HOSEA 11:3 - Khumi Common Language Bible

³ Na i py kai naini Israela tako kawp ai nai, patiu pi nai keung ne. Kai ly nichi ai kiu hawi tapawm nai ne. Na i py kai ly nichi ai palum pi, nanai nichi pany y.

HOSEA 11:3 Iomraidhean Croise

SAM 107:20

Mymy ly leu pei iy nichi ai no hawi hai chum baly, tapreaung angawm i nai atleu pi bo.

THEU NAI 15:26

Nangchi ly “Kai i leu tangai iy, kai i leu pei naichi takhawi y pa-rei patawm u baly, Aikupta chengchi teng y katym hai nai no michi nangchi teng y kang tym hai y leang mang. Kai ly nangchi ai no-na hawi sa pi nai Areng ne,” napi.

THEU NAI 19:4

“Kai ly Aikupta chengchi ai ati mana pajeng mo, nanai py, ahmtlau my chochi ai pakhi hawi akheang hai nai kamta, kaimy nangchi chymme naimy kang pahawi nai sai py nangchi niu bo.

THEU NAI 23:25

Nangchi ly nangchi i Tameuh, kai Areng ai chiu khyh baly, kai ly nangchi ai teicha teinei amtheaung hai iy noso aho hai ai.

ISAIA 1:2

Areng my, “Khaileaung hawi kani khusangchi awi, kai i leu pei nai tangai u! Kaimy pacho panei nai deaungdichi ly ang tiu u lawh bo.

ISAIA 30:26

Lo ly kanito tanrei angvang naimy, kanito py kanito saryhrei vanrei theu nai kamta, kari tleaung y phy saryhrei angvang na ai. Mymy ly mymy i khumichi nga nai tamo kalemchi ai kanih hawi bam iy, tamochi ra y asi sa pi nai hawi nai khala y, hini atitichi ly tym ai.

ISAIA 46:3

“Aw Jakob i kangpreangchi awi, kai i khumi Israela cheng theung i awm rai naichi awi, kai i leu tangai u. Nangchi amhm taku theung y awm iy, tapen khyp khala i dengdairei, kai ly nangchi ai kang kry bo.

ISAIA 63:9

Nichi ai atleu nai keung ly kani pri amtaw thau ny y. Na i py Areng mymy kypkyp ne. Mymy ly tamen naira hawi pahen naira awm nai deaungkho y, nichi ai atleu nai ne. Jangni y mymy ly nichi ai kry jojo teu i py,

JEREMIA 30:17

Nangchi i paleung ka-echi my, ‘Zion mary ai ly nyn va veng bo. Huni mary ai ami py dawndan y leang bo, nanai thui u i py, kai ly nangchi ai hawi hai ali teang ai. Nangchi i tamo kalemchi tha hai ai. Hini ly kai Areng i thui nai leu ne,” napi.

JEREMIA 8:22

Kilead pri y asi akhang by y lawh bo a? Daitang py by y lawh bo a? Ati mana nai y kai i chengchi i no-na hawi pa-rei so u thai y lawh mo?

HOSEA 14:4

Areng my, “Kai i khumichi ai kaimy teng y vawi hai ali teang ai. Kai ly nichi ai paleung hawi verei tamen ai; nichi i tlang tleaung y kado theu nai rym bo.

HOSEA 2:8

Ni ly Bala tameuh ai chiu naira y talam nai chohpui chomaw, kreip hang, olive asitui, muku hawi tangkachi kai teng i nga nai ne, nanai ni pany y.

HOSEA 7:1

“Kai i khumichi ai nang chawn hai teang iy, Israela khumichi i no-na tama hai ai ngai nai tleirei y, kai ly nichi i hawi y nai hawi kamngo sa nai ai naini kaniu nai ne. Nichi ly mychi tengtawi atapawp u leungtang nai ne. Yhmchi ateng vau iy yhmtheaung katuichi paviu u. Lam aki aleaung naichi teng i py lawm u bo.

HOSEA 7:15

Kai ly nichi ai kry palum iy atho awm hai i py, nichi ly kai ai ang tiu u nai ne.

AMTAW 13:18

Naibaly mymy ly saneng vui palyhrei mo daichi ka-vym y ly nichi ai kateaung.

Leu Thui Nai 1:31

ampo my chapo ai teu nai kamta, Areng ly nangchi ai dawmkhawn iy, hini meingtym y tym pa-rei ang pahawi nai bo, nanai nangchi niu u bo,’ napi.

Leu Thui Nai 33:27

Tameuh ly nangchi ai ama hai jojo nai ne; mymy i deungtasa kiuban my nangchi ai ang dawmkhawn bo. Mymy ly nangchi tako nai lam i, paleung ka-echi ai paryh pi pawn bo; huni paleung ka-echi ai tamyh pawn ai nai nangchi ai leu kang pei bo.

Leu Thui Nai 8:2

Nangchi i Areng Tameuh ly law veng nai saneng vui palyhrei sala, nangchi ai pahawi iy daichi ka-vym tako hai prei bo. Huni thym khala nangchi ly reita leu pei naichi patawm ai nai ngai mo, ngai y mo, nanai cham ai nai nangchi teng y ngari kamtang cheaungkhang tym hai nai ly pany u.