HOSEA 1:7 - Khumi Common Language Bible

⁷ Na i py kai ly Juda pri khumichi ai tamen ai rai. Nichi i Tameuh kai Areng ly nichi ai atleu ai. Na i py tavai atiu nai hawi py, haisau, thailiho, thailiho chyn, keaungngo, keaungngo tavaimi kamkawm hawi py, nichi ai atleu ai ny y.

HOSEA 1:7 Iomraidhean Croise

2 ARENG KEH 19:29

Naibaly Isaia ly samrang Hezekia teng y, “Mo mang y tym ai nai atitichi i ka-ma-ra ly hina nai ne. Nang ly vai neng py, amlo py, mychi ngaingai prau nai chohchi cha ai. Na i py pa-thom saneng y ly nangmychi my pati nai choh tyn u ai. Kreip keungchi py ui iy kreip athaichi cha u ai.

2 ARENG KEH 19:34

Kai ly kaimy i nang parai nai ai py, kai i miseaung Davida teng y leu adeu pi nai ai py, adawn iy hini mary ai ama hai ai,’ nanai leu pei bo,” napi.

2 ARENG KEH 19:35

Huni vum y Areng i kani pri amtaw thau leaungrei ly Asuria khumichi i tai naira mang y chei iy, tavaimi risa leaung 185,000reichi ai pajeng i, kani pa-nyh khawn mang ly huni khumi bawibawichi dei u nai ne.

2 ARENG KEH 6:18

Suria tavaimichi sahawi y tym nai kala Elisa my, “Aw Areng, hini khumichi ai mei paju hai pawn ba! nanai chiu sa i, Areng my huni khumichi i mei paju hai pawn bo.

SAM 33:16

Samrang napi nai ly my i tavaimi kamkawm pui deaungkho y, tavai eaung nai ny y; Tavaimi risa py my i atho haiho molam y eaung nai ny y.

SAM 44:7

Na i py nang ly kaichi ai paleung ka-echi kiu i nai atleu iy, kaichi ai niu ngai y nai khumichi ai pasum bo.

THEU NAI 14:13

Huna nai khala Mosi my, “Jeih u moh, Vam parai nai awm u; vaini Areng my atleu nai nangchi niu u ai; Aikupta chengchi ai vaini nangchi niu nai ly vai mo mang y nangchi niu u ali bi ai ny y leang bo mang.

THEU NAI 14:30

Huni kani y Areng my Israela chengchi ai Aikupta chengchi kiu i lawi hai bo; naibaly Israela chengchi ly pangli peang y Aikupta khumi kadei veuchi ahei tliutla nai niu u.

ISAIA 12:2

Tameuh ly kai i atleu keung ne; kai ly mymy ai jei y naimy ym ai. Areng ly kai ai sa thai naira hawi atho pei nai keung ne. Mymy ly kai i atleu keung ne.

ISAIA 30:18

Na i py Areng ly nangchi ai pahen iy sabawm ai nai ajeng nai ne. Mymy ly ka-dyh ka-dawi sa pi jojo nai ne i, nangchi ai pahen pi ai nai ajeng rym bo. Areng ai ym nai khumichi ly taham hawi nai ne.

ISAIA 49:6

Areng my kai ai, “Kai i miseaung, kai ly nang ai kalop kalenra y sa hai ai. Dei kamthum Israela chengchi sa thai naira haiho nga u ali teang nai khyh chang y i, khaileaung pri verei malawn py atleu naira nga ai nai, kai ly nang ai khumi cheng cheaungkhangchi i kangvang lawm hai ai,” napi.

ISAIA 7:14

Vai, Areng mymy naimy nang ai rengrang ka-ma-ra harei ang patei pi ai. Neampachy anglo leaungrei ly deaungdi aniu ai i, chapo tapen ai. Ni ly huni chapo ai, “Emmanuela”nanai amyn pathi ai.

JEREMIA 25:5

Nangchi ly nangmychi hawi amsi pajochi teng y, Areng my pei nai pri y deung ka-kan awm u ai nai, huni amochi ly nangchi i heng nai leaungsai hawi, sa nai sai hawi y naichi ai, hi vui ai nai ang thui pi nai ne.

JEREMIA 25:6

Nichi ly nangchi ai tameuh takhrachi teng y chiu u y ai nai py, nangmychi i sa nai mynchi ai chiu u nai y Areng ai kado theu hai y ai nai py, ang thui pi bo. Nangchi ly Areng i leu tangai u lawh baly, mymy ly nangchi ai pajeng ai ny y.

JEREMIA 33:26

Huna nai kai i kateng sa nai kamta, Jakob i kangpreangchi hawi py, kai i miseaung Davida hawi py, asa nai Leu Maikawm khaw hai jo ai. Kai ly Abraham, Isaka hawi Jakobchi i kangpreangchi ai peang ai nai, Davida kangpreang theung i leaungrei ai vawi takhra ai. Kai i khumichi ai nang chawn hai teang ai. Kai ly nichi i tlang tleaung y kapahen ai,” napi.

HOSEA 1:8

Koma ly chaniu ai kanu li chum baly, deaungdi aniu bi i, chapo tapen.

HOSEA 11:12

Areng my, “Israela khumichi ly kai ai ka-chawi thui iy tapawp u bo. Juda khumichi ly chai parai nai hawi ka-ym awm nai kai, Tameuh ai vai khrairei tiu u nai ne.

ZEKHARIAH 4:6

Kani pri amtaw thau naimy kai teng y, “Nang ly Zerubabela teng y Areng my pei nai hini satang thai hai ba. Mymy ly ni teng y, nang ly nangmy i sa thai naira haiho hawi py, tavaimi kamkawm atho hawi py, hina nai sa ai ny y. Na i py kai i phailo atho hawi naini sa pajau ai.

1 SAMUELA 17:47

Mymy ly my i khumichi ai atleu ai nai molam y haisau, tivi ateaungchi teaung ai nai aly ngai y nai py, hini meingtym y awm nai khumichi my niu u ai. Mymy ly tavai leaungsai kawp keh nai ne i, nangchi bawibawi ai kai i kiu y ang-au ai,” napi.