HOSEA 10:13 - Khumi Common Language Bible

¹³ Na i py nangchi ly hawi y nai ti pati u iy, hawi y nai athaichi pakym u bo. Nangchi ly ka-chawi naimy hawi y nai athaichi cha u bo. “Nangchi ly nangmychi i tavai ka-richi hawi tavaimi kamkawm atho ai a-ym u nai deaungkho y,

HOSEA 10:13 Iomraidhean Croise

JOBA 4:8

Khumichi ly sa tamang nai li thawn iy, kamngo ti hei u nai kaniu. Vai i neng khala huni khumichi ly hawi y nai hawi sa tamang nai athaichi pakym u ai nai tla bo.

SAM 33:16

Samrang napi nai ly my i tavaimi kamkawm pui deaungkho y, tavai eaung nai ny y; Tavaimi risa py my i atho haiho molam y eaung nai ny y.

SAM 52:7

“Amy i chymme ai nai i vui y Tameuh ai ym ai nai tleaung y ly amy i nang chawn naira ai a-ym nai khumi ai khen u; ni ly my i hawi y naira molam y, amy i chymme naira hau nai khumi ne,” nanai thui u ai.

SAM 62:10

Khrukhra naira ai a-ym u moh; lawm nai kalop hawi ly hawi naira nga ai, nanai athang khai u moh; nangchi i yhmtheaung katuichi ly peung hai teu i py, hunichi ai a-ym u moh.

LEU KACHENG 1:31

Hunai deaungkho y nangchi ly nangmychi i hawi y sa nai lai amtym u ai; nangchi i sa nai leaungsaichi my, nangchi ai no hai au ai.

LEU KACHENG 12:19

Ka-chawi leu ly deung dawi; na i py ka-ym awm nai leu ly deung sau nai ne.

LEU KACHENG 13:2

Khumi kahawichi ly mymychi i thui katheu nai kawn vang nga u ai; na i py li-tapawp reng nai khumichi ly khrukhra nairachi sa reng.

LEU KACHENG 19:5

Tara jeung y ka-chawi thui nai khumi ly pajeng naira avum ai; pajengra i nai tleaung ai ny y.

LEU KACHENG 22:8

Adyh adawi y nai ti hei nai khumi ly patang nai amti amjangchi pakym achu ai. Huna nai khala ni ly ami i tlang tleaung y ana nai sai anawn ai.

Parip nai leu 9:11

Kai i pany nai takhra leaungsai harei nai ly hini ne he: hini khaileaung pri y angpreng rang parai nai khumi ly ampreng acham naira tleirei y eaung jojo ai, nanai thui pajau y; sorai paleung awm nai khumi ly tavai atiu naira y eaung jojo ai, nanai thui pajau y; khumi kachengchi ly teicha teinei avaw vai y ai, nanai thui pajau y; tau cheng nai khumi ly nang jojo ai, nanai thui pajau y; sa thai naira awm nai khumi ly kalop kalenra y atheng jojo ai, nanai thui pajau y nai ne. Khumi luteng ly taham si naira avum reng.

ISAIA 17:11

Na i py huni akhochira i dengkeaung hmchi ly nang i ui nai kani khawn mang y my prau iy pauchi pau lawh teu i py, nang ly hunichira i athaichi jawi ai nai nga ai ny y. Ngari kamtang hawi tami pajau y nai patangra naini avum ai.

HOSEA 11:12

Areng my, “Israela khumichi ly kai ai ka-chawi thui iy tapawp u bo. Juda khumichi ly chai parai nai hawi ka-ym awm nai kai, Tameuh ai vai khrairei tiu u nai ne.

HOSEA 4:2

Nichi ly leu meitang teaung y nai, ka-chawi thui nai, khumi ai padei nai, ami i yhmtheaung paviu nai, ami i aju chanau ai taphra nai, hunichi sa nai ne. Reita ai dawndan y nai awm ngaulau iy, khumichi ai avaw avawrei padei u bo.

HOSEA 4:8

Nangchi ly kai i khumichi kamngo sa nai molam y, nang u nai ne. Hunai deaungkho y nangchi ly nichi kamngo sa ra ai nai atho pei u bo.

HOSEA 7:3

Areng my, “Khumichi ly mychi i hawi y nai katau molam y, samrang hawi ni i bangtangchi ai li-tapawp hyp bo.

HOSEA 8:7

Nichi ly ali ai hei nai khala, kamchai tyn u lawh ai! Li i chohpui chomaw myn y baly tako ngo pajau y. Huni lira i chohpui chomaw myn lawh tei u py pri takhrachi cha u ai.

1 SAMUELA 24:14

Khen cham, Israela samrang ly ami ai padei ai nai atho sa nai mo! khen cham, ni ly patiu ai nai tau lawh ly! ui kadei, uikasyhchi ai a!