HEBRAI 1:2 - Khumi Common Language Bible

² na i py hini kangkhym kangtem i neng y ly mymy ly Chapo ai achi teng y leu thui hai bo; mymy ly ni ai ati cheaungkhang amtym ai nai keung y khai rym i, ni i saho y kani khaileaung py sa.

HEBRAI 1:2 Iomraidhean Croise

ATITI AWM ANGCHEI NAI 49:1

Jakob ly chapochi ai palau iy, “Kai i sahawi y jeu u achu, kai my vai momang y nangchi teng tym ai nai sai kang thui pi ai:

ISAIA 2:2

Isaia my vai mo mang i neng khala y vai, Achura yhm awm nai mawi ly mawi bawibawichi ai cho iy, asang keh nai lawm ai. Khumi cheng bawibawichi py, huni mawi y jeu u ai.

ISAIA 44:24

“Kai ly nangchi ai sa nai keung hawi atleu pi nai keung Areng ne. Kai ly ati cheaungkhangchi ai sa nai keung Areng ne. Kani khusang ai kaimy leaungrei khiu khyh nai ne. Khaileaung ai kaimy sa nai khala y, ami py kai ai sabawm u y leang.

ISAIA 45:12

Kai leaungrei naini khaileaung pri ai palum iy, hunira y awm ai nai khumichi ai sa nai keung ne. Kaimy i sa thai naira hawi kani khusang ai khiu tapai iy, kanito, lo, ka-sichi ai kryme nai ne.

ISAIA 45:18

Areng ly kani khusang ai sa; mymy leaungrei naini Tameuh ne na a! Mymy ly khaileaung ai sa palum iy, khaw hai typ nai ne. Mymy ly huni ai khumi angso by y nai meingtym palawn ai nai sa nai ny y. Khumichi awm ai nai meingtym sa pi nai ne. Mymy ly “Kai ly Areng ne; kai ny y baly tameuh takhra by y.

JEREMIA 48:47

Na i py mo mang i neng khala Areng ly Moba pri y nang chawn hai ali teang ai. Hini bawibawichi ly Moba pri tlang tleaung y tym ai nai atitichi molam y Areng i pei nai leuchi ne.

Ezekiela 38:16

kai i khumi Israela chengchi ai ali kamchai kamta nang ly tavai tiu ai. Nang, Koka i neng tym nai khala, Kai i pri y tiu hai ai nai nang ai kang pato ai. Hina nai hawimy kai ly ami mo, nanai khumi cheng cheaungkhang teng pany hai ai. Nang ai kang sa hai nai leaungsaichi hawi py, kai i chai parai nai amyn amthang hai ai.

DANIELA 10:14

Vai, kai kang jeu nai aly ly mo mang i neng y nang i chengchi avum u ai nai leaungsaichi, nang teng y pany hai ai nai molam y ne. Hini paleung mei y niu nai ly mo mang i vui ne,” napi.

DANIELA 2:28

Na i py thiu parai nai saichi ai pany hai nai Tameuh ly kani pri mang y awm. Huni Tameuh ly mo mang i neng y mana tym ai mo, nanai samrang nang pany ai nai pei bo. Samrang nang i nai thym khala y, niu nai amang ly vai, kaimy thui pi ai.

HOSEA 3:5

Na i py Israela khumichi ly nichi i Areng Tameuh teng y py, nichi i samrang Davida i kangpreangchi teng y py, vawi ali teang nai neng tym ai. Huna nai khala nichi ly Areng ai jei kaji naimy tahm khai u ai. Mymy py nichi ai amtheaung naira pei ai.

MIKHA 4:1

Mo mang i neng y Achura yhm awm nai mawi ly asang keh nai mawi lawm ai. Mawi bawibawichi tleaung y py asang ai. Khumi cheng neangneangchi ly huni mawi mang y jeu achu iy,

Kati Nai 24:14

Balam my samrang Balek teng y, “Vai, kai ly amjo amnauchi teng y kavawi ai; na i py kai vawi y rai khala Israela chengchi my, mo mang y nang i chengchi teng y mana sa ai mo, nanai kaimy pany hai ai,” napi.

MATTHAI 13:39

hei nai paleung ka-e ly diabola ne; choh tyn nai ly khaileaung pri tem ai nai neng ne; choh tyn nai keungchi ly kani pri i amtaw thau naichi ne.

