamngo len. Nang ly Areng i leu pei nai tangai y nai deaungkho y, mymy ly nang ai samrang i nai pala vui bo,” napi.

1 SAMUELA 2:18

Huna nai thym khala y deaungdi Samuela ly kanih mai ka-syn baichu kangjiu amchiu iy, Areng i kalop sa.

1 SAMUELA 21:9

Ahimelek my, “Kai teng y Ela leaunghawira y nangmy tleh nai Philistia khumi Koliatha i haisau awm; huni haisau ai Leu Maikawm Pawm nithun mang y kanih hawi bamme nai ne. Nang, aly kai nabaly lo; hunira y takhra ateaung alang by y leang,” napi. Hunaibaly Davida my, “Huni haisau tleaung y hawi keh nai ly manira y py awm ai ny y, huni ly kai ai pei ba,” napi.

1 SAMUELA 22:18

Hunai deaungkho y Sawla ly Doka teng y, “Nang ly nichi ai tleh!,” napi baly Doka ly pathyp pi nai keung bawibawichi ai padei bo. Huni kani y Doka ly ephod amchiu nai Areng i pathyp pi nai keung leaung 85 reichi ai padei nai ne.

1 SAMUELA 23:6

Ahimelek i chapo Abiatha ly preang nai law tleaung nai bo y Keilah mary y awm nai Davida teng y tym i, ni ly mymy hawi vanrei pathyp pi nai keung i ephod py syn.

1 SAMUELA 23:9

Davida ly mymy ai tiu ai nai Sawla i dawn pasym nai thai nai khala y, pathyp pi nai keung Abiatha teng y, “Ephod hi y jeu hai,” napi.

1 SAMUELA 30:7

Davida ly Ahimelek i chapo, pathyp pi nai keung Abiatha teng y, “Ephod kai teng y jeu hai,” napi i, Abiatha ly ephod syn pi bo.