HOSEA 2:13 - Khumi Common Language Bible

¹³ Ni ly kai ai tami vui iy bala tameuh teng y rimuichi patawi naimy, muku, tangka ateaungchi amthyp iy, tavawichi nithun abang nai molam y, kai ly ni ai pajeng ai. Hini ly Areng my thui nai leu ne.

HOSEA 2:13 Iomraidhean Croise

2 ARENG KEH 1:2

Israela samrang Ahazia ly Samari mary, my i samrang yhm amphu salo i savang mang tla i, khri pa-rei no nga bo. Naibaly ni ly Philistin pri Ekron mary i tameuh Balazebu teng y savaichi pato iy, mymy no hawi teang ai mo, hawi teang y ai mo, nanai deng hai bo.

2 ARENG KEH 10:28

Hini ly Jehu my Israela pri y bala tameuh ai chiu nai sai taphra nai leaungsai ne.

2 ARENG KEH 21:3

Ni ly my i ampo Hezekia my taphra pawn nai myn y chiu nai meingtymchi sa palum teang. Bala tameuh teng y talam nai maichamchi sa iy Israela samrang Ahaz kamta, Aser tameuh nu i tamkhawn pado. Manase ly ka-sichi ai py chiu.

JOBA 8:13

Tameuh by y nai khumichi ly huni japang-eumuichi hawi atawm; Tameuh ai tami vui nai dengdairei, nichi ly athang khai naira by y nai lawm u bo.

SAM 106:13

Na i py nichi ly mymy i sa nai saichi ai vaimy tami veng ryp chum baly, mymy i lam patei naichi ajeng y naimy sa u vui bo.

SAM 106:21

Aikupta pri y lyh ai hawi nai leaungsaichi hawi, mymychi ai atleu pi nai Tameuh ai tami u bo.

SAM 78:11

Nichi ly nang i sa nai leaungsaichi hawi, nang i sa nai rengrang ka-ma-rachi ai py, tami u pawn veng bo.

THEU NAI 32:34

Vai chei iy nang teng y kang thui pi nai meingtym y tym pa-rei nichi ai pahawi; kai i angel my nang ai lam patei ai; na i py hini khumichi i kamngolai kapajeng ai nai neng tym ai mang,” napi.

ISAIA 17:10

Aw Israela pri, nang ly nang ai atleu iy lengseaung pui kamta ama hai nai Tameuh ai tami veng lawh bo. Nang ly cheng takhra khumichi i tameuh ai chiu ai nai apu parai nai keungchi ui nai ne.

ISAIA 65:7

Nichi i kamngolai py, nichi i amsi pajochi i kamngolai py, vawitheung katha hai ai. Nichi ly mawi salo i mynchi ai chiu nai meingtymra y mui katuichi leng patlum iy, kai ai cheh u bo. Hunai deaungkho y nichi ai kamngo ka-taing kapajeng ai,” napi.

JEREMIA 11:13

Juda pri y mary neangneang awm nai kamta, khumi mipuichi teng py tameuh neangneang awm. Jerusalem mary theung y py lam neangneang awm nai kamta, mary i khumichi ly kaji ai hawi nai Bala tameuh i vui, kapathypra talam ai nai maichamchi sa u nai ne.

JEREMIA 18:15

Na i py kai i khumichi ly kai ai tami u bo. Nichi ly ati sai py ny y nai mynchi vui y mui katuichi leng patlum u lawh. Nichi ly mychi tako ai avo nai lam y athei iy, atlym u bo. Lam kangngym tako u y. Nichi ly ka-ma-ra khai y nai amny amcha y nai lam mang tako u nai ne.

JEREMIA 2:32

Anglo ly mymy i amia lengseaungchi ai py, deaung vawi nai anglo ly mymy i apom nai ateaungchi ai py, tami vui thai na a? Na i py kai i khumichi ly kati pajau y nai neng kanichi neng khala, kai ai tami u veng bo.

JEREMIA 23:2

Mymy i khumichi ai kry ai tla nai samrang kangsochi teng y, Israela chengchi i Areng my, “Nangchi ly kai i khumichi ai khen y; kai i khumichi ai patheu iy ahei hai bo. Huna nai nangchi i hawi y sa nai molam y, nangchi ai pajeng ai.

JEREMIA 7:34

Kai ly Juda marychi hawi Jerusalem mary lamchira y, apom nai pawira i amo theu nai katynchi hawi, amo theu kawn nai katynchi py, tama hai vui ai. Huni meingtym ly khumi angso savai tlang naira lawm ai.

JEREMIA 7:9

Nangchi ly paviu nai, khumi ai padei nai, ami i aju ai taphra nai, ka-chawi naimy vaineng abeu nai, Bala tameuh teng y apathyp nai hawi nangmychi pany vai y nai tameuhchi ai chiu u bo.

TANGAM NAI LEU 1:4

Khai takhra nai pawi neng kani khala, chiu sa ai nai Achura yhm y chei nai khumi py by y. Achura yhm y khulym thui nai anglochi py, paleung si paleung mawn naimy awm u bo. Naibaly pathyp pi nai keungchi py, vo tangam nai ny y baly ati sai py so u thai y. Mary katheuchi ly khumi savai angau na bo. Zion mary ly patang naira avum bo.

TANGAM NAI LEU 5:14

Miteaungchi ly mary apai pa-kho sahawi y ateh u y leang bo. Thawndeang deaungdichi py, katyn kapauchi beu u y leang bo

Ezekiela 16:12

notareang amchochi, kano amchochi hawi nang adeung ai nai apu parai nai areng lukhym py kang pei bo.

