HOSEA 11:9 - Khumi Common Language Bible

⁹ Kai ly kado theu iy nang ai pajeng ai ny y; kai ly Israela ai taphra bi ai ny y. Ati mana nai mo na baly kai ly khumicho ny y, Tameuh ne nai deaungkho y ne. Chai parai nai keung kai, Tameuh ly nangchi hawi vanrei awm nai ne. Kai ly kado theu naimy nangchi teng y kang jeu ai ny y.

HOSEA 11:9 Iomraidhean Croise

2 SAMUELA 20:10

Naibaly Amasa mynkym vui nai thym khala y, Juaba ly langvawi kiura syn nai haisau hawi thun i, tivichi khaileaung y tla iy Amasa ly vaimy dei bo. Naibaly Juaba ly pa-nyh thun bi ai nai aly ngai y bo. Huni bo y Juaba hawi ni i amnau Abisai ly Seba nithun hui u bo.

SAM 46:5

Huni mary pui ly Tameuh i awm naira ne nai deaungkho y, mana khala py phra pajau y; khutawi mo neng khala mymy ly ang jeu iy, huni mary y sabawm ai.

SAM 78:38

Na i py Tameuh ly mymy i khumichi ai pahen nai ne. Nichi i kamngochi pahen pi iy, nichi ai myh kang hai y leaung. Mymy i kado theu nai ly avawrei am-yh pi iy, nichi i tlang tleaung y kado theu y naimy awm pi nai ne.

SAM 85:4

Kaichi ai atleu nai keung aw Tameuh, kaichi ai ali hai teang kyh ba; kaichi ai khrei y nai awm vui moh ba!

ISAIA 12:6

Zion i khumi bawibawichi ai palo nai khulym thui hai u! Israela chengchi i chai parai nai Tameuh ly nang parai nai ne iy, mymy i khumichi theung y awm nai ne.”

ISAIA 31:1

Aikupta pri mang y kasabawmra hnei ai nai chei naichi ly taham si! Nichi ly keaungngochi, tavai ka-richi hawi keaungngo atang nai risachi, napi nai Aikupta pri i tavai atho len nai ai ym u nai ne. Na i py Israela chengchi i chai parai nai Areng Tameuh ai ly ym u y. Kasabawmra nga ai nai mymy teng y py hnei u y.

ISAIA 41:14

Areng my, “Israela chengchi awi, nangchi i cheng ly theang, atho di teu i py jei u moh; nangchi ai kaimy kang sabawm ai. Nangchi ai atleu nai keung kai ly Israela chengchi i chai parai nai Tameuh ne.

ISAIA 41:16

Hunichi ai nangchi ly pachaw ai i, ali my hm nai pakheang iy. kamchaichi my ahei seaungkhrang hai ai. Naibaly kai ly nangchi i Tameuh ne nai deaungkho y, nangchi ly amo theu u ai. Nangchi py Israela chengchi i chai parai nai Tameuh, napi nai kai ai palo u ai.

ISAIA 48:9

“Khumichi my kai i amyn palo u ai nai, kai ly kaimy i kado theu nai am-yh vui ai. Kaimy i kado katheu am-yh vui iy, nangchi ai tamyh vui ai nai so y ai.

ISAIA 5:24

Hunai deaungkho y chohphi hawi acha kajeichi ly mai kangveaung y kang nai kamta, nangchi i tangjynchi ly rawp iy pauchi py jei pawn ai. Ati mana nai mo nabaly nangchi ly kaichi teng y Israela chengchi i chai parai nai, ati cheaungkhang sa thai nai Areng my leu pei nai khai u su nai deaungkho y ne.

JEREMIA 26:3

Khumichi ly tangai iy mychi i hawi y nai saichi khai u su lym ai. Nichi hunai nai kamta khai u su lawh teu baly, kai ly nichi i hawi y nai molam y katamyh ai nai paleung ka-dawn amtlau vui ai,” napi.

JEREMIA 30:11

Kai ly nangchi ai atleu ai nai kang jeu ai. Kaimy nangchi ai ahei hai nai prichi ai ly kaimy taphra ai. Na i py nangchi ai ly kang taphra ai ny y. Kai ly nangchi ai pajeng y naimy khai ai ny y; na i py pajeng nai khala ly hawi khypchy my kang pajeng ai. Hini ly kai, Areng i thui nai leu ne,” napi.

HOSEA 12:1

Israela khumichi i khawn khutawi dengdai kani dym khala khrairei, sa nai dawn nai ngiereichi ly kamran by y, atyhtyh teu. Nichi theung y ka-ym by y nai, khrukhra naichi nawi ra nai ne. Nichi ly Asuria pri hawi amsawi amnai asa naimy, Aikupta pri hawi ka-sum ka-pai sa u bo,” napi.

HOSEA 14:4

Areng my, “Kai i khumichi ai kaimy teng y vawi hai ali teang ai. Kai ly nichi ai paleung hawi verei tamen ai; nichi i tlang tleaung y kado theu nai rym bo.

MALAKHI 3:6

“Kai ly Areng ne nai deaungkho y takhra vai y; hunai deaungkho y Jakob i katu chanauchi lawm nai nangchi ly pipi sum y leang rai.

Kati Nai 23:19

Tameuh ly khumi kamta ka-chawi leu thui y leang; mymy ly khumi kamta paleung ali vui y leang. Mymy ly leu adeu nai kamta sa khyp; mymy i leu pei nai kamta py ne khyp.

Leu Thui Nai 13:17

Taphra vui ai nai vawn ha harei py, nangmychi i vui pakym u moh. Huna nai kamta sa baly Areng ly kado katheu rym ai i, nangchi ai ang pahen ai. Vaini kaimy nangchi teng y kang pei nai reita ngiereichi tangai iy, mymy i kangai sa u baly,

1 SAMUELA 26:8

Abisai my Davida teng y, “Tameuh ly nang i paleung ka-e ai vaini, nang i kiu y ang-au nai bo. Hunaibaly ni ai mymy i tivi hawi tlenrei khyhmy, khaileaung y prida na pa-rei thun ai nai pei ba; tlen nyhrei kathun y leang mang!,” napi.