HOSEA 10:2 - Khumi Common Language Bible

² Nichi i paleung ly cheng y nai deaungkho y, vaimy kamngo pajeng naira avum u ai. Tameuh ly nichi i maichamchi taphra iy, nichi chiu u nai leungchengchi taphra ai.

HOSEA 10:2 Iomraidhean Croise

1 ARENG KEH 18:21

Elija ly mipuichi teng y chei iy, “Nangchi ly mana tanrei paleung adi adiu naimy awm u ai mo? Areng ly Tameuh ne, nabaly ni ai chiu u. Bala ly Tameuh ne, nabaly ni ai chiu u!” napi. Na i py khumichi ly ati sa py pathang u y.

THEU NAI 23:24

Nangchi ly nichi i tameuhchi ai lu meung iy chiu u moh; nichi i reitachi kamta teaung u moh; nichi i tameuhchi taphra iy, nichi i khai takhra nai leungchengchi py pakhau pi pawn ai nai tla.

LEU KACHENG 11:18

Khumi hawi y naichi ly meitang khyp, ati sai py hawi naira avum ai ny y; na i py kateng sa reng nai khumichi ly meitang khyp, kawn vang nga u ai.

ISAIA 44:18

Hina nai khumichi ly khri pa-rei akhum nai deaungkho y, mychi ly ati sa nai mo, nanai py apany u y. Kateng niu y, pany y ai nai, mychi i mei hawi paleung katheuchi kho u typ veng bo.

JEREMIA 43:13

Ni ly Aikupta pri i kanito mary puira y awm nai ka-ma-ra leungcheng pado naichi taphra pawn iy, Aikupta pri i tameuh achura yhmchi ai mai leng pawn ai,’ nanai leu pei nai thui pi,” napi.

Ezekiela 14:5

Huni mynchi ly Israela chengchi ai kai hawi akhan hai bo. Na i py nichi ly kai i pathang pi nai deaungkho y, kai i tlang tleaung y ka-ym awm u ali teang ai.

HOSEA 12:11

Na i py nichi ly Kilead pri y, mynchi ai chiu u. Huna nai chiu nai khumichi ly dei ai. Kilakala mary y awm nai khala, si kataichi apathyp u iy huni meingtym y awm nai maichamchi ly adym angdengra y lengseaung pakheng achu naichi lawm ai.”

HOSEA 13:16

Samari mary i khumichi ly kai ai tiu nai deaungkho y, pajeng naira avum ai. Samari khumichi ly tavai molam y dei u ai. Deaungdichochi ly khaileaung y athyh iy, padei nai avum u ai. Neampachy jeubomchi i kajeu py, phokra nai avum ai.

HOSEA 3:4

Huna nai kamta Israela khumichi ly samrang by y, lu sa nai keung by y, apathyp nai by y, chiu ai nai lengseaung leng naichi by y, leung khen nai khala teaung nai mynchi by y naimy, neng kakra awm u ai.

HOSEA 7:8

Areng my, “Israela khumichi ly ka-hyhrei tie khyh nai tako hawi atawm. Nichi ly tengpang y awm nai prichi ai ym u nai ne.

Levi 26:30

Kai ly mawi aheungchira i, nangchi i chiu nai meingtymchi ai taphra pi pawn iy, mui katui leng patlum nai maichamchi py panawi pi pawn ai. Nangchi i veuchi ai anawi jawn nai mynchi salo y aphi chup ai. Kai ly nangchi ai kang paso nai deaungkho y,

MIKHA 5:13

Kai ly nangchi i chiu nai mynchi hawi nangchi i chiu nai leungchengchi taphra ai. Mo mang y ly nangmychi kiu hawi sa naichi ai chiu u moh.

ZEPHANIAH 1:5

Yhm amphu salo y lyn iy kanito, lo, ka-si taukichi ai chiu nai ngiereichi ai, kaimy taphra pawn ai. Kai ai chiu naimy ka-ym awm ai mang, nanai vaineng abeu chum iy Mole amyn y vaineng abeu nai khumichi ai py, katamyh pawn ai.

ZEKHARIAH 13:2

Huna nai khala kai ly hini pri y awm nai mynchi amyn taphra vui ai i, hunichi ai mo mang y ami py pany u ali bi ai ny y. Amymy ai amo ne, nanai thui nai ngiereichi ai, kaimy tama hai vui ai. Myn y chiu ai ngai nai paleung ka-dawn ai py taphra vui ai.

MATTHAI 6:24

“Ami py yhmkeung leaung nyhrei i kalop so abom thai y leang: ni ly leaungrei ai niu ngai y iy, leaungrei ai ngai ai, ti y baly leaungrei ai ly ama hai iy, leaungrei ai ly tahm khai y ai. Tameuh i kalop hawi yhmtheaung i kalop so u abom thai y leang.

LUKA 16:13

Miseaung ami py yhmkeung leaung nyhrei i kalop so abom thai y leang, leaungrei ai ly ama hai i, leaungrei ai ly tahm khai y ai. Tameuh i kalop hawi yhmtheaung i kalop so u abom thai y leang,” napi.

JAKOB 1:8

Areng teng y ati sai py nga ai nai athang khai moh sy.

JAKOB 4:4

Nangchi pajang sa nai nuchi awi, khaileaung pri hawi amrawi nai sai ly Tameuh ai paleung ka-e sa nai ne, nanai ly pany u y nai sai a? Ami py khaileaung pri hawi amrawi nai ngierei ly Tameuh hawi paleung ka-e lawn bo.

I JOHAN 2:15

Khaileaung pri ai ly tamen u moh, khaileaung pri i atiti awm nairachi ai py tamen u moh. Khumi ami py khaileaung pri ai tamen baly, Ampo ai tamen naira ly mymy teng y by y.

1 SAMUELA 5:4

Huni bo i kani pa-nyh khawn angthodyh y, huni myn ly Leu Maikawm Pawm i mo y tla amkhiumeuh nai niu u taleang bi. Vai i nai ly myn i lu hawi kiu nyhrei py tleuleu pawn iy, katheu pa-kho sahawi y tym vui nai ne; tlang my tlairei naini awm su bo.