HOSEA 2:10 - Khumi Common Language Bible

¹⁰ Kai ly ni i tavawichi mo y, ni i ateaung ngiereichi leng vui ai. Kai i kiu theung i nai ami py, ni ai atleu pajau y.

HOSEA 2:10 Iomraidhean Croise

2 NENG SATANG 24:7

(Neampachy kaphra Athalia i khumichi ly Achura yhm taphra iy, khai takhra nai vawnsai ateaung alangchi la i, Bala tameuh ai chiu nai achura yhm y teaung u nai ne.)

SAM 50:22

“Kai ai dawndan y nai khumichi awi, hini molam y adawn pasym u; ti y lawh baly kai ly nangchi ai kang tamyh pawn ai. Nangchi ai atleu ai nai khumi leaungrei py awm ai ny y.

LEU KACHENG 11:21

Tau hawi y nai khumichi ly pajeng naira avum ai; na i py khumi kahawichi ly meitang khyp, pajeng naira avum y ai.

ISAIA 3:17

Na i py kai ly nichi ai lu vau tabiuliu iy pajeng ai,” napi.

JEREMIA 13:22

Nangchi my, “Hini atitichi ly ati mana nai deaungkho y tym nai mo? Kaichi i ateaungchi ly ati mana nai y aseih pawn lawh mo? Kaichi ly ati mana nai khrukhra hai nairachi avum nai mo?” nanai deng u lawh baly, “Nangchi i kamngo ly ka-jeira hawi parai nai deaungkho y ne,” nanai pathang ai nai tla.

JEREMIA 13:26

Areng mymy kypkyp my, nangchi i ateaungchi ang lei pawn iy, nangchi ai kangji nga hai ai.

Ezekiela 16:16

Nang ly nangmy i ateaung alang phyreichi hawi, nangmy i chiu nai meingtymchi palum naimy bima sa iy, nangmy i khumi neangneangchi teng y apei bo. Huna nai kamta sa ai nai tlo y, huna nai py awm ngau y.

Ezekiela 16:19

Kai ly nang cha ai nai hawi keh nai tako dei, olive asitui, khawi hang hawi sa nai teicha teineichi kang pei. Na i py nang ly mynchi teng y meimai nga ai nai, huni teicha teineichi ai nichi teng y mui katui palawn iy talam lawh bo,” napi. Hini ly sa thai naira angym nai Areng i thui nai leu ne.

Ezekiela 23:29

Nichi ly nang ai niu ngai y i, nang i pateung achu nai vawnsai ngiereichi la vui iy, nang ai tlang ka-keu naimy ang khai u su ai. Nang ai tlang ka-keu naimy awm nai bima kamta lawm hai ai. Nang ly kamleaung paleung awm nai hawi bima kalop sa nai deaungkho y,

HOSEA 10:1

Israela khumichi ly athai neangneang thawn nai kreip angjyn keung hawi atawm. Nichi ly nang chawn ryh baly, maicham neangneang sa u nai ne. Thengthai khulawn nawi ryh baly, mychi i chiu nai leaungchengchi ai apu tleaung apura pa-rei palum u bo.

HOSEA 13:1

Vaichi khala Ephraim cheng theaungchi i thui nai leu ai, takhra Israela cheng theaungchi ly jei hyn u bo. Takhra Israela cheng theaungchi ly Ephraim cheng theaungchi ai tahm khai u nai ne. Na i py nichi ly Bala tameuh ai chiu u nai kamngo molam y dei u ai.

HOSEA 2:3

Huni kalopchi anawn y baly, kai ly ni i ateaung leng vui iy, ni ai tapen nai kani khala i kamta, tlang ka-keu awm hai ai. Ni ai ly jengha iy teaung ai ngo y nai adym kamta, lawm hai nai deaungkho y, ni ly tui ahai naimy dei ai.

HOSEA 6:9

Pathyp pi nai keungchi ly tiu lawm ai nai oh nai damra kamkawm hawi atawm. Nichi ly Sekhem mary mang y chei nai lam y malawn py, khumi ai tleh u nai ne. Nichi ly hina nai hawi y nai kalopchi sa u lawh ly!

MIKHA 5:8

Daichi mawi kanghu theung y tym nai khrangsi kamta py, beram kanghuchi theung y tym nai khrangsi kamta py, dei kamthum Israela chengchi ly cheng takhrachi theung y tym ai. Khrangsi ly beram kanghuchi theung y kun iy, beramchi ai kei piupa ai i, ami my py atleu pajau ai ny y.

I KORINTH 4:5

Hunaibaly Areng jeu y ryrei ly neng y rai khala y ati sai py chih u moh; mymy ly kaveng i atiti leu kangviuchi ai ly kangvang y patheu iy, paleung y tau naichi ai py amteng hai ai; huna nai neng khala y ly khumi leaung leaungrei ly Tameuh teng y amymy i nga ai nai kamlau palo naira nga ai.