HEBRAI 3:1 - Khumi Common Language Bible

¹ Hunaibaly amjo amnau kachai, kani pri mang i palau nai phy nga naichi awi, achi i ym nai leu Amtaw Thau nai Keung hawi, Pathyp pi nai Keung kalen keh Isu ai ly dawn u.

HEBRAI 3:1 Iomraidhean Croise

SAM 110:4

“Nang ly pathyp pi nai keung kalen keh Melkhizedeka kamta, deungtasa pathyp pi nai keung lawm ai,” nanai Areng my vaineng abeu iy adeu pi nai ne i, huni adeu nai ly phra ai ny y.

ISAIA 1:3

Si hawi painochi ly yhmkeung ai pany; keaungngo kano kasauchi py yhmkeung i keaungngo hai, mychi i yhmkeung my teicha patlai nai meingtymchi pany. Na i py kai i khumi Israela chengchi ly huna tanrei pany u y. Nichi ly pany thai u y na ly” napi.

ISAIA 41:20

Hini atitichi niu u nai khala y, khumichi my hini ly kai, Areng i sa nai ne, nanai pany u ai. Hini kalop ai Israela chengchi i chai parai nai Tameuh my sa nai ne, nanai pany u ai.

ISAIA 5:12

Nangchi i pawichi sa naira y tarochi, atymchi, byhlyhchi hawi kreip hangchi abawi reng nai ne. Na i py Areng ly ati mana sa mo, nanai nangchi pany y.

Ezekiela 12:3

“Nang khumicho awi, vai nang ly ngari patang nai khumi leaungrei kamta, nangmy i vawnsaichi tapau iy kani thuntang y theu ba. Nang ly huna nai meingtym takhra y chei jo nai ly khumi luteng my niu sy. Atiu ham nai khumichi py, nang i theu nai ai dawn pany tan pany thai lym ai.

Ezekiela 18:28

Ni ly mymy i tamang nai adawn vau iy kamngo sa naichi khai su nai deaungkho y, pipi dei ai ny y, heng jojo ai.

HAKAI 1:5

Ati mana mo, nanai nangchi niu y nai sai a?

HAKAI 2:15

Areng my, “Nangchi ly nangmychi avum nai leaungsai ai niu u y nai sai a? Achura yhm so y rai khala,

JOHAN 17:3

Nang, Tameuh meitang leaungrei awm khyh nai ai hawi, nang i pato nai Isu Krista ai pany nai ly deungtasarei hengra ne.

JOHAN 20:21

Naibaly Isu my nichi teng y, “Nangchi teng y paleung awmnem naira awm sy. Ampo my kai ai pato nai kamta, nangchi ai py kaimy kang pato teang he,” napi bi.

JOHAN 20:27

Naibaly mymy ly Thoma teng y, “Nang i kiu pajeung thawi ly kai i kiu khen cham; nang i kiu thawi ly kai i pana y tapo; ym y naimy awm moh, ym ba,” napi.

AMTAW 1:15

Hunai khala y ly (nichi bawibawi ly chungvai atlo leaung apomrei mo awm i) Petera ly amjo amnauchi theung y angdo iy,

ROM AVANGCHI TENG Y PAWLA I CHA PA NAI 11:17

Na i py changpi phyreichi ai ly tleu hai iy, nang, olive karam ne i nichi theung y patawm iy, olive keung i tangjyn tuihau ahum teang chum nai ne baly, changpi takhrachi teng y ly amlyh reng moh;

ROM AVANGCHI TENG Y PAWLA I CHA PA NAI 15:27

Ne, nichi ly paleung hawi parai naimy sa u nai bo, nichi ly hunichi ai kalai pe ai nai awm. Cheng Takhrachi ly nichi i phailo mang i atitichi ahum u makho baly, khaileaung pri mang i atitichi my nichi ai sabawm teang ai nai aeang nai ne.

ROM AVANGCHI TENG Y PAWLA I CHA PA NAI 15:8

Hini ly kang thui pi ai nai ngai, Amsi pajochi teng y adeu nai leu ly khaw hai ai nai hawi, ni i pahen naira deaungkho y Cheng Takhrachi ly Tameuh ai palo u thai ai nai py,

ROM AVANGCHI TENG Y PAWLA I CHA PA NAI 9:24

Huni ly achi, pahen naira laawmchi ai ly Judachi theung i khyh ny y naimy, Cheng Takhrachi theung i nai py ang palau nai ne.

I KORINTH 1:2

Korinth avang y Tameuh i palau takhra kamkawm awm nai, Krista Isu y khai takhra nai, khumi kachai lawn ai nai palau naichi teng y hawi, meingtym tleirei y achi i Areng Isu Krista i amyn palau nai bawibawichi teng y py (ni ly mymychi i hawi amychi i Areng ne),

I KORINTH 10:17

Achi, khumi neangneang ly tako phirei, tlang bomrei ne chy bo; achi bawibawi ly huni tako phirei ra i nai phy nga sa sa veng.

