HEBRAI 4:2 - Khumi Common Language Bible

² Nichi teng y thui pi nai kamta ly achi teng y py satang kahawi thui pi nai ne khyp bo: na i py nichi ly tangai nai keung tatangchi hawi ym naira y amtawm y nai deaungkho y, nichi i thai nai leu ly nichi ai chawn hai y leang.

HEBRAI 4:2 Iomraidhean Croise

AMTAW 13:46

Naibaly Pawla hawi Bernaba ly khri pa-rei vam parai naimy thui hawi i, “Tameuh i leu ly nangmychi teng y thui man ai nai tla. Na i py nangmychi my paka ali veng i, deungtasarei heng ai ataing y nai apalawn u veng nai deaungkho y, khen cham, kaini ly Cheng Takhrachi mang y hi vui ai.

AMTAW 3:26

Tameuh my mymy i Miseaung ai khai pi i, nangchi bawibawi ai nangchi i kamngo i dengdairei hi vui iy amtheaung hai ai nai, nangmychi teng y ang pato pi manme nai bo he,” napi.

ROM AVANGCHI TENG Y PAWLA I CHA PA NAI 2:25

Nang ly Reita patawm nai keung ne baly, lengkhym takip nai ly chawn tatang nai bo; na i py nang ly Reita taphra nai keung ne lawh baly, nang i lengkhym takip nai ly lengkhym takip y nai kamta lawn bo.

ROM AVANGCHI TENG Y PAWLA I CHA PA NAI 3:3

Naibaly phyreichi ly ym naira by y teu i py ati sa lawh i bo? Nichi i ym y naira my ly Tameuh i ka-ym awm nai sai ai ati sai py ny y nai palawn lawh nai sai a?

I KORINTH 13:3

Naibaly khumi kamawnchi ai pacho ai nai kai i yhmtheaung bawibawi pei iy, kai i tlang ai py kang ai nai ka-pei iy py, kai ly tamen naira by y pui baly kai i vui ati sai py kamran by y leang.

KALATIA 3:2

Hini harei nangchi teng i dengdairei pany ai nai kangai; nangchi ly Phailo nga u nai ly Reita i atitichi sa nai deaungkho y a, thai iy ym nai deaungkho y a?

KALATIA 3:8

Naibaly Tameuh i cha-iu ly Tameuh ly ym naira deaungkho y Cheng Takhrachi ai ly eaung hai ai, nanai pany hai rym i, “Nangmy y ly cheng cheaungkhangchi ly amtheaung hai naira nga ai,” nanai Abraham teng y Satang Kahawi thui pi yb bo.

KALATIA 4:13

Na i py nangchi teng y Satang Kahawi kang thui pi angchei kha i nai ly, kai i tlang ham y nai deaungkho y ne, nanai nangchi pany.

Leu Thui Nai 1:32

Huna nai kaimy kang thui pi teu i py, nangchi ly vum y maiteaung my,

I THESALONIKA 1:5

huna nai kaichi i Satang Kahawi thui pi nai ly nangchi teng y leu y my tlairei khyh ny y i, sa thai naira y hawi Phailo Kachai y hawi khri pa-rei ym cheng cheng naira y py tym lawh nai ly; kaichi ly nangmychi i vui dawn hai nai nangchi i tlang tleaung y mana tanrei sa mo, nanai ly nangchi pany.

I THESALONIKA 2:13

Nangchi ly kaichi teng i dengdairei Tameuh i leu thai nai patawm nai thym khala y ly, khumi i leu kamta ny y naimy Tameuh i leu kamta patawm lawh nai deaungkho y, kaichi ly Tameuh teng y kawn nai leu thui reng nai ne; huni ly Tameuh i leu ne khyp iy nangchi ym naichi theung y sa reng nai ne.

I TIMOTHEI 4:8

Naibaly Tameuh ai dawn ryhryh ai nai apatiu reng: tlang mang y atho nga ai nai amjy teaung nai ly chawn mang ly chawn: na i py Tameuh ai dawn ryhryh nai ly vai i awm angchi nai hengra hawi, vai tym ai nai hengra molam y atiti adeu naira nga nai deaungkho y lam cheaungkhangra y chawn nai ne.

HEBRAI 11:6

Na i py ym naira ny y baly mymy ai kawn pajau ai nai ly aveng. Ati mana nai mo nabaly Tameuh teng y ahihawi nai khumi ly Tameuh ly awm, nanai hawi, mymy ai hau nai keungchi teng y kawn nai vang pei nai keung ne, nanai py ym ai nai tla.

HEBRAI 3:12

Amjo amnauchi awi, amkym u, ti y baly Tameuh kangheng ai ly hi vui ai nai nangchi theung y ami py ym y nai paleung kamngo awm lawh na:

HEBRAI 4:6

Hunaibaly phyreichi ly huni meingtym y kun ai nai nga nai deaungkho y hawi, jangni i satang kahawi thui pi nai nga nai keungchi ly leu tangai u y nai deaungkho y kun u y vui nai py,

JAKOB 1:21

Hunai deaungkho y chai y nai bawibawi hawi, kamngo kawi palai nai ly patlaw u veng, phailo ai paheng thai nai tiu pi nai leu ly am-e y naimy kawn u.

I PETERA 1:12

Naibaly nichi ly amychi i vui ny y naimy, nangmychi i vui y atiti sa u lawh veng, nanai nichi teng y amteng hai nai bo; huni satang ly kani pri mang i dengdairei pato nai Phailo Kachai my sabawm nai, Satang Kahawi ang thui pi nai keungchi ly vai nangchi ai thui pi bo; huni atitichi ai ly kani pri i amtaw thau naichi ly bih ai nai ngai.