MATTHAI 17:5

Ni ly thui dudu nai thym khala y khen cham, tamai kaleung parai nai ly mymychi ai deng; naibaly khen cham, tamai theung i dengdairei raawi ly, “Hini ly kai i Chapo ngai parai nai ne: kai ly mymy i tlang tleaung y khrikhri pa-rei kakawn parai: mymy i leu tangai u,” napi.

MATTHAI 21:38

Na i py akho kry nai keungchi ly mymy i chapo ai niu bo nabaly, ‘Hini ly yhmtheaung kamtym ne; choh, padei u sina, mymy i yhmtheaung amtym ai nai ly lo pi sina,’ nanai mymychi tengtawi arum u bo.

MATTHAI 26:63

Na i py Isu my ly sai py katheu y. Naibaly pathyp pi nai keung kalen keh nai my ly mymy teng y, “Tameuh kangheng i amyn y kang thui nai bo: nang ly Krista Tameuh i Chapo ne a? nanai kaichi ai thui pi,” napi.

MATTHAI 28:18

Hunaibaly Isu ly nichi teng y chei i, nichi hawi arum iy, “Kani y hawi khaileaung y py aly peang naira bawibawi ly kai teng y ang pei nai bo.

MATTHAI 3:17

Naibaly khen cham, kani pri mang i dengdairei raawi ly, “Hini ly kai i Chapo ngai parai nai ne, kai ly mymy i tlang tleaung y khrikhri pa-rei kakawn parai,” napi.

MARKA 1:1

Tameuh i Chapo Isu Krista i Satang Kahawi angchei i nai ly.

MARKA 12:6

Naibaly leaungrei awm rai, chapo ngai parai nai ne. Naibaly mymy ly, ‘Kai i chapo ai ly tahm khai ai ngaw khyh,’ nanai kangkhym kangtem y mymy ai nichi teng y pato.

MARKA 12:7

Na i py huni akho kry nai keungchi ly mymychi tengtawi arum u i, ‘Hini ly yhmtheaung kamtym ne; choh, padei u sina, hunaibaly ni i yhmtheaung amtym ai nai achi i vui ne ryp ai bo,’ napi.

JOHAN 1:10

Ni ly khaileaung pri y awm i, khaileaung pri ly mymy i sa nai ne, na i py khaileaung pri ly mymy ai pany y.

JOHAN 1:14

Naibaly Leu ly ngan lawn i, pahen naira hawi leu meitang hawi kawi iy, achi teng y awm bo: Ampo i Chapo leaungrei awm khyh nai nang parai nai sai kamta, achi ly mymy i nang parai nai sai niu bo.

JOHAN 1:3

Ati cheaungkhang bawibawi ai ly mymy i saho y sa nai ne: naibaly atiti sa nai bawibawi ai ly mymy ny y naimy sa nai ha py by y.

JOHAN 13:3

Isu ly Ampo my ni i kiu y ati cheaungkhang au nai hawi, mymy ly Tameuh teng i theu nai hawi Tameuh teng y chei bi ai nai py pany naimy,

JOHAN 13:32

Tameuh my mymy y ly ni ai palo ai, palo py palo praw ai.

JOHAN 15:15

Nangchi ai miseaung kang tapi ali y leang bo; yhmkeung i atiti sa nai ly miseaung ly pany y; na i py nai awi, kang napi bo; Ampo teng i kai i atiti thai nai bawibawi ly kang thui pi veng bo.

JOHAN 16:15

Ampo i atiti awm nai ngierei ly kai i ne, hunai deaungkho y kai i nai la ai i nangchi teng y ang thui pi ai kang napi.

JOHAN 17:2

“Ngaai, neng ly tym bo: nangmy mymy ai khumi bawibawichi ai peang ai nai pei iy, mymy teng y nang i au nai ngierei ai ly mymy deungtasarei hengra pei thai ai nai, Chapo my nang ai palo thai ai nai nangmy i chapo ai palo ba.

JOHAN 3:16

“Tameuh my khaileaung pri y khrikhri pa-rei tamen, hunaibaly my i Chapo leaungrei awm khyh nai pei keih, ami py mymy ai ym nai ngierei ly tamo y ai, deungtasarei hengra nga lawh ai.

JOHAN 3:25

Naibaly Johan teng y abangnaichi hawi Juda leaungrei ly paju pachai nai leu y aei u.

JOHAN 5:26

Ampo ly amy teng y hengra awm nai kamta ly, Chapo ai py amy teng y hengra awm ai nai pei bo:

JOHAN 5:27

naibaly ni my ly Khumi i Chapo ne nai deaungkho y mymy teng y tara chih ai nai au bo.