I KORINTH 9:23

Satang Kahawi phy kanga hawi teang thai ai nai huni Satang deaungkho y ati cheaungkhang kasa.

II KORINTH 1:7

naibaly nangchi ly ngari patang naira phy nga u teang nai kamta ly, nangchi ly awmnem naira py phy nga u teang, nanai kaichi pany iy, nangchi ai athang kang khai naira khaw parai nai ne.

II KORINTH 9:13

hini sabawm naira y nangchi ai ang cham nai deaungkho y, Krista i Satang Kahawi mang y nangchi i leu ym u nai patawm nai sai deaungkho y hawi, mymychi i vui hawi khumi bawibawichi i vui khai achu naira y nangchi i atiti paawh y naimy pei nai deaungkho y py, nichi ly Tameuh ai tahm pasang nai chy bo;

EPHESI 3:6

huni ly hini ne he, Satang Kahawi deaungkho y Krista Isu y ly Cheng Takhrachi ly yhmtheaung amtym ahawi nai hawi, tlang angprei ahawi nai hawi, leu adeu nai nga ahawi naichi ne.

EPHESI 4:1

Hunaibaly kai, Areng y theaung tla nai khumi my ly nangchi ly apanem nai hawi leu anui naira bawibawi hawi, tamen naira akham leungtang nai tarawi y amnym naira hawi,

EPHESI 4:4

Nangchi ai ang palau nai ly athang khai naira harei y ang palau nai kamta ly, tlang harei hawi Phailo harei chy awm khyh;

PHILIPI 3:14

Krista Isu i saho y Tameuh i salo mang y ang palau nai kawn nai vang nga ai nai katem y tym pa-rei katapai tanga nai ne.

KOLOSA 1:12

Ampo, kangvang i khumi kachaichi i yhmtheaung ahum ai ataing nai ang sa pi nai keung teng y ly kawn nai leu thui u.

KOLOSA 1:22

na i py vai ly nangchi ai ly mymy i mo y chai parai nai hawi, meimai cheh ai by y nai hawi, thui ai by y nai angdo hai ai nai, mymy i ngan i tlang y ly dei naira i saho y nangchi ai aly hai nai bo:

KOLOSA 3:12

Hunaibaly khumi kachai hawi ngai parai naichi awi, Tameuh i vawi nai khumichi kamta paleung verei pahen naira hawi, neaung hawi naira hawi, tahm apanem naira hawi, leu anui naira hawi, amnym naira py amthyp u;

I THESALONIKA 2:12

nangchi leaung leaungrei ai pachei py kang pachei, awm py kang awm hai nem, leu py hawihai palai kang pany hai, nanai nangchi ly pany u veng bo.

I THESALONIKA 5:27

Hini cha ly amjo amnau bawibawichi teng y phain ai nai Areng y kang takeng.

II THESALONIKA 1:11

Achi i Tameuh my ang palau naira y ly palau ai ataing nai ang sa rym thai ai nai hawi, ym naira y atiti sa nai cheaungkhang mymy i atiti sa thai naira y nangchi ai sa hai thai ai nai, kaichi ly chiu kang sa pi jojo nai he.

II THESALONIKA 2:14

hunira y ly nangchi ly achi i Areng Isu Krista i nang parai naira nga thai ai nai, mymy ly kaichi i Satang Kahawi thui pi nai y nangchi ai ang palau.

I TIMOTHEI 6:12

Ym naira i atiu naira y ly atho so; deungtasarei heng naira ai ly amkhaw, huni nga ai nai ang palau chum bo i, nang ly pany nai keung neangneangchi i mo y thai hai nai leu hawi parai nai thui pi bo.

I TIMOTHEI 6:2

Naibaly nichi i yhmkeung ly ym nai khumi ne i, amjo amnau ne nai deaungkho y tahm panem u moh sy: na i py chawn naira nga naichi ly ym nai keung hawi ngai parai nai keung ne nai deaungkho y, nichi i kalop sa nai tleaung y so pi u ra sy. Huni satang patiu py patiu, pachei py pachei.

II TIMOTHEI 1:9

mymy ly achi i atiti sa nai deaungkho y ny y naimy, mymy i khai rym nai hawi pahen nai kamta achi ai ang paheng iy, palau nai sai chai parai nai mang y ang palau; huni pahenra ly kani khaileaung palum y rai khala y my Krista Isu y ang pei nai bo:

II TIMOTHEI 2:7

Kai i leu thui nai ly dawn cham: Areng my ly ati cheaungkhangra y pany thai naira ang pei ai.

