HOSEA 12:11 - Khumi Common Language Bible

¹¹ Na i py nichi ly Kilead pri y, mynchi ai chiu u. Huna nai chiu nai khumichi ly dei ai. Kilakala mary y awm nai khala, si kataichi apathyp u iy huni meingtym y awm nai maichamchi ly adym angdengra y lengseaung pakheng achu naichi lawm ai.”

HOSEA 12:11 Iomraidhean Croise

1 ARENG KEH 17:1

Kilead pri Tishbe mary y awm nai amo Elija ly samrang Ahad teng y, “Kani nai ai, nanai kaimy kang thui pi ali y ryrei ly mo mang saneng nyh, saneng thomrei sala y kani khang ai. Kadam py tla ai ny y, nanai kai i chiu nai Tameuh kangheng Areng i amyn y kang thui pi,” napi.

2 ARENG KEH 17:13

Areng ly mymy i amtaw thauchi hawi amochi ai pato iy, Juda chengchi hawi Israela chengchi teng y pany hai bo. Mymy ly “Nangchi ly nangmychi i hawi y sa naichi khai u su jau; nangmychi i amsi pajochi hawi kai i miseaung amochi dengdairei, nangchi teng y kaimy pei nai reita theung y abawi nai kai i leu tangai u,” napi.

JEREMIA 10:15

Hunichi ly atyhtyh teu iy, paso ai naira naini lawm bo. Areng ly pajeng ai nai ang jeu nai khala, hunichi taphra pawn ai.

JEREMIA 10:8

Nichi bawibawi ly ka-khum hawi khumi aso y naichi ne. Dengkeaung mynchi my ly nichi ai ati amtiu naira pei pajau ai mo?

JEREMIA 2:20

Ati cheaungkhang sa thai nai Areng my, “Aw Israela, nang ly jangni i ka-so kai i sa thai naira ai khai su iy, nang ly kai i leu tangai y, kai ai py chiu y. Mawi ka-sang tleirei y py, apu parai nai dengkeaung tleirei anui y py, bima kamta sa u lawh bo.

JEREMIA 2:28

“Nangmychi i vui nangchi sa nai tameuhchi ly ma mang y mo? Nangchi patang naira tym nai khala y, huni tameuhchi my atleu pajau lawh baly atleu pi na sy. Aw Juda pri, nang i marychi nawi nai kamta, nang i sa nai tameuhchi khri pa-rei nawi parai na ly!

Ezekiela 17:2

Mymy ly “Nang khumicho awi, Israela chengchi teng y pata nai thui pi;

HOSEA 10:1

Israela khumichi ly athai neangneang thawn nai kreip angjyn keung hawi atawm. Nichi ly nang chawn ryh baly, maicham neangneang sa u nai ne. Thengthai khulawn nawi ryh baly, mychi i chiu nai leaungchengchi ai apu tleaung apura pa-rei palum u bo.

HOSEA 10:2

Nichi i paleung ly cheng y nai deaungkho y, vaimy kamngo pajeng naira avum u ai. Tameuh ly nichi i maichamchi taphra iy, nichi chiu u nai leungchengchi taphra ai.

HOSEA 4:15

“Nangchi Israela khumichi ly kai i tlang tleaung y ka-ym by y teu i py, Juda khumichi ly huna nai kamngochi so u moh sy, Kilakala mary, ti y baly Bethevanmarychira y chiu u moh. Huni marychira y heng nai Areng i amyn tau iy vaineng abeu u moh.

HOSEA 6:8

Kilead mary ly khumi hawi y naichi hawi, khumi ai tleh nai khumichi kawi nai meingtym ne.

HOSEA 8:11

“Kamngo lawira nga ai nai i vui y maicham neangneang sa u teu i py, kamngo sa nai meingtym nawi ra ai nai lawm lawh bo.

HOSEA 9:15

Areng my, “Nichi ly Kilakala mary y hawi y nairachi sa amteaung u bo. Huni neng dengdairei kai ly nichi ai kaniu ngai y bo. Nichi i sa nai sai hawi y nai molam y, kai i pri theung i dengdairei, nichi ai patheu vui ai. Kai ly nichi ai tamen y leang bo. Nichi i lu sa nai keung bawibawichi ly kai ai tiu u nai ne.

AMOS 4:4

Sa thai naira angym nai Areng my leu pei nai ly “Aw Israela khumichi awi, Bethela i kachai meingtym mang y chei iy, kamngo so u! Kilakala mary mang y chei iy khri pa-rei kamngo so u! Apathyp ai nai tawnbawichi khawn tleirei syn u. Kani thomrei y kanirei, nangchi i ko nai horei y harei syn u.

AMOS 5:5

Beraseba mary mang y chei iy chiu u moh. Bethela mary mang y kai ai hau u moh. Bethela mary ly ati sai py ny y nai lawm ai. Kilakala mary mang y py chei u moh. Huni mary i khumichi ly pri takhra mang y paryh pawn nai avum takengkei ai.

JONA 2:8

Ati sai py ny y nai mynchi y chiu nai khumichi ly nang i tlang tleaung y ka-ym by y naichi ne.

Kati Nai 12:6

Areng my, “Vai kai i leu pei nai tangai hawi! Nangchi theung y amochi awm khala kai ly nichi teng y amang mang py, amei-amang jyh y py amteng hai iy kang thui pi.