HEBRAI 3:3 - Khumi Common Language Bible

³ Naibaly dengtheung lu ai ly dengtheungchi tleaung y palo keh lawh nai kamta ly, ni ly Mosi tleaung y nang parai naira nga ra nga ra ai ataing nai khai rym nai bo.

HEBRAI 3:3 Iomraidhean Croise

ZEKHARIAH 4:9

Mymy ly “Zerubabela ly Achura yhm leng nai amteaung chum bo. Ni ly huni yhm sa nai pajau ai bo. Huna nai pacheang chum nai khala y kai i khumichi my nichi teng y, nang ai pato nai keung ly ati cheaungkhang sa thai nai keung kai, Areng ne, nanai pany u ai.

MATTHAI 16:18

Naibaly kang thui pi, nang ly Petera ne, naibaly hini lengseaung pui tleaung y ly kai i palau takhra kamkawm kapadyh kalau ai i, tavau kho i apai katheu pa-kho my ly huni ai pajau y ai.

I KORINTH 3:9

Kaini ly Tameuh hawi kalop sa ahawi nai ne; nangchi ly Tameuh i pachai nai hlau ne i, Tameuh i sa nai yhm py ne teang.

II KORINTH 3:7

Na i py dei naira i kalop sa nai, lengseaung y cha mawih tajiu nai malawn py huna tanrei nang parai naira y tym iy, Israela kangpreangchi ly Mosi i meimai nang parai nai sai deaungkho y ni i meimai ai khen jo pajau y baly (huni nang parai nai sai ly tama ryh tama ryh nai ne),

KOLOSA 1:18

naibaly mymy ly ati cheaungkhangra y salo keh lawn thai ai nai, mymy ly pakeung, kadeichi theung i dengdairei tapen manme nai ne.

HEBRAI 2:9

Na i py kani pri i amtaw thau naichi i tleaung y anui y panem nai Isu ai ly Tameuh i pahenra saho y khumi leaung leaungrei i vui y dei naira pateng hai ai nai, dei naira y patang nai deaungkho y nang parai naira hawi tahm khai naira amym hai nai achi my niu lawh veng.

HEBRAI 3:4

Dengtheung tleirei y amimi mo ly lu y awm bawibawi veng; cheaungkhang i lu naini Tameuh ne.

HEBRAI 3:6

na i py Krista ly Tameuh i dengtheungchi i tlang tleaung y Chapo y ka-ym awm nai ne, naibaly achi ly tem khala y khrairei vam naira hawi athang khai naira i amlyh naira khaw parai pa-rei my patawm cheng baly, achi ly mymy i dengtheungchi ne.