HEBRAI 10:19

Hunaibaly amjo amnauchi awi, heng nai lam kangtha ang khai pi rym nai, kanih jang nai mang y

HEBRAI 10:21

Tameuh i dengtheungchi i tlang tleaung y lu y awm nai pathyp pi nai keung nang parai nai nga nai deaungkho y py,

HEBRAI 10:23

Hini achi i athang khai naira i ym nai leu amchyh y ai nai patawn u cheng sina; ati mana nai mo nabaly leu adeu nai keung ly ka-ym awm nai ne:

HEBRAI 13:22

Na i py amjo amnauchi awi, pachei nai ly kham u pajau tanga ai nai kang takeng; ati mana nai mo nabaly kai ly nangchi teng y leu maiden chy katajiu veng bo.

HEBRAI 2:11

Pachai nai keung hawi mymy i pachai naichi py sangum vanrei ne; hunai deaungkho y mymy ly nichi ai amjo amnau, nanai amyn pathi ai nai kaji hai y i,

HEBRAI 2:17

Hunaibaly mymy ly khumichi i vui y kamngo tama hai naira lawn ai nai, Tameuh mang i atiti ra y ly pathyp pi nai keung kalen keh pahen parai nai hawi ka-ym awm parai nai lawn thai ai nai, cheaungkhangra y mymy i amjo amnauchi kamta awm ai nai ly mymy i vui aeang parai nai angchi yb nai ne.

HEBRAI 3:12

Amjo amnauchi awi, amkym u, ti y baly Tameuh kangheng ai ly hi vui ai nai nangchi theung y ami py ym y nai paleung kamngo awm lawh na:

HEBRAI 3:14

achi my achi i ym amteaung angchei nai ly tem nai khala y khrairei khaw parai pa-rei my patawm cheng baly,

HEBRAI 6:20

Hunira y ly Isu ly Melkisadeka kamta deungtasarei pathyp pi nai keung kalen keh y lawn chum iy, achi i vui mo mang y chei man nai keung y kun bo.

HEBRAI 7:26

Hunai kamta pathyp pi nai keung kalen keh, khumi kachai, ka-di ka-de y nai, anyng akau y nai, khumi kamngochi teng i nai awm takhra iy, kani tleaung y salo keh naira y tym hai nai ly achi i vui awm angchi yb nai ne;

HEBRAI 7:28

Reita ly ham y naira awm nai khumichi ai ly pathyp pi nai keung kalen keh y khai rym lawh veng; na i py Reita bo i vaineng abeu nai leu ly deungtasarei i vui angym hai chum nai Chapo ai khai rym nai ne.

HEBRAI 9:11

Na i py Krista ly atiti kahawi awm ai nai y pathyp pi nai keung kalen keh ang jeu iy, kiu y so y nai, atiti sa naichi theung i ny y nai achura yhm nang keh nai hawi angym keh nai mang y tako prei bo:

HEBRAI 9:15

Naibaly leu maikawm kangman i anui y taphra nairachi atleu ai nai ang dei vui nai deaungkho y, palau naichi ly deungtasarei yhmtheaung amtym nai leu adeu naira nga thai ai nai ni ly leu maikawm kangtha i savai ne.

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;

I PETERA 3:5

Hunai kamta teang jangni i neampachy kahawi, Tameuh ai athang khai naichi ly amy i juvochi i ngaingai awm nai amthyp lawh veng;

I PETERA 5:1

Hunaibaly kai, miteaung keh ne teang nai hawi, Krista i patang naira niu nai hawi, amteng ai nai nang parai naira phy nga nai khumi ly nangchi theung y miteaung kehchi ai kang pachei:

I PETERA 5:10

Naibaly pahenra bawibawi i sangum Tameuh, mymy i deungtasarei nang parai naira nga ai nai Krista y ang palau nai keung kypkyp my ly, nangchi kra y nai sala chy patang nai bo y nangchi ai angym py angym hai ai, khaw py khaw hai ai, ham py ham hai ai mang.

I JOHAN 1:3

nangchi py kaichi hawi amkawm teang thai ai nai, huni kaichi i nui nai hawi thai nai ly nangchi teng y kang thui pi nai he; ne, naibaly kaichi hawi amkawm nai ly Ampo hawi, mymy i Chapo Isu Krista hawi amkawm nai ne:

JUDA 1:1

Juda, Isu Krista i miseaung hawi Jakob i amnau ly, Ampo Tameuh my tamen nai hawi, Isu Krista i vui y khai pi rym nai palau naichi teng y ly:

AMTENG HAI NAI 17:14

Hunichi ly Beram Cho ai tiu ai i, Beram Cho ly arengchi i Areng, samrangchi i Samrang ne nai deaungkho y nichi ai pajau ai: mymy teng y awm naichi py, palau nai, vawi takhra nai, ka-ym awm naichi ly pajau u teang ai,” napi.

AMTENG HAI NAI 18:20

Aw! Kani pri hawi, khumi kachaichi hawi, amtaw thau naichi hawi, amochi awi, mymy i tlang tleaung y kawn u; ni i nangchi i tlang tleaung y tara chih nai ly Tameuh my ni i tlang tleaung y tara chih pi teang bo,” napi nai kathai.