HOSEA 13:6 - Khumi Common Language Bible

⁶ Na i py nangchi ly tlamsa naira angym nai pri y tym iy, teicha teinei kajeu kawi pa-rei cha ai nai nga nai deaungkho y, paleung tuinem nai khala, paleung len i, kai ai tami u bo.

HOSEA 13:6 Iomraidhean Croise

NEHEMIA 9:35

Kaichi i samrangchi ly nang i pei nai kau parai nai hawi apu parai nai pri theung y awm ai nga nai thym khala y, nang teng i amtheaung naira nga nai hawimy, nang i khumichi ai peang ai nai nga u nai ne. Na i py nichi ly kamngo ai en vui y, nang i kalop ai py so u y.

SAM 10:4

Khumi aso y naichi ly Areng ai dawndan y; ni ly amlyh am-e iy Tameuh by y, nanai dawn jojo.

LEU KACHENG 30:9

Kai ly ngai nai tleaung y nga panawi lawh teu baly, nang ai khai su lawh na. Kamawn lawm lawh teu baly kangviu kasa ai i, kai ly Tameuh i amyn amso ngai hai lawh ai.

ISAIA 17:10

Aw Israela pri, nang ly nang ai atleu iy lengseaung pui kamta ama hai nai Tameuh ai tami veng lawh bo. Nang ly cheng takhra khumichi i tameuh ai chiu ai nai apu parai nai keungchi ui nai ne.

JEREMIA 5:7

Areng my, “Kai ly kaimy i khumichi i kamngochi ati mana nai y kapahen ai mo? Nichi i cho chanauchi ly kai ai khai su iy, tameuh ka-chawichi i amyn y tau iy vaineng abeu u bo. Kai ly kaimy i khumichi ai kajeu kawi pa-rei kapacho teu i py, nichi ly ami i yhm hlau taphra iy, bimachi hawi tamang u bo.

Ezekiela 23:35

Sa thai naira angym nai Areng my leu pei nai ly “Nang ly kai ai tami vui iy nithun thun naimy kamleaung paleung hawi bima kalop sa nai molam y, nang ly patang naira avum ai,” napi.

Ezekiela 28:5

Nang ly ka-sum ka-pai sa naira y py kawp parai nai deaungkho y, kamranchi nga ra nga ra nai ne. Nang ly nangmy i nang chawn naira y khri pa-rei amlyh am-e na!

HOSEA 10:1

Israela khumichi ly athai neangneang thawn nai kreip angjyn keung hawi atawm. Nichi ly nang chawn ryh baly, maicham neangneang sa u nai ne. Thengthai khulawn nawi ryh baly, mychi i chiu nai leaungchengchi ai apu tleaung apura pa-rei palum u bo.

HOSEA 12:8

Nichi my, ‘Achi ly nang chawn u bo. Paisa tangka neangneang pateung bo. Ami py achi ai teng y naimy nga nai tangka hawi nang chawn nai ne, nanai neng hai pajau y leang,’ na u.

HOSEA 2:13

Ni ly kai ai tami vui iy bala tameuh teng y rimuichi patawi naimy, muku, tangka ateaungchi amthyp iy, tavawichi nithun abang nai molam y, kai ly ni ai pajeng ai. Hini ly Areng my thui nai leu ne.

HOSEA 2:7

Ni ly tavawichi nithun hui teu i py, kai ai ny y, hau i py niu ai ny y. Huna nai khala ni my, “Kai ly juvo kangngym teng y vawi ali teang ai. Kai ly juvo kangtha hawi ateaung ahawi nai tleaung y, juvo kangngym hawi ateaung ahawi nai ly hawi keh alam ai,” nanai thui ai.

HOSEA 4:6

Kai i khumichi ly kai ai pany u y nai deaungkho y, pajeng naira avum u ai. Nangchi pathyp pi nai keungchi ly kai ai pany y i, kai i thui pi nai leu ai py tangai u y nai deaungkho y, kai ly nangchi ai kang khai su bo. Nangchi i chapochi ai py, pathyp pi nai keungchi ne, nanai kang palawn pi ai ny y.

HOSEA 4:7

Nangchi pathyp pi nai keungchi vuikanai nawira nai hawimy, kai i tlang tleaung y nangchi i kamngo sa nai sai nawira bo. Hunai deaungkho y kai ly nangchi i tahm awm nai taphra ai.

HOSEA 5:14

Kai ly khrangsi kamta Israela khumichi hawi Juda khumichi ai tiu ai. Kaimy kypkyp my nichi ai dei lawm na pa-rei sei piupa iy khai su ai. Kai ly nichi ai ryh vui nai khala y, ami py nichi ai atleu pajau ai ny y.

HOSEA 7:14

Nichi ly ym tatang nai paleung hawi chiu so u y. Amymy ai atlym hai iy, aeu naimy tangam u bo. Nichi ly choh bai palo hawi kreip hang nga ai nai chiu sa nai khala y, myn y chiu nai khumichi kamta, amymy ai tamo kalem nga hai iy, hnei takeng reng. Nichi ly kai ai tiu u lawh ly!

HOSEA 8:14

“Israela khumichi ly samrang yhmchi sa u teu i py, mychi ai sa nai keung ai tami u bo. Juda khumichi ly khaw parai nai marychi sa u. Na i py kai ly nichi i samrang yhmchi hawi marychira y, mai tla iy kang hai ai.”

HOSEA 8:4

“Kai i khumichi ly mychi i kangai samrangchi vawi takhra u nai ne. Kai i paleung kangai ny y naimy, lu sa naichi ai khai takhra u bo. Mychi i muku, tangka hawi mynchi sa u i, mychi phra ai naini sa u nai ne.

Leu Thui Nai 32:18

Nichi ly sa thai naira awm nai atleu keung, mymychi ai hengra pei nai keung Tameuh ai tami u vui bo.