HOSEA 13:10 - Khumi Common Language Bible

¹⁰ Nangchi ly samrang hawi lu sa nai keungchi ai, kaichi ai pei ba, nanai hnei u bo. Na i py hini khumichi ly pri atleu pajau na a?

HOSEA 13:10 Iomraidhean Croise

1 ARENG KEH 12:20

Israela chengchi ly Aikupta pri i dengdairei Jeroboam vawi ali teang bo, nanai satang thai nai khala y, ni ai mipui leu ka-rumra y palau i, Israela samrang y palyn u bo. Juda cheng naini Davida i kangpreangchi tlang tleaung y ka-ym awm u nai ne.

2 ARENG KEH 17:4

Na i py sanengrei khala y Hosea ly Aikupta samrang so teng y; savaichi pato iy kasabawmra hnei chum baly, Asuria pri y kahm pei y naimy awm vui bo. Huna nai satang ly Shalmaneser my thai nai khala, Hosea ai patiu iy theaung u khai hai nai ne.

SAM 10:16

Areng ly deungtasarei samrang ne; tameuh takhrachi ai chiu nai khumichi ly mychi i pri dengdairei tama u pawn ai.

SAM 149:2

Israela chengchi awi, nangchi ai sa nai keung molam y amo theu u; Zion mary i khumichi awi, nangchi i samrang molam y amo theu u!

SAM 44:4

Nang ly kai i samrang, kai i Tameuh ne; nang i khumichi ai eaung naira pei pi bo.

SAM 74:12

Na i py aw Tameuh, nang ly angchei khala i dengdairei kaichi i samrang ne. Nang ly kaichi ai neng neangneang atleu pi bo.

SAM 89:18

Aw Areng, nang ly kaichi ai ama hai nai keung vawi takhra pi bo; Israela chengchi i chai parai nai Tameuh, nang ly kaichi i vui samrang khai pi nai ne.

ISAIA 33:22

Huni paleaung, samphochi i alika teang hawi vuinawnchi ly asu vui i, alika py kadai ai nai ngo y lawh ly! Paleung ka-e tavaimichi teng i vawnsaichi lawm u ai. Huni vawnsaichi ly nawi parai nai deaungkho y, kheu kangbaichi malawn py mychi i vui phy nga u ai. Areng mymy kypkyp py, achi i samrang lawm ai. Mymy ly achi ai peang iy ama hai ai.

ISAIA 43:15

Kai ly nangchi i chai parai nai Areng Tameuh ne. Israela chengchi awi, nangchi ai kaimy sa nai ne; kai ly nangchi i samrang ne,” napi.

JEREMIA 2:28

“Nangmychi i vui nangchi sa nai tameuhchi ly ma mang y mo? Nangchi patang naira tym nai khala y, huni tameuhchi my atleu pajau lawh baly atleu pi na sy. Aw Juda pri, nang i marychi nawi nai kamta, nang i sa nai tameuhchi khri pa-rei nawi parai na ly!

JEREMIA 8:19

Tangai u! Khri pa-rei palo parai nai pri takhra y awm nai kai i khumichi i vo hang nai raawi kathai bo. “Areng ly Zion mary y awm y lawh a? Zion mary i samrang ly huni mary y awm y lawh a? Nichi i samrang Areng my, “Nangchi ly ati mana nai y mynchi hawi cheng takhrachi i tameuhchi ai chiu nai hawimy kai ai kado patheu u lawh mo?,” napi.

TANGAM NAI LEU 4:20

Nichi ly Areng my vawi takhra nai samrang, achi ai hengra pei nai keung, paleung ka-e bawibawichi kiu tleaung i, ama hai ai nai kaichi i ym nai keung ai patiu u vui bo.

HOSEA 10:3

Hini khumichi ly kra y naimy, “Achi ly Areng ai jei y nai deaungkho y, achi ly samrang by y, samrang awm teu i py, ni ly achi i vui ati ang sa pi pajau ai mo?,” nanai thui u ai.

HOSEA 13:4

Areng my, “Kai ly nangchi ai Aikupta pri dengdairei pahawi nai, nangchi i Areng Tameuh ne. Nangchi ly kai ny y baly Tameuh takhra by y, kai leaungrei naini nangchi i atleu keung ne.

HOSEA 3:4

Huna nai kamta Israela khumichi ly samrang by y, lu sa nai keung by y, apathyp nai by y, chiu ai nai lengseaung leng naichi by y, leung khen nai khala teaung nai mynchi by y naimy, neng kakra awm u ai.

HOSEA 7:7

“Nichi ly kado theu nai paleung bi phui na i, peang nai keungchi ai tleh u bo. Nichi ly samrangchi ai leaungrei bo y leaungrei tleh u nai ne. Na i py kai teng y kasabawmra nga ai nai, ami py hnei u y,” napi.

HOSEA 8:4

“Kai i khumichi ly mychi i kangai samrangchi vawi takhra u nai ne. Kai i paleung kangai ny y naimy, lu sa naichi ai khai takhra u bo. Mychi i muku, tangka hawi mynchi sa u i, mychi phra ai naini sa u nai ne.

ZEKHARIAH 14:9

Naibaly khaileaung pri verei y Areng my peang ai. Khumi bawibawichi my py, mymy ai mychi i Tameuh palawn iy chiu ai i, huni amyn harei naini pany u ai.

JOHAN 1:49

Nathanaela my ni teng y, “Rabbi, nang ly Tameuh i Chapo ne, nang ly Israelachi i Samrang ne,” nanai pathang.

1 SAMUELA 8:7

Naibaly Areng my, “Khumichi my nang teng y thui nai ngierei tangai ba; nang ai ly nichi my khai su y leang mang; kai ai naini nichi my khai u su bo; nichi ly kai ai mychi i samrang palawn y bo.