HOSEA 11:8 - Khumi Common Language Bible

⁸ “Aw Israela, kai ly nang ai mana kang paleang su ai mo? Kai ly nang ai mana khai su thai ai mo? Kai ly Adamah mary ai taphra nai kamta py, Zeboim mary ai tamyh hai nai kamta py, nang ai mana taphra thai ai mo? Nangchi i tlang tleaung y kai i tamen naira ly len parai nai deaungkho y, kai i paleung ly huna nai kamta kaso vam y.

HOSEA 11:8 Iomraidhean Croise

ATITI AWM ANGCHEI NAI 14:8

Naibaly Sodom samrang, Komora samrang, Adamah samrang, Zeboim samrang hawi Bela samrangchi ly Sidim leaunghawi y tavai tiu ai nai tavaimichi ai palau u ali teang bo.

2 SAMUELA 24:16

Areng i kani pri amtaw thau my Jerusalem mary ai taphra ai nai thym khala, Areng ly khumichi ai pajeng nai molam y paleung amtlau teang i, kani pri amtaw thau teng y, “Angym bo! anawn jau!” napi. Huni neng khala kani pri amtaw thau ly Jebusi cheng Araunah i choh ati nai meingtym sahawi y angdo nai ne.

1 ARENG KEH 3:26

Amhm kypkyp ly deaungdi ai khri pa-rei tamen nai deaungkho y, samrang teng y, “Samrang awi, deaungdi ai ly padei moh! huni neampachy teng y phai pei pi teu ba!,” nanai takeng. Na i py takhra neampachy my ly “Deaungdi ai ami py lo mo sy, ka-hyhrei phai bau thla ba,” napi.

2 ARENG KEH 13:23

Na i py Areng ly nichi ai pahen py pahen, tamen py tamen nai deaungkho y, nichi ai tamo hai y. Mymy ly Abraham, Isaka, Jakob nichi hawi asa nai leu maikawm ai pany jo i, nichi ai sabawm nai ne. Mymy i khumichi ai mana khala py tami y bo.

2 NENG SATANG 36:15

Nichi amsi pajochi i Areng Tameuh ly mymy i khumichi hawi Achura yhm law tleaungra nga ai ngai hai nai deaungkho y, nichi ai pany hai pi ai nai amochi pato pi bi nai ne.

SAM 106:45

Mymy ly nichi hawi ai nai molam y Leu Maikawm pany pi bo; ati mana nai mo nabaly mymy i tamen naira len parai nai deaungkho y, kado theu nai ly rym nai ne.

ISAIA 16:11

Kai ly Moba pri i vui paleung hawi y naimy, Kir Here mary i vui paleung si naimy tangam lawh bo.

ISAIA 63:15

Aw Areng, chai parai iy phum-ang angvang nai kani pri, napi nai, nangmy awm nai meingtym i dengdairei kaichi ai khen kathiu kyh ba. Kaichi i vui nang i paleung mawn hai nai ly ma y mo? Nang i sa thai naira ly ma y mo? Nang i tamen naira hawi pahen naira ly ma mang y mo? Kaichi ai khai su moh kyh ba.

JEREMIA 18:8

huni khumi chengchi ly uikheih u lawh baly, kai ly paleung amtlau ai i, vaichi khala thui naichi kaso y naimy awm ai.

JEREMIA 3:12

Mymy ly kai ai tosyh ngan mang y pato iy Israela teng y, “Ka-ym by y nai Israela awi, kai teng y ali teang jau. Kai ly pahen nai keung ne nai deaungkho y, nang ai kado kang theu hai ai ny y. Kai ly deungtasarei kado kang theu hai ai ny y.

JEREMIA 31:20

“Israela awi, nang ly kai i ngai keh nai chapo hawi, kai i tamen keh nai chapo py ne. Kai ly nang i amyn kathui nai tleirei, nang ai aawi jojo nai ne. Kai i paleung ly nang teng y apei keh nai ne i, kang pahen ai.

JEREMIA 42:10

‘Nangchi ly hini pri y awm jo ai nai ngai u lawh teu baly, kai ly nangchi ai taphra y naimy palum ai. Kai ly nangchi ai akyn y naimy pati ai. Nangchi i tlang tleaung y kang tym hai nai ka-jeirachi molam y, kai ly khri pa-rei paleung mawn parai.

JEREMIA 9:6

Nichi ly kamngo sa ai nai khai su y. Nichi ly li-tapawp u tamyhtyh nai ne. Areng my mymy i khumichi ly kai ai khai su bo, napi.

JEREMIA 9:7

Hini molam y ati cheaungkhang sa thai nai keung Areng my, “Kai ly tamo ngan patlawn iy pachai nai kamta, kai i khumichi ai chai pa-rei kasa ai. Nichi ai kaimy cham ai. Kai i khumichi ly sa tamang u bo. Kai ly nichi ai mana kasa ai mo?

TANGAM NAI LEU 1:20

“Aw Areng, Kai i paleung bi paleung mawn nai py, kai i paleung phailo khri pa-rei patang naira avum nai py, khen cham. Kai ly kaimy i kamngo nai molam y, paleung mawn nai ne. Lam y khumi ai padei nai avum; yhm angtheung y py, deira avum nai bo.”

TANGAM NAI LEU 3:32

Mymy ly achi ai paleung si vo tangam naira ang pei teu i py, achi i tlang tleaung y ang pei nai pahen naira hawi tamen naira ly len parai nai ne.

TANGAM NAI LEU 3:33

Mymy ly achi ai paleung si vo tangam hai iy patang hai teu i py, paleung ka-dawn hawi hai y.

