HOSEA 14:1 - Khumi Common Language Bible

¹ Israela khumichi awi, nangchi i Areng Tameuh teng y vawi u teang jau. Nangchi ly nangmychi i kamngo molam y athei thleaung iy atlym u bo.

HOSEA 14:1 Iomraidhean Croise

2 ARENG KEH 8:12

Hazaela my, “Areng awi, ati mana nai y vo nai mo?” napi. Elisa my, “Nang ly Israela chengchi i tlang tleaung y hawi y parai nai ka-jeira tym hai ai, nanai kai ly pany nai ne. Nang ly nichi i lengseaung yhmchi ai mai leng iy, hawi parai nai thawndeang deaungdichi ai tleh ai; deaungdichychi ai athyh teng iy padei ai. Neampachy jeubomchi ai py kajeu seikra iy padei ai,” napi nai pathang.

ISAIA 19:22

Areng ly Aikupta chengchi ai pajeng ai nai ne teu i py, nichi i tamo kalemchi tama hai ai. Nichi ly Areng teng y ali teang nai deaungkho y, nichi i hnei takeng nai raawi tangai pi iy, nichi i no-na tama hai ai.

JEREMIA 2:19

Nang i hawi y sa naimy ly nang ai ang pajeng ai. Nang i sa tamang naimy ly nang i kamngolai tara chih ai. Nangmy i Areng Tameuh ai khai su nai, kai ai jei kaji y naimy awm nai, hunichi ly ati mana tanrei hawi y na mo, nanai nang pany ai. Hini ly ati cheaungkhang sa thai nai keung, kai, Areng my thui nai leu ne,” napi.

JEREMIA 4:1

Areng my, “Israela mipuichi awi, nangchi vawi u ali teang ai nai ngai lawh teu baly, kai teng y vawi u. Kai i niu ngai y nai mynchi va pawn iy, kai i tlang tleaung y ka-ym awm u lawh teu baly,

TANGAM NAI LEU 5:16

Kaichi i amlyh ai naira ly ha py by y leang bo. Kaichi ly kamngo sa tamang nai deaungkho y, taham si.

Ezekiela 16:46

“Nang i ngamjo neampachy ly mymy i chaniuchi hawi vanrei awm nai tosyh ngan mang i Samari mary ne. Nang i ngamnau neampachy ly mymy i chaniuchi hawi vanrei awm nai, tokalawi ngan mang i Sodom mary ne.

Ezekiela 33:11

Sa thai naira angym nai kai Areng ly Tameuh kangheng ne nai deaungkho y, kaimy kang thui pi nai ly ami mo leaungrei kamngo sa iy dei nai niu ai nai ngai y. Huni khumi kamngo sa nai anawn iy heng nai naini kaniu ai nai ngai. Nangchi Israela chengchi awi, nangchi i sa thym nai kamngochi anawn u jau; ati mana nai y dei ai nai ngai u lawh mo?

Ezekiela 33:14

Kai ly khumi hawi y nai ai dei ai nai tla, napi nai deaungkho y ni ly mymy i kamngo sa tamang naichi anawn iy, kateng kataw kahawi sa lawh baly,

HOSEA 10:12

Kai my, ‘Nangchi i vui khaileaung kangthara thawn iy, leu meitang adyh adawi nai ti hei u ba, kai i tlang tleaung y ka-ym awm nai amti amjang tyn u, nangchi i Areng teng y ali teang ai nai neng tym bo. Kai py kang jeu iy nangchi ai amtheaung hai ai’ napi.

HOSEA 12:6

Hunai deaungkho y Jakob i kangpreangchi awi, nangmychi i Tameuh ai ym iy mymy teng y vawi u teang ba, ka-ym awm u, kahawi so u, nangmychi i Tameuh ai paleung sau parai naimy ajeng u.

HOSEA 12:8

Nichi my, ‘Achi ly nang chawn u bo. Paisa tangka neangneang pateung bo. Ami py achi ai teng y naimy nga nai tangka hawi nang chawn nai ne, nanai neng hai pajau y leang,’ na u.

HOSEA 13:9

“Israela khumichi awi, kai ly nangchi ai tamyh vui ai. Nangchi ai ami my sabawm pajau ai mo?

HOSEA 4:8

Nangchi ly kai i khumichi kamngo sa nai molam y, nang u nai ne. Hunai deaungkho y nangchi ly nichi kamngo sa ra ai nai atho pei u bo.

HOSEA 5:5

Israela khumichi i paleung len amlyh nai sai ly mychi i vui pany hai ai. Nichi ly mychi i kamngo molam y atlym u nai ne. Juda khumichi py, nichi hawi vanrei atlym u bo.

HOSEA 6:1

Khumichi my, “Areng teng y vawi u ali teang sina! mymy ly achi ai tamo kalem nga hai teu i py, tamo tha pa-rei hawi ang sa pi ai. Tamo nga hai teu i py, huni tamo ai bam pi y ai a?

HOSEA 9:13

Aw Areng, nichi i cho chanauchi ai paleung ka-echi my hau iy, padei nai mei sajang kaniu nai ne.

HOSEA 9:7

Nichi i tlang tleaung y kamngo pajeng ai nai neng ly tym bo. Huni neng tym nai khala y Israela khumichi my pany u ai! Nangchi my, “Hini amo ly kamthu. Phailo nga nai khumi ly khumi ka-khum ne,” nanai thui u bo. Nangchi ly khri pa-rei kamngo sa u nai deaungkho y, kai ai pipi niu ngai u y bo.

AMOS 1:13

Areng my, “Ammon khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly khu ta-i ai nai ngai phi nai deaungkho y, tavai atiu nai khala Kilead pri neampachy jeubomchi ai malawn py, kajeu pho iy padei bo.