HOSEA 11:4 - Khumi Common Language Bible

⁴ Kai ly nichi ai tamen nai hawimy, kaimy teng y kalym kalawi bo. Nichi ai tangbeng tengtawi abi na pa-rei, katapawm bo. Kai ly meung iy nichi ai kapacho nai ne.

HOSEA 11:4 Iomraidhean Croise

2 SAMUELA 7:14

Kai ly ni i ampo lawm iy, ni ly kai i chapo lawm ai. Ni ly sa tamang nai khala y, ampo my chapo ai parip nai kamta, ni ai kaparip ai.

SAM 105:40

Nichi my hnei nai deaungkho y, mymy ly thengmynchi pato pi; nichi bym pa-rei cha ai nai kani mang dengdairei, teicha teinei pala pi bo.

THEU NAI 16:32

Mosi my, “Areng ly achi ai Aikupta pri i dengdairei pahawi iy, daichi ka-vymra y achi ai pacho nai manna tako ai, achi i deung kangthauchi my niu ai nai manna tako maidenrei reume ai nai tla, nanai Areng my leu pei nai ne,” napi.

Solomon i khulym 1:4

Kai ai nang hawi vanrei hawi jo kyh ba, ani tako hawi kaliki sina; kai i samrang lawm ba, kai ai nang i yhm takun theung mang y pahawi ba. Ani ly amo theu naimy awm ahawi ai; kreip hang nei iy akhrei ahawi sina. Neampachy luteng my nang ai khrei nai ly lyh ai nai by y leang!

ISAIA 63:9

Nichi ai atleu nai keung ly kani pri amtaw thau ny y. Na i py Areng mymy kypkyp ne. Mymy ly tamen naira hawi pahen naira awm nai deaungkho y, nichi ai atleu nai ne. Jangni y mymy ly nichi ai kry jojo teu i py,

HOSEA 2:8

Ni ly Bala tameuh ai chiu naira y talam nai chohpui chomaw, kreip hang, olive asitui, muku hawi tangkachi kai teng i nga nai ne, nanai ni pany y.

Levi 26:13

Kai ly nangchi ai miseaung i nai alaw jo hai ai nai, Aikupta pri i dengdairei pahawi nai, nangchi i Areng Tameuh ne. Kai ly nangchi i myn kaji alaw hai iy, deangtheang naimy tako hai ai” napi.

JOHAN 12:32

naibaly kai ai khaileaung i nai dang iy, khumi bawibawi ai kaimy teng y kapahawi ryp ai,” napi.

II KORINTH 5:14

Krista i tamen naira my ly kaichi ai ang kawm rang nai bo; hunaibaly kaichi ly hina nai dawn, bawibawichi i dei ai nai jeng y leaungrei dei, hunai deaungkho y bawibawichi dei nai ne;

Leu Thui Nai 32:12

Cheng takhra tameuhchi i kasabawmra lo y naimy, Areng mymy tlairei naimy, mymy i khumichi ai pahawi bo.

Leu Thui Nai 32:14

Nichi i sichi, mi-ichi my kanu tui neangneang nga hai; nichi ly ti hawi keh nai sichi, beramchi hawi mi-ichi awm iy, lym patyp nai chohpui hawi, hawi keh nai kreip hang py cha nei ai nai nga u bo.