HOSEA 14:9 - Khumi Common Language Bible

⁹ Tau cheng nai khumi hawi dawn pasym thai nai khumichi ly hini cha-iura tajiu nai ngiereichi ai dawn pany thai iy, paleung theung y pateung u me na sy. Areng my khai pi nai reitachi ly teng nai deaungkho y khumi kahawichi ly huni reita lamchi kamta tangai iy, heng u bo. Na i py kamngo sa nai khumichi ly huni reita lamchira y tako u y nai deaungkho y, athei thleaung iy atlym u nai ne.

HOSEA 14:9 Iomraidhean Croise

ATITI AWM ANGCHEI NAI 18:25

Nang ly khumi kahawichi ai khumi hawi y naichi hawi vanrei padei rau ai ny y leang. Huna nai ly avo y leang! Nang ly sa ai ny y. Nang huna nai kamta sa lawh baly khumi kahawichi py, khumi hawi y naichi hawi vanrei pajeng naira avum u ai; huna nai ly avo y leang. Khaileaung pri verei ai tara chih nai keung ly meitang naimy tara chih pi ai teu” napi.

JOBA 17:9

Amychi ai tahm awm, nanai thui naichi ly mychi mang kateng ne, nanai ymra ymra u bo.

SAM 107:43

Khumi kachengchi ly huni atitichi ai, paleung theung y pateung me iy, Areng i khaw parai nai tamen nai satang dawn u pasym sy.

SAM 119:128

Hunai deaungkho y kai ly nang i leu patiu pi nai ngiereichi ai tangai iy, lam teng y nai ngiereichi ai niu ngai y bo.

SAM 119:75

Aw Areng, nang i tara chih nai saichi ly adyh adawi nai ne, nanai py, meitang khyp naimy kai ai pajeng, nanai py kai ly pany bo.

SAM 84:5

Nang teng i dengdairei atho haiho nga nai khumichi ly taham hawi; nichi ly Zion mawi mang y chei ai nai paleung apei u naichi ne.

SAM 84:7

Nichi ly tako nai tarawi y atho nga u ra nai ne; Zion mawi salo y tameuhchi i Tameuh ai niu u ai.

LEU KACHENG 10:29

Areng ly neaung hawi nai khumichi ai ama hai nai ne; na i py hawi y sa nai khumichi ai ly tama hai reng.

LEU KACHENG 16:21

Tau cheng naira angym nai khumi ly cheng naira awm nai khumi, nanai amthang reng. Ni ly leu tui nai hawimy ami i paleung ai parawi pajau nai ne.

LEU KACHENG 4:18

Khumi kahawichi i tako nai lam ly khutawi phang nai kangvang sangso, khawn kani si nai hawi atawm.

ISAIA 1:28

Na i py mymy ly kamngo sa nai khumi hawi mymy ai tiu nai khumi bawibawichi ai tamyh pawn ai. Mymy ai khai su nai khumi ngiereichi ai tamyh ai.

ISAIA 17:8

Nichi ly mymychi my sa nai maichamchi ai py, Aser kani anglo ai chiu ai nai mychi kiu hawi sa patyp nai tamkhawnchi hawi rimui muikatuichi patawi naira maichamchi ai py, ym u ai ny y.

ISAIA 26:7

Aw Areng, nang ly khumi kahawichi i lam taw hai bo; nichi i tako nai khuleaung lam py, adyh parai nai ne.

JEREMIA 29:12

Huna nai khala y nangchi ly kai ai palau u ai; kai teng y jeu iy chiu sa u ai. Kai py nangchi i hnei takeng nai kang pathang pi ai.

JEREMIA 9:12

Kaimy, “Aw Areng, “Ati mana nai y hini pri ly aki aleaung ai nai ngo y, phra seaungkhrang naimy tui by y nai daichi ka-vym kamta lawm lawh mo? Hina naichi pany thai nai khumi kacheng ly ami mo? Khumi takhrachi teng y thui pi pateang thai ai nai, ami hini satangchi ai ami teng y nangmy pany hai yb mo?,” nanai deng bo.

Ezekiela 11:18

Nichi ly tym u ali teang nai khala, mymychi i avum nai ngiereichi, amso ngai hawi nai mynchi khai u su ai.

Ezekiela 18:25

“Na i py nangchi my, ‘Areng i sa nai ly teng y,’ nanai thui u bo. Aw Israela chengchi awi, kai i thui nai leu tangai u. Nangchi my kai i sa nai sai teng y, nanai athang khai u nai sai a? Teng y nai saichi ly nangchi i sa naichi teu.

