HOSEA 10:8 - Khumi Common Language Bible

⁸ Avan mary mawi salo y awm nai Israela khumichi i chiu nai meingtymchi ly phra ai. Nichi i maichamchi salo y aleng keungchi, acha keungchi prau ai. Huna nai khala khumichi my mawichi ai, “Kaichi ai deng khyp ba!” nanai py, mawi aheungchi teng y, “Kaichi ai taphum meuh ba!” nanai py, aeu naimy takeng u ai.

HOSEA 10:8 Iomraidhean Croise

ATITI AWM ANGCHEI NAI 3:8

Huni kani dym tengsa neng y Areng Tameuh ly akho theung y jeu nai katyn thai hawi i, myni ai niu y ai nai dengkeaung keungchi theung y aheu hawi vui bo.

1 ARENG KEH 13:2

Areng i leu pei nai kamta amo ly “Aw maicham, maicham, Areng my, Josia amyn pathi ai nai deaungdi ly Davida i yhm dengtheungra y tapen ai. Kapathyprachi nang i tlang tleaung y khai iy, tapawp nai maichamra kalop sa nai pathyp pi nai keungchi ai, ni ly nang i salo y padei iy apathyp ai. Khumi i hiuchi py nang tleaung y khai iy leng patlum ai,’ nanai leu pei bo,” napi.

1 ARENG KEH 13:34

Ni ly hina nai kamta kamngo sa nai deaungkho y, ni i samrang kangpreang ly myh kang vui nai ne.

1 ARENG KEH 14:16

Jeroboam ly kamngo sa i, Israela chengchi ai py kamngo lam mang y pahawi nai deaungkho y, Areng ly Israela pri khai su ai,” napi.

2 ARENG KEH 23:15

Samrang Joseah ly Israela chengchi ai kamngo lam mang y pahawi nai keung, Neba i chapo samrang Jeroboam i Bethela meingtymra y sa nai chiu naira meingtymchi py, taphra pawn. Joseah ly maichamchi panawi pawn iy, Aser tameuh nu teng y talam nai tamkhawn py mai leng vui bo.

2 NENG SATANG 31:1

Pawi lui nai bo y Israela cheng bawibawichi ly Juda pri mary tleirei y chei iy, lengseaung leungchengchi hawi tameuhnu Asherah i tamkhawnchi taphra u. Maichamchi hawi myn chiu nai maichamchi py panawi u bo. Nichi ly Juda khu ka-peang, Benjamin khu ka-peang hawi Manase khu ka-peangchira py, hina nai kamta sa u chum baly, mymychi i yhm mang y vawi u nai ne.

ISAIA 2:19

Khaileaung amchyh hai ai nai, mymy jeu nai khala y khumichi ly Areng i kado theu nai, mymy i sa thai naira hawi nang parai naira i nai law tleaungra nga ai nai lengseaung tapiuchi ra y py, khaileaung angawm tai i py aheu u ai.

ISAIA 2:21

Khaileaung amchyh hai ai nai Areng jeu nai khala y, khumichi ly mymy i kado theu nai, sa thai naira hawi nang parai naira i nai law tleaung ai nai khaileaung angawmchi hawi lengseaung tapiuchira y aheu u ai.

ISAIA 34:13

Samrang yhmchi hawi lengseaung apai tapang nai mary bawibawichira y aleng keung cheaungkhangchi prau iy, khivachi hawi beaungkuchi awm naira lawm ai.

HOSEA 10:2

Nichi i paleung ly cheng y nai deaungkho y, vaimy kamngo pajeng naira avum u ai. Tameuh ly nichi i maichamchi taphra iy, nichi chiu u nai leungchengchi taphra ai.

HOSEA 10:5

Samari mary i khumichi ly Bethavan mary y awm nai muku si katai myn tama vui nai molam y, jei i vo tangam u ai. Huni myn ai chiu nai khumichi hawi pathyp pi nai keungchi ly muku si katai myn i vui y vo u ai. Huni muku si katai myn i sa thai naira tama iy, pri takhra mang y syn vui nai khala, nichi ly tangam u ai.

HOSEA 10:9

Areng my, “Israela chengchi ly Kibeah mary y kamngo sa angchei khala i ka-so, kai i tlang tleaung y kamngo sa u jojo nai ne. Hunai deaungkho y Kibeah mary y tym nai tavai takai ly nichi ai kai ai.

HOSEA 2:6

Hunai deaungkho y kai ly ni theu thai y ai nai cheaungmei apai sa iy, lam niu pajau y ai nai lengseaung apai akawm khyp ai.