Ezekiela 33:11

Sa thai naira angym nai kai Areng ly Tameuh kangheng ne nai deaungkho y, kaimy kang thui pi nai ly ami mo leaungrei kamngo sa iy dei nai niu ai nai ngai y. Huni khumi kamngo sa nai anawn iy heng nai naini kaniu ai nai ngai. Nangchi Israela chengchi awi, nangchi i sa thym nai kamngochi anawn u jau; ati mana nai y dei ai nai ngai u lawh mo?

Ezekiela 6:9

Nichi ly huni meingtym y pri palara avum nai khumi kamta awm u ai. Huna nai khala law tleaung nai khumichi ly kai ai pany u ai. Mymychi i ka-ym by y nai paleung hawi kai ai khai su iy, mynchi ai kai tleaung y paleung bie u keh nai deaungkho y, kai ly mana tanrei paleung si na mo, nanai pany u ai. Hunaibaly mymychi i sa nai hawi y naichi molam y mymychi naimy apaso u ai.

HOSEA 6:4

Na i py Areng my, “Israela chengchi hawi Juda chengchi awi, kai ly nangchi ai mana kang sa ai mo? Kai i tlang tleaung y nangchi i tamen nai sai ly khawn kadam kamta py, kadam amai kamta py, tama rai y nai ne.

HOSEA 7:1

“Kai i khumichi ai nang chawn hai teang iy, Israela khumichi i no-na tama hai ai ngai nai tleirei y, kai ly nichi i hawi y nai hawi kamngo sa nai ai naini kaniu nai ne. Nichi ly mychi tengtawi atapawp u leungtang nai ne. Yhmchi ateng vau iy yhmtheaung katuichi paviu u. Lam aki aleaung naichi teng i py lawm u bo.

AMOS 4:11

“Kai ly Sodom hawi Komora mary ai taphra nai kamta, nangchi theung i khumi phyreichi ai py taphra vui bo. Dei kamthum khumichi py, mai theung i ajiu teang nai thengbeang hawi atawm nai ne. Na i py nangchi ly kai teng y jeu y naimy awm u bo,” nanai Areng my thui.

AMOS 7:3

Areng ly paleung amtlau i, “Nang i niu naichi tym y leang mang,” napi.

AMOS 7:6

Areng ly paleung amtlau i, “Hina nai py tym hai y leang,” ang napi.

MIKHA 5:3

Hunai deaungkho y Areng ly neampachy my chapo tapen nai neng tym pa-rei, mymy i khumichi ai paleung ka-echi teng y khai su ai. Naibaly pri palara avum nai khumichi ly mymychi i nupaichi hawi amkawm u teang ai.

ZEPHANIAH 2:9

Kai ly meitang khyp, Israela chengchi i, heng nai Areng Tameuh ne nai kamta, Moba pri hawi Ammon pri ly Sodom hawi Komora marychi kamta, taphra naira avum ai, nanai vaineng abeu bo. Huni prichi ly palawi tai nai meingtym lawm i, deungtasarei phra iy acha keungchi kawi biu ai. Kai i khumichi theung i dei kamthumchi ly huni khumichi ai tiu iy, nichi i pri peang vui ai.”

MATTHAI 23:37

“Aw Jerusalem, Jerusalem, amochi ai padei nai keung, nang teng y pato naichi ai ly lengseaung y aphi ka nai keung awi! A nu my mymy i chochi ai pakhi anui y o hai achu nai kamta, nang i chanauchi ai o hai achu ai nai tlen majirei kang tau mo?

Leu Thui Nai 29:22

“Vai mo mang y nangchi i deung kangthauchi hawi pri kamlora i cheng takhrachi ly Areng my nangchi i pri y tym hai nai ka-jeira hawi ngari kamtangchi niu u ai.

Leu Thui Nai 29:23

Nangchi i khaileaungchira y kan hawi palawichi sau hai nai deaungkho y, daichi ka-vym lawm ai; ati sai py pati ai nai ngo y ai, achachi malawn py prau ai ny y. Nangchi i pri ly Areng my khri pa-rei kado iy taphra nai Sodom hawi Komora mary, Adamah hawi Zeboim marychi ai sa nai kamta phra ai.

Leu Thui Nai 32:36

Areng ly mymy i khumichi atho kheih nai, paha nai niu nai khala atleu ai. Mymy teng y ahihawi iy chiu nai chiu nai khumichi jeaungmang nai niu nai khala, nichi ai pahen ai.

II PETERA 2:6

naibaly Sodom hawi Komora avang ai ly mymy ai tahm khai y naichi i vui y pany hai naira palawn i maiphu lawn hai iy tama hai naira y pasum baly:

JUDA 1:7

Sodom hawi Komora hawi, huni ahawi tengtang avang py hunai kamta khyp angai naira y bom verei apei nai, tlang takhra y hui teang nai deaungkho y deungtasarei mai pajeng naira nga jojo naimy amtiu ai naira kamta lawn u bo.

AMTENG HAI NAI 11:8

Naibaly nini i Areng ai kraws tleaung y tahen naira, phailo mang i dawn pata naira y ly Sodom hawi Aikupta napi nai avang kalen pui i lam ly nini i veu awm hawi ai.

AMTENG HAI NAI 18:18

‘Huni avang pui tanrei nai ly mani avang my pha ai mo?’ nanai aeu u bo.

TARA CHIH NAI KEUNGCHI 10:16

Hunai deaungkho y nichi ly cheng takhrachi chiu nai tameuhchi ai khai su iy, Areng ai chiu u ali teang bo. Mymy py nichi i avum nai patang naira molam y pahen pi bo.