Ezekiela 36:25

Kai ly nangchi ai tui kachai hawi katheng iy, nangchi i mynchi hawi nangchi ai chai hai y nai ngiereichi ai py chai hai bawibawi ai.

DANIELA 12:10

Khumi neangneangchi ly paleung chai u ai. Khumi hawi y naichi ly pany thai naira by y i, hawi y naira sa u veangveang ai. Khumi kacheng naini, pany thai naira nga ai.

ZEPHANIAH 3:5

Na i py Areng ly huni mary theung y awm jo rai. Mymy ly hawi nairachi naini sa iy, hawi y nairachi ly mana khala py so y. Khawn tleirei mymy i khumichi ai paleung phra y naimy, kahawi tara chih nai ne. Na i py hunira i khumi hawi y naichi ly hawi y nairachi sa u jojo. Nichi teng y kangji kangai py by y.

ZEKHARIAH 10:6

“Kai ly Juda khumichi ai atho awm hai iy, Israela khumichi ai atleu ai. Kai ly nichi ai pahen iy, mychi i saleaung khuteng mang y pahawi teang ai. Nichi ly kaimy mana khala py khai su vai y nai khumichi kamta lawm ai. Kai ly nichi i Areng Tameuh ne iy, nichi i chiu sa nai pathang pi ai.

MATTHAI 11:19

Khumi i Chapo ly ang jeu iy cha py cha, nei py nei i, ‘Khen cham, biu ha nai khumi, kreip athai hang ha nai khumi, akeu cheaung nai keungchi hawi khumi kamngochi i ahawi ho!” napi u lawh. Ne mang ly cheng naira ly mymy i atiti sa naira y eaung bo mang,” napi.

LUKA 2:34

Naibaly Simeon my nichi ai amtheaung hai i amhm Mari teng y, “Khen cham, hini deaungdi ly khumi neangneangchi i paleung y dawn nairachi ai amteng hai thai ai nai, Israelachi theung i khumi neangneangchi ai atlym hai ai nai hawi, aei nai ka-ma-ra lawn ai nai py khai nai ne:

LUKA 7:23

Naibaly ami py kai i tlang tleaung y paleung hawi y naira ngo y nai ly taham hawi,” nanai pathang.

JOHAN 15:24

Khumi takhra ami py so vai y naichi ly kaimy nichi theung y so y nai khyly, nichi ly kamngo by y ai bo; vai ly nichi ly Ngaai kaini ai niu i py niu ngai y bo.

JOHAN 18:37

Naibaly Pilata my ni teng y, “Nang ly samrang cham mo?” napi. Isu my, “Nangmy kai ai samrang napi be. Leu meitang pany hai ai nai kai ai tapen nai hawi, khaileaung pri y kang jeu nai tang. Ami py leu meitang awm nai ngierei ly kai i leu tangai,” napi.

JOHAN 8:47

Tameuh teng i theu nai ly Tameuh i leu tangai; nangchi ly Tameuh teng i theu nai ny y nai deaungkho y chy bo tangai y nai ly,” napi.

JOHAN 9:39

Isu my ly, “Mei kamjuchi mei angvang thai ai nai hawi mei kangvangchi ly mei paju thai ai nai py kai ly hini khaileaung pri y tara chih ai nai kang jeu nai ne,” napi.

AMTAW 13:10

“Nang tapawp nai khumi hawi mei amcheu rawi nai cheaungkhang kawi nai keung, nang diabola i chapo nang hawi naira cheaungkhang ai paka nai keung awi, Areng i lam teng parai nai taphra nai ly nang anawn y ai a?

ROM AVANGCHI TENG Y PAWLA I CHA PA NAI 7:12

Hunaibaly Reita ly kachai ne, leu pei nai py chai py chai, hawi py hawi, meitang py ne.

Leu Thui Nai 32:4

“Areng ly nangchi ai ama hai nai keung ne; mymy i sa nai ngiereichi ly angym iy hawi parai. Nangchi i Tameuh ly ka-ym awm nai hawi leu meitang py ne; mymy ly apu parai nai hawi, hawi parai nai Tameuh py ne.

AMTENG HAI NAI 15:3

Naibaly nichi ly Tameuh i miseaung Mosi i khulym hawi, Beram Cho i khulym py thui iy, “Aw! Atiti py Sa Thai Nai Areng Tameuh, Nang i atiti sa naichi ly nang parai nai hawi rengrang tlai nai ne: Aw! Cheng bawibawichi i Samrang, Nang i lam cheaungkhangchi ly hawi py hawi, teng py teng.