HEBRAI 5:3 - Khumi Common Language Bible

³ hunai deaungkho y ni ly khumi humchi i vui talam pi nai kamta, amy i vui py kamngo nairachi deaungkho y talam teang ai nai tla.

HEBRAI 5:3 Iomraidhean Croise

Levi 16:15

Huni bo y ni ly khumi mipuichi i kamngo i vui kamngo pahen nai kapathypra mi-i tleh iy, thi ly chai keh nai meingtym mang y syn ai nai tla. Si katai thi hawi katheng nai kamta, mi-i thi ai Leu Maikawm Pawm i khym salo y py, huni mo y py katheng ai nai tla.

Levi 16:6

Ni ly my i kamngo hawi mymy i yhm dengtheungchi i kamngo py pahen ai nai si katai talam ai nai tla.

Levi 9:7

Naibaly ni ly Aron teng y, “Nang i kamngo hawi Israela chengchi i kamngo pahen ai nai maicham mang y tapai iy, kamngo pahen nai katalamra py, leng patlum nai kapathypra py talam ai nai tla. Areng my leu pei nai kamta, Israela chengchi i kamngo pahen nai kapathypra talam ai nai tla,” napi.

I KORINTH 15:3

Angchei i kai i kanga nai py kang thui pi pateang nai bo, huna nai Krista ly Tameuh i cha-iu leu kamta my achi i kamngo nai deaungkho y dei i up bo;

HEBRAI 10:12

na i py ni ly deungtasarei i kavui kamngo nairachi i vui y apathyp naira harei talam nai bo y, Tameuh i lamtang mang y ateh lawh veng;

HEBRAI 7:27

mymy ly huni pathyp pi nai keung kalen kehchi i sa nai kamta, kani tleirei amy i kamngo nairachi deaungkho y talam manme veng iy, huni bo y ly khumi humchi i kamngo nairachi deaungkho y talam ai nai aly ngai y leang; ati mana nai mo nabaly huni ly amymy ai atalam amang nai thym khala y ly sa bi ai nai aly by y pa-rei tlenrei my sa na veng.

HEBRAI 9:7

pa-nyh naira y naini pathyp pi nai keung kalen keh harei, amy i vui hawi khumichi i kamngo nairachi i vui y talam pi ai nai thi syn y nai ny y naimy, saneng tleirei y tlenrei kun khyh: