HOSEA 3:1 - Khumi Common Language Bible

¹ Huni bo y Areng my kai teng y, “Nang ly chei iy tavawi hawi paleaung nai neampachy ai khrei ba, Israela khumichi ly tameuh takhrachi ai chiu iy, kreip athai kajeichi talam u teu i py, kai ly nichi ai tamen nai kamta, nang ly huni neampachy ai tamen ai nai tla,” napi.

HOSEA 3:1 Iomraidhean Croise

2 SAMUELA 6:19

Israela pri y awm nai neampacho, neampachy ngireichi ai tako phirei, mawi dang nai akawirei hawi kreip athai phi ha harei anga pa-rei paji pi. Naibaly khumi bawibawichi ly mychi i yhm mang y vawi u bo.

2 ARENG KEH 13:23

Na i py Areng ly nichi ai pahen py pahen, tamen py tamen nai deaungkho y, nichi ai tamo hai y. Mymy ly Abraham, Isaka, Jakob nichi hawi asa nai leu maikawm ai pany jo i, nichi ai sabawm nai ne. Mymy i khumichi ai mana khala py tami y bo.

1 NENG SATANG 16:3

teicha teineichi pei pi. Samrang ly Israela pri y awm nai neampacho, neampachy bawibawichi ai tako phirei, mawi akawirei hawi kreip athai kajei maidenreichy paji sei bo.

NEHEMIA 9:31

Na i py pahen naira len parai nai hawimy, nang ly nichi ai khai su y nai ne; Phra naira hawi tama naira y tym hai y. Nang ly tamen iy pahen naira hawi angym nai keung Tameuh ne na a!

SAM 123:2

Miseaung ly my i yhmkeung ai py, miseaungnu ly my i yhmkeungnu ai py, ym nai kamta kaichi ly kaimychi Areng Tameuh teng i pahen naira ngo y ryrei ly nang ai khen angdeang naimy awm jo ai.

THEU NAI 32:6

Kani pa-nyh khawn angthodyh y khumi bawibawichi ly leng patlum nai kapathypra hawi leunghawi kapathyprachi talam u bo. Huna nai apathyp u chum baly nichi cha nei pavui u i, neampacho, neampachychi amau u bo.

Solomon i khulym 2:5

Kai ly khrei nai paleung molam y atho bai na bo! Kai ai kreip athai kajeichi pacho iy atho pei ba. Apple athaichi pacho iy atho kangtha ngo hai bo.

ISAIA 45:22

“Khaileaung pri verei i khumi bawibawichi awi, Kai teng y jeu u ly atleu naira ngo u! Harei awm khyh nai Tameuh ly kai ne.

JEREMIA 3:20

Na i py aw Israela, nang ly ka-ym by y nai aju kamta, kai i leu tangai y lawh bo. Hini ly kai Areng i thui nai leu ne.”

JEREMIA 31:20

“Israela awi, nang ly kai i ngai keh nai chapo hawi, kai i tamen keh nai chapo py ne. Kai ly nang i amyn kathui nai tleirei, nang ai aawi jojo nai ne. Kai i paleung ly nang teng y apei keh nai ne i, kang pahen ai.

HOSEA 11:8

“Aw Israela, kai ly nang ai mana kang paleang su ai mo? Kai ly nang ai mana khai su thai ai mo? Kai ly Adamah mary ai taphra nai kamta py, Zeboim mary ai tamyh hai nai kamta py, nang ai mana taphra thai ai mo? Nangchi i tlang tleaung y kai i tamen naira ly len parai nai deaungkho y, kai i paleung ly huna nai kamta kaso vam y.

HOSEA 4:11

Areng my, “Kai i khumichi ly kreip hang kangngym, kangtha nei cha pavui u nai deaungkho y, pany thai nai ka-dawn tama!

HOSEA 7:5

Samrang i sa nai pawi kani y samrang hawi ni i bangtangchi ai kreip hang panei iy, pavui tapai hai u bo.

AMOS 2:8

Chiu naira meingtym tleirei y khumi kamawnchi teng i kalai atheu nai kanihchi bai iy, i u nai ne. Nichi ly kalai awm nai khumichi teng i kalai atheu nai kreip hang ai, mychi i chiu nai Tameuh i achura yhm y nei u bo.

AMOS 6:6

Kreip hang khau verei nei iy, hawi keh nai mui katui amthym u bo. Na i py Israela pri phra nai ai ly paleung si y naimy awm u lawh ly!

MIKHA 7:7

Na i py kai ly Areng ai ajeng ai. Kai ai atleu ai nai Tameuh ai ym naimy ajeng ai. Kai i Tameuh ly kai i chiu sa nai tangai pi ai.

ZEKHARIAH 1:16

Jerusalem mary ai pahen nai sai patei ai nai, kavawi ali teang nai ne. Kai i Achura yhm sa palum teang iy, Jerusalem mary pui ai py, sa palum u teang ai nai tla ai,” napi.

MATTHAI 26:50

Naibaly Isu my ni teng y, “Nai awi, nang i jeu nai aly ly so jau bei,” napi. Hunaibaly nichi ly Isu ai patawn i patiu u bo.

I KORINTH 10:21

Nangchi ly Areng i khau hawi vawinamchi i khau hawi nei abom thai y leang: nangchi ly Areng i sabawi y hawi, vawinamchi i sabawi y py cho abom thai y leang.

I KORINTH 10:7

Naibaly nichi theung i phyreichi i sa nai kamta nangchi ly myn y chiu nai keung lawn u moh, “Khumi mipuichi ly cha ai nai hawi nei ai nai ateh iy, amau ai nai angthau u bi,” nanai tajiu nai kamta.

I PETERA 4:3

Cheng Takhrachi i kangai sa ai nai hawi paleaung naira y hawi, tlang i ngai phi teng y naira y hawi, pavui naira y hawi, mhm nei khrukhra naira y hawi, mhm nei ryry naira y hawi, myn y chiu nai kamso awm parai naira y py tako ai nai, jangni i neng ly hawi khyp bo;

TARA CHIH NAI KEUNGCHI 10:16

Hunai deaungkho y nichi ly cheng takhrachi chiu nai tameuhchi ai khai su iy, Areng ai chiu u ali teang bo. Mymy py nichi i avum nai patang naira molam y pahen pi bo.

TARA CHIH NAI KEUNGCHI 9:27

Nichi bawibawi ly kreip akhochi mang y chei u iy kreip athaichi jaw i, kreip hang sa chum baly, amo theu nai pawi harei sa u. Nichi ly mychi i tameuh yhm mang y chei u i, cha nei iy Abimelek ai panui hai u bo.