HOSEA 13:1 - Khumi Common Language Bible

¹ Vaichi khala Ephraim cheng theaungchi i thui nai leu ai, takhra Israela cheng theaungchi ly jei hyn u bo. Takhra Israela cheng theaungchi ly Ephraim cheng theaungchi ai tahm khai u nai ne. Na i py nichi ly Bala tameuh ai chiu u nai kamngo molam y dei u ai.

HOSEA 13:1 Iomraidhean Croise

ATITI AWM ANGCHEI NAI 2:17

hawi nai hawi y nai pany thai nai thengthai athai ly nang cha ai nai avo y; nang cha lawh baly, cha nai kani y my dei takengkei ai,” napi.

1 ARENG KEH 12:25

Israela samrang Jeroboam ly mawi nawi parai nai Ephraim pri Sekhem mary y lengseaung apai tapang iy, kani tanarei samrang sa. Naibaly hu i dengdairei theu iy, Penuel mary y lengseaung apai tapang bo.

JOBA 29:21

Kaimy tau pei nai khala, khumichi ly awmsup naimy kai i thui nai ai hawihai tangai u bo.

JOBA 29:22

Kai thui chum nai khala, nichi my thui panawi bi ai nai sairei py by y. Kai i leuchi ly kani tuichi kamta, nichi teng y num jo bo.

LEU KACHENG 18:12

Paleung apanem nai khumi naini, khumi takhrachi my tahm khai. Paleung len nai khumichi ly phra nai mang y amhi u nai ne.

ISAIA 66:2

Kai ly khusang deaungdu verei sa nai ne. Paleung apanem iy uikheih naichi hawi, kai ai jei hyn naimy kai i leu tangai nai khumichi ai kai ly khrei nai ne.

ISAIA 7:8

Ati mana nai mo nabaly Suria pri i atho ly Damaska mary ne iy, Damaska mary i atho py samrang Rezin ne nai deaungkho y ne. Israela pri py saneng vuitariu saryh pangrei sala y phra ai i, pri harei kamta khaw pajau ai ny y leang bo.

HOSEA 11:2

Na i py kai ly ni ai kapalau baly, kai teng i nai angpreng ra bo. Kai i khumichi ly Bala tameuh teng y apathyp iy, mynchi teng y rimui patawi u.

HOSEA 2:10

Kai ly ni i tavawichi mo y, ni i ateaung ngiereichi leng vui ai. Kai i kiu theung i nai ami py, ni ai atleu pajau y.

HOSEA 2:8

Ni ly Bala tameuh ai chiu naira y talam nai chohpui chomaw, kreip hang, olive asitui, muku hawi tangkachi kai teng i nga nai ne, nanai ni pany y.

HOSEA 8:4

“Kai i khumichi ly mychi i kangai samrangchi vawi takhra u nai ne. Kai i paleung kangai ny y naimy, lu sa naichi ai khai takhra u bo. Mychi i muku, tangka hawi mynchi sa u i, mychi phra ai naini sa u nai ne.

Kati Nai 10:22

Naibaly Ephraim theaung tavai tamkhawn nithun hui nai kamkawm ai Ammihu i chapo Elishama my lu sa iy, kamkawm ka-thui ka-thui hui u.

Kati Nai 13:16

Hinichi ly Kanan pri khu ta-i ai nai molam, khen paviu ai nai Mosi my pato nai khumichi ne. Mosi my Nun i chapo Hosea ai ly Josua, nanai amyn ka-reu pathi nai ne.

LUKA 14:11

Ami py tahm apasang nai ngierei ai ly tahm panem ai; tahm apanem nai ai ly tahm pasang ai,” napi.

ROM AVANGCHI TENG Y PAWLA I CHA PA NAI 5:12

Hunaibaly khumi leaungrei nai deaungkho y kamngo khaileaung pri y kun i, kamngo nai deaungkho y deira py kun teang; hunai kamta khyp teang khumi bawibawi kamngo sa nai deaungkho y deira my ly khumi bawibawi ai num be bo.

II KORINTH 5:14

Krista i tamen naira my ly kaichi ai ang kawm rang nai bo; hunaibaly kaichi ly hina nai dawn, bawibawichi i dei ai nai jeng y leaungrei dei, hunai deaungkho y bawibawichi dei nai ne;

JOSUA 3:7

Areng ly Josua teng y, “Israela chengchi i mo y vaini dengdairei, nang ai kaimy tahm kang pasang ai. Kai ly Mosi hawi vanrei awm nai kamta, nang hawi py vanrei awm, nanai nichi pany u ai.

TARA CHIH NAI KEUNGCHI 12:1

Ephraim cheng theaungchi ly tavai atiu ai nai aeng u bo. Nichi ly Jordan tavo angpeang u iy, Zaphon mary mang y chei u i, Jephetha teng y, “Nang ly kaichi ai palau y naimy, ati mana nai Ammon chengchi ai tavai tiu lawh mo? Nang i awm nai nang i yhm ai, kaichi my mai leng vui ai,” napi.

TARA CHIH NAI KEUNGCHI 8:1

Naibaly Ephraim khura i khumichi my Kideon teng y, “Nang ly Midian chengchi ai tiu ai nai chei nai khala, ati mana nai kaichi ai palau y lawh mo? Ati mana nai kaichi ai hina nai sa lawh mo?” nanai khrikhri pa-rei josei u.

1 SAMUELA 15:17

Samuela my, “Nang ly nangmy ai ati sai py ny y nai khumi, nanai apalawn i py, nang ly Israela chengchi ai lu sa nai keung lawm bo. Areng ly nang ai Israela chengchi i samrang lawm ai nai asitui ang lei pi bo.