Ezekiela 16:17

Nang ly kaimy kang pei nai muku tangka hawi vang kateng lengseaung phyreichi la iy neampacho mynchi sa, hunichi hawi tamang nai ne.

Ezekiela 22:12

Nang theung i nang i khumi phyreichi ly un cha iy, khumi ai padei nai keungchi lawm u bo. Phyrei khumichi ly mymychi Israela chengchi teng y tangka paseng i, kamran la iy mymychi ai nang hai u. Nichi ly kai ai tami u veng bo,” napi. Hini ly sa thai naira angym nai Areng i leu ne.

Ezekiela 23:35

Sa thai naira angym nai Areng my leu pei nai ly “Nang ly kai ai tami vui iy nithun thun naimy kamleaung paleung hawi bima kalop sa nai molam y, nang ly patang naira avum ai,” napi.

HOSEA 11:2

Na i py kai ly ni ai kapalau baly, kai teng i nai angpreng ra bo. Kai i khumichi ly Bala tameuh teng y apathyp iy, mynchi teng y rimui patawi u.

HOSEA 13:1

Vaichi khala Ephraim cheng theaungchi i thui nai leu ai, takhra Israela cheng theaungchi ly jei hyn u bo. Takhra Israela cheng theaungchi ly Ephraim cheng theaungchi ai tahm khai u nai ne. Na i py nichi ly Bala tameuh ai chiu u nai kamngo molam y dei u ai.

HOSEA 13:6

Na i py nangchi ly tlamsa naira angym nai pri y tym iy, teicha teinei kajeu kawi pa-rei cha ai nai nga nai deaungkho y, paleung tuinem nai khala, paleung len i, kai ai tami u bo.

HOSEA 2:7

Ni ly tavawichi nithun hui teu i py, kai ai ny y, hau i py niu ai ny y. Huna nai khala ni my, “Kai ly juvo kangngym teng y vawi ali teang ai. Kai ly juvo kangtha hawi ateaung ahawi nai tleaung y, juvo kangngym hawi ateaung ahawi nai ly hawi keh alam ai,” nanai thui ai.

HOSEA 4:13

Nichi ly mawi saleung i chiu sa nai meingtymchira y apathyp u iy, mawi aheungchira i, ka-khui hawi nai dengkeaung keung puichi anui y rimuichi patawi u bo. “Naibaly nangchi i chaniuchi ly bimanu lawm iy, nangchi i lengngochi ly kamleaungnu lawm u bo.

HOSEA 4:6

Kai i khumichi ly kai ai pany u y nai deaungkho y, pajeng naira avum u ai. Nangchi pathyp pi nai keungchi ly kai ai pany y i, kai i thui pi nai leu ai py tangai u y nai deaungkho y, kai ly nangchi ai kang khai su bo. Nangchi i chapochi ai py, pathyp pi nai keungchi ne, nanai kang palawn pi ai ny y.

HOSEA 8:14

“Israela khumichi ly samrang yhmchi sa u teu i py, mychi ai sa nai keung ai tami u bo. Juda khumichi ly khaw parai nai marychi sa u. Na i py kai ly nichi i samrang yhmchi hawi marychira y, mai tla iy kang hai ai.”

HOSEA 9:7

Nichi i tlang tleaung y kamngo pajeng ai nai neng ly tym bo. Huni neng tym nai khala y Israela khumichi my pany u ai! Nangchi my, “Hini amo ly kamthu. Phailo nga nai khumi ly khumi ka-khum ne,” nanai thui u bo. Nangchi ly khri pa-rei kamngo sa u nai deaungkho y, kai ai pipi niu ngai u y bo.

AMOS 8:10

Nangchi i amo theu nai pawichi ai, sih tla nai pawi lawm hai ai. Nangchi i amo theu sarai iy khulym thui nai raawichi ly vo nai raawichi lawm vui ai. Nangchi ly sam vau chum iy, paisiu kanih akhiu u ai. Chapo leaungrei awm nai dei keng nai deaungkho y, paleung si tapai nanai amhm ampo kamta lawm ai. Huni kani ly tem khala khrairei khri pa-rei hawi y nai kani lawm ai.

Leu Thui Nai 32:18

Nichi ly sa thai naira awm nai atleu keung, mymychi ai hengra pei nai keung Tameuh ai tami u vui bo.

Leu Thui Nai 6:12

Aikupta pri miseaung i nai nangchi ai atleu nai keung Areng ai tami y ai nai dawn u jo.

TARA CHIH NAI KEUNGCHI 10:6

Israela chengchi ly Bala tameuh, Moba tameuh, Asatare tameuh, Suria tameuh, Sidon tameuh, Ammon tameuh, Philistia tameuhchi ai chiu u i, Areng ai khai u su bi nai ne. Nichi ly Areng ai khai su iy mymy ai chiu nai anawn u veng bo.

TARA CHIH NAI KEUNGCHI 3:7

Israela chengchi ly mychi i Areng Tameuh ai tami u veng bo; mymy i tlang tleaung y tamang u i, Bala tameuh hawi Aser tameuhchi ai chiu u.

1 SAMUELA 12:9

Na i py khumichi ly mychi i Areng Tameuh ai tami u vui nai deaungkho y, mymy ly Philistia khumichi ai py, Moba samrang hawi Hazor tavailu areng Sisera ai py, tavai tiu hai i, nangchi i amsi pajochi ly tavai sum u bo.