HOSEA 2:3 - Khumi Common Language Bible

³ Huni kalopchi anawn y baly, kai ly ni i ateaung leng vui iy, ni ai tapen nai kani khala i kamta, tlang ka-keu awm hai ai. Ni ai ly jengha iy teaung ai ngo y nai adym kamta, lawm hai nai deaungkho y, ni ly tui ahai naimy dei ai.

HOSEA 2:3 Iomraidhean Croise

THEU NAI 17:3

Na i py khumi mipuichi ly khri pa-rei tui ahai nai deaungkho y, Mosi ai josei u veangveang i ni teng y, “Ati mana nai kaichi ai Aikupta pri i nai theu hai mo? Kaichi hawi kaichi i cho chanauchi hawi tawnbawichi raurei tui kanghai y padei ai tau nai a?” napi u.

ISAIA 33:9

Huni pri py jengha iy khumi angso savaitlang veng bo. Lebanon daichi py aurui na veng bo. Khaileaung khuta hawi nai Sharon leaunghawi py, tui by y nai daichi ka-vym kamta lawm iy, Basen mawi hawi Karamela mawi y awm nai dengkeaung keungchi ly ngam vui be veng bo.

ISAIA 47:3

Nang ly tahm panem naira avum ai i, kangji nga iy tlang ka-keu awm nai ly khumichi my niu u ai. Kai ly nang ai vawitheung tha ai. Kai ai ami my py paka pajau ai ny y,” napi.

ISAIA 64:10

Nang i chai parai nai marychi ly khutaha daichi ka-vymchi lawm iy Jerusalem mary py, phra seaungkhrang naimy khumi angso by y naira lawm bo.

JEREMIA 12:10

Cheng takhra samrangchi malawn py, kai i kreip akho taphra u nai ne. Nichi ly kai i li hlauchi ai chiu u piupa veng bo. Apu parai nai kai i pri nai tui by y nai daichi ka-vym lawm hai u bo.

JEREMIA 13:22

Nangchi my, “Hini atitichi ly ati mana nai deaungkho y tym nai mo? Kaichi i ateaungchi ly ati mana nai y aseih pawn lawh mo? Kaichi ly ati mana nai khrukhra hai nairachi avum nai mo?” nanai deng u lawh baly, “Nangchi i kamngo ly ka-jeira hawi parai nai deaungkho y ne,” nanai pathang ai nai tla.

JEREMIA 13:26

Areng mymy kypkyp my, nangchi i ateaungchi ang lei pawn iy, nangchi ai kangji nga hai ai.

JEREMIA 14:3

Khumi kanangchi ly mychi i miseaungchi ai pato iy, tui deu hai nai khala y, nichi ly tuikan y tym u i py tui avum y. Nichi ly tui kacheang ka-keu naimy ali u bo. Nichi ly paleung phra athosi naimy dawn tamang tyh na i, lu amym u nai ne.

JEREMIA 17:6

Huni khumichi ly khumi angso savai tlang nai meingtymra y awm nai dengkeaung kadei kamta lawm iy, hawi naira tym nai pany u y. Khumi ami py by y nai palawi khaileaung, khutaha daichi ka-vymra y awm u ai.

JEREMIA 2:31

Israela mipuichi awi, nangchi ly kai i thui nai leu tangai u. Kai ly nangchi i vui daichi ka-vym kamta py, kaveng my khiu nai pri kamta py lawm veng bo a? Ti y lawh baly nangchi ly ati mana nai y nangmychi ngai ngai sa naimy, kai teng y mana khala py ali teang y leang bo, nanai thui u lawh mo?

JEREMIA 2:6

Kai ly nichi ai Aikupta pri i nai atleu iy, daichi ka-vym jeungrei, khutaha daichi ka-vym, khaileaung angawmchi kawi mang nanai pri, jengha iy ka-jeira nawi nai pri, khumi angso savai tlang naimy khuleaung chei nai khumi by y nai pri y tako prei i, lam kapahawi pi teu i py, nichi ly kai ai dawndan u y.

JEREMIA 22:6

“Kai i vui Juda samrang i yhm ly Kilead pri kamta py, Lebanon mawi saleung kamta apu i py, kai ly huni meingtym ai khumi angso savai tlang nai daichi ka-vym lawm hai ai.

JEREMIA 4:26

Areng i khri pa-rei kado theu nai haiho molam y paitiu khuta hawi nai pri ly tui by y nai daichi ka-vym lawm iy, marychi py phra seaungkhrang veng bo.

JEREMIA 51:43

Huni marychi ly kaso tahyn theu ai hawi naira lawm iy, khumi angso savai tlang naira, tui by y nai daichi ka-vym hawi atawm bo. Huni marychi mang y ami py khuleaung chei u y bo.

JEREMIA 51:5

Israela khumichi hawi Juda khumichi ly Israela chengchi i chai parai nai keung, kai i tlang tleaung y kamngo sa u teu i py, ati cheaungkhang sa thai nai keung kai Areng ly nichi ai khai su ai ny y.

Ezekiela 16:22

Nang deaungdi nai khala tlang ka-keu naimy thinai theung y angtlen jo nai leaungsaichi ai, nang ly amso ngai hawi nai bima sa nai thym khala, tlenreichy py pany vau y nai sai a?,” napi nai ne.

Ezekiela 19:13

Vai ly huni keung ai jengha iy tui by y nai daichi ka-vymra y ui bo.

HOSEA 13:15

Israela chengchi ly acha keungchi kamta angvai i py, kai ly khutaha daichi ka-vym mang dengdairei, nisi mang i ali kabi aho hai nai deaungkho y, nichi i tavo micheaungchi hawi tuikanchi kang hai iy, vang kateng vawnsai ngiereichi chau pawn ai.

HOSEA 2:10

Kai ly ni i tavawichi mo y, ni i ateaung ngiereichi leng vui ai. Kai i kiu theung i nai ami py, ni ai atleu pajau y.

AMTENG HAI NAI 17:16

Naibaly nang i niu nai taki horei hawi mawi kasi my py neampachy kamleaung ai niu ngai y ai i, ni ai ly ati sai py ny y nai hawi tlang ka-keu naimy khai ai, ni i ngan py cha u ai i mymy ai mai y kang hai bebe ai.

TARA CHIH NAI KEUNGCHI 15:18

Naibaly Samson ly khri pa-rei tui ahai i, Areng teng y, “Hini eaung nai pawi pui ai nangmy kai ai pei bo; vai, kai ly tui kanghai y dei ai bo a? Tameuh by y nai hini Philistia chengchi kiu y, kai ai patiu hai ai bo a?,” nanai chiu sa.