HOSEA 13:5 - Khumi Common Language Bible

⁵ Kai ly jengha iy bi parai nai daichi ka-vymra y, nangchi ai kang kry nai ne.

HOSEA 13:5 Iomraidhean Croise

ATITI AWM ANGCHEI NAI 31:40

Kani thun y kani bi patang nai, vum y kasavai patang nai, i kamhm patang nai neng neangneang awm.

SAM 1:6

Areng ly khumi kahawichi ai pahawi iy kry ai; na i py khumi hawi y naichi ly tama u ai.

SAM 142:3

Kai ly paleung phra nai khala y kai i tako ai nai lam mymy pany nai ne. Kai i tako nai lam y paleung ka-echi ly kai i vui deaung pateung pi yb bo.

SAM 31:7

Nang i khaw parai nai tamen nai saho y, kai ly amo theu ai. Nang ly kai i patang nai niu. Kai i kamtang pany pi bo.

SAM 63:1

Aw Tameuh, nang ly kai i Tameuh ne nai deaungkho y, kai ly nang ai kadeaung nai ne. Kai ly tlang hawi paleung verei, nang ai ajeng naimy kadeaung bo; kai i phailo ly tui by y iy jengha nai khaileaung kamta, nang ai kadeaung bo.

THEU NAI 2:25

Naibaly mymy i khumi Israela chengchi ly miseaung achei nai, patang nai, niu i adawn pi nai ne.

JEREMIA 2:2

“Nang ly Jerusalem mary y chei iy, huni mary y awm nai khumi bawibawichi teng y hini satang thui pi,” Nangchi ly deaungdi khala y, ati mana ka-ym awm u mo, nanai kai pany. Nang ly deaung vawi nai anglo kamta kai ai khrei bo. Nangchi ly ati sai py pati y nai daichi ka-vym jeungrei tako prei iy, kai i nithun abang u nai ne.

JEREMIA 2:6

Kai ly nichi ai Aikupta pri i nai atleu iy, daichi ka-vym jeungrei, khutaha daichi ka-vym, khaileaung angawmchi kawi mang nanai pri, jengha iy ka-jeira nawi nai pri, khumi angso savai tlang naimy khuleaung chei nai khumi by y nai pri y tako prei i, lam kapahawi pi teu i py, nichi ly kai ai dawndan u y.

HOSEA 5:3

Kai ly Israela chengchi i satang pany nai deaungkho y, nichi i hawi y sa nai taphum ai nai ngo y. Nichi ly kai i tlang tleaung y ka-ym by y nai deaungkho y, kai hawi ataing y leang bo,” napi.

HOSEA 9:10

Areng my, “Israela ai kai avum angchei nai khala, daichi ka-vym theung y prau nai kreip keungchi ai niu nai kamta ne. Nangchi i amsi pajochi ai kai avum angchei nai khala, myn angchei nai thaidu athaichi ai niu nai kamta ne. Na i py nichi ly peor mawi y tym nai khala y, Bala tameuh ai chiu u nai deaungkho y, nichi my tahm khai nai tameuhchi kamta, amso ngai nai lawm vui bo.

NAHUM 1:7

Areng ly hawi, mymy i khumichi patang naira avum nai khala, ama hai bo. Mymy teng y abyh nai khumichi ai kry.

I KORINTH 8:3

na i py ami py Tameuh ai tamen baly mymy kypkyp ai ly ang pany.

KALATIA 4:9

Na i py vai ly nangchi ly Tameuh ai pany u nai bo y ly--ny y leang, Tameuh my nangchi ai pany nai bo y ly--nangchi ly ham y nai hawi awm atyhtyh nai pakeungchi i miseaung y awm u bi ai nai ngai u nai ly, hunichi mang y ly nangchi ly ati mana nai ali u teang nai mo?

Leu Thui Nai 2:7

“Nangchi i Areng Tameuh ly nangchi i sa nai ngierei ai mana amtheaung hai mo, nanai adawn u. Hini kau parai nai daichi ka-vym khuleaung lam jeungrei nangchi ai ang kry nai ne. Mymy ly nangchi hawi vanrei saneng vui palyhrei awm hai nai deaungkho y, nangchi i ngai nai cheaungkhangchi ang pei bo.

Leu Thui Nai 32:10

“Mymy ly nichi ai ali ho nai daichi ka-vym theung y amki ryry nai niu baly, mymy i cho chanau kypkyp kamta nichi ai hawihai palai kry nai ne.

Leu Thui Nai 8:15

Mymy ly nangchi ai pavui kangso hawi kani taaichi peung iy, kau parai nai hawi ka-jei awm nai daichi ka-vym jeungrei pahawi prei nai ne. Khaileaung jengha iy tui by y nai meingtym y, mymy ly lengseaung pui mang tui theu hai bo.