HOSEA 4:13

Nichi ly mawi saleung i chiu sa nai meingtymchira y apathyp u iy, mawi aheungchira i, ka-khui hawi nai dengkeaung keung puichi anui y rimuichi patawi u bo. “Naibaly nangchi i chaniuchi ly bimanu lawm iy, nangchi i lengngochi ly kamleaungnu lawm u bo.

HOSEA 4:15

“Nangchi Israela khumichi ly kai i tlang tleaung y ka-ym by y teu i py, Juda khumichi ly huna nai kamngochi so u moh sy, Kilakala mary, ti y baly Bethevanmarychira y chiu u moh. Huni marychira y heng nai Areng i amyn tau iy vaineng abeu u moh.

HOSEA 5:8

Kibeah mary theung y baw eng u! Ramah mary theung y satang pei u! Bethavan mary y tavai thau nai aeu u! Benjamin cheng theaungchi awi, tavai thau u!

HOSEA 8:5

Samari mary i khumichi chiu u nai muku si katai myn ai kapaso nai ne. Kai ly nichi tlang tleaung y kado theu bo. Nichi ly mana khala py, myn chiu nai khai u su ai mo?

HOSEA 9:6

Nichi ly patang naira avum u iy, meingtym tleirei y tym u nai khala, Aikupta khumichi my nichi ai pangym iy, Memphi mary y up ai. Nichi i tangka khairachi hawi yhm kangngymchi awm nai meingtymchi ly aleng phreungchi hawi acha keungchi my khiu meuh ai.

AMOS 1:5

Kai ly Damaska mary apai katheuchi ai taphra vui iy, Avan leaunghawi hawi Betheden mary ai peang naichi ai tamyh ai. Suria khumichi ai Kira pri mang y langheng hawi vui ai,” napi.

AMOS 3:14

Kai ly Israela chengchi ai pajeng nai kani y, Bethela maichamchi ai taphra vui ai. Maicham tleirei i takichira y awm nai taki kamsuichi tameang iy, khaileaung y tla hai ai.

AMOS 7:9

Isaka i kangpreangchi chiu nai meingtymchi phra ai. Israela pri i meingtym kachai ngierei ai, khaileaung ka-keu naini lawm hai ai. Kai ly samrang Jeroboam i samrang kangpreang deung tlum hai ai,” napi.

AMOS 8:14

Samari tameuh mynchi napi nai, ‘Dan tameuh’ ai py, ‘Beraseba mary i tameuh’ ai py, tau iy vaineng abeu reng nai khumichi ly ang thau teang pajau y na pa-rei atlym u ai,” napi.

MIKHA 1:13

Lakhisa mary y awm nai khumichi awi, tavai ka-richira y keaungngochi tai u. Nangchi ly Israela khumichi i sa nai kamta kamngo sa u. Nangchi kamngo sa u nai kamta, Jerusalem mary i khumichi ai py, kamngo sa hai bo.

MIKHA 1:5

Israela chengchi ly kamngo sa iy Tameuh ai tiu u nai deaungkho y, hina nai kamta avum u ai. Israela chengchi my tiu nai molam y, ami ai neng hai ai mo? Samari mary pui ny y a? Juda chengchi my chiu nai asang nai meingtym ly ma mang y mo? Jerusalem mary pui ne na a!

NAHUM 3:11

Aw Ninevi mary awi, nang ly pavui tapai naimy, paleung ka-echi kiu i law tleaung ai nai atho sa ai.

LUKA 23:30

Hunai khala y ly nichi ly mawi ka-sangchi teng y, ‘Kaichi ai akai hai mawp kyh,’ naibaly mawichi teng y, ‘Kaichi ai tleng hai mawp kyh,’ napi ai.

Leu Thui Nai 9:21

Kai ly nangchi ai kamngo tym hai nai si cho myn ai mai theung y aphi vui bo. Naibaly si cho myn ai deih lawn pa-rei dengpiu iy, huni deih ai ly mawi mang leaung kathiu nai tavo micheaung tui y adi vui nai ne.

AMTENG HAI NAI 6:16

naibaly nichi ly mawi puichi hawi lengseaung puichi teng y ly, “Kaichi ai taphom kyh, areng atehra tleaung y ateh nai keung meimai i dengdairei hawi, Beram Cho i kado theu naira i dengdairei py kaichi ai heu kyh:

AMTENG HAI NAI 9:6

Naibaly huni neng khala y ly khumichi my deira hau ai i, pipi avum lawh ai ny y; nichi ly dei ai nai kadeaung i, deira ly angpreng pi veng ai.