JOHAN 9:29

Tameuh my Mosi ai arum hai nanai kaichi pany, na i py hini khumi ly ma i nai theu nai mo, nanai kaichi pany y,” napi.

AMTAW 10:36

Naibaly mymy ly Israela kangpreangchi teng y leu taviu nai, awmnem nai Satang Kahawi Isu Krista i labeaung y thui pi nai (mymy ly ati cheaungkhang tleaung y Areng)

AMTAW 2:17

‘Naibaly Tameuh my, Kangkhym i neng y ly hina nai awm ai. Ngan bawibawi tleaung y kai i Phailo kang lei ai: Nangchi i chapo chaniuchi my py kai i leu thui ai: Nangchi i thawndeangchi my py atiti amteng nai niu ai: Nangchi i miteaung neampachochi my py amang mang y amang ai:

ROM AVANGCHI TENG Y PAWLA I CHA PA NAI 1:4

naibaly chai naira phailo mang y ly Tameuh i Chapo ne, nanai ly kadeichi theung i nai angthau bi nai deaungkho y sa thai naira y khri pa-rei pany hai bo; huni ly Isu Krista achi i Areng ne;

ROM AVANGCHI TENG Y PAWLA I CHA PA NAI 8:17

naibaly achi ly chanauchi ne baly, achi ly yhmtheaung amtym nai keungchi ne; achi ly mymy teng y tahm asang naimy awm teang thai ai nai mymy hawi patang ahawi tatang baly, achi ly Tameuh i kamtym Krista hawi amtym ahawi nai keungchi ne.

I KORINTH 2:7

Kaichi ly Tameuh i leu kacheng ly leu kathiu y thui pi nai teu, leu kacheng aheu nai, achi i nang parai ai naira Tameuh my khaileaung palum y rai khala y my khai rym nai bo.

I KORINTH 8:6

huni ly Ampo ne; mymy teng i dengdairei ati cheaungkhang theu iy, achi py mymy i vui y awm nai ne; naibaly Areng leaungrei, Isu Krista ly awm teang, mymy deaungkho y ati cheaungkhang awm i, achi py mymy deaungkho y awm nai ne.

KALATIA 4:4

Na i py neng angym khyp khala y ly achi ly chanau lawn ai naira nga thai ai nai,

EPHESI 1:10

hunaibaly mymy ly mymy y tau nai kamta neng angym khyp nai khala y ly kani mang y atiti awm naichi ai hawi, khaileaung tleaung y atiti awm naichi ai py, ati cheaungkhang ai Krista y pahawi achu ai nai ly mymy i ngai nai kamta ne.

EPHESI 3:9

nanai khumi bawibawichi ai patei ai nai kai, khumi kachai bawibawichi theung y theang keh nai tleaung y theang keh nai teng y ly huni pahenra ly ang pei nai ne.

Leu Thui Nai 18:15

Areng ly nangchi cheng theaung theung i, kaimy ka-tawm amo leaungrei pato pi ai i, ni i leu phai tangai u.

Leu Thui Nai 31:29

Kai dei nai bo y hini khumichi ly khumi hawi y naichi lawm u ai i, kaimy patiu pi nai ngiereichi khai su ai, nanai kai kapany. Vai mo mang y nichi ly Areng my paka nai hawi y naichi sa u nai deaungkho y, kado theu hai ai i, nichi ly ka-jeira avum u ai,” napi.

Leu Thui Nai 4:30

Nangchi ly ngari kamtang avum iy, huna naichi tym nai khala, Areng teng y ahihawi ai i, mymy i leu pei naichi tangai u ai.

HEBRAI 1:5

Ati mana nai mo nabaly Tameuh ly, “Nang ly kai i Chapo ne, Vaini ly kang lawn hai bo,” napi nai hawi, Kai ly ni i vui Ampo lawn ai i, Ni ly kai i vui Chapo lawn ai,” nanai kani pri i amtaw thau naichi theung y ami teng y thui vai mo?

HEBRAI 1:8

Na i py Chapo i molam y naini hini thui nai ne; “Aw Tameuh, nang i areng atehra ly deungtasarei awm ai nai ne; Teng naira areng cheaungvawi py nang i peang naira i areng cheaungvawi ne.

HEBRAI 11:3

Tameuh my leu pei nai deaungkho y kani khaileaung sa pyn nai bo, nanai achi ly ym naira deaungkho y pany: hunaibaly atiti niu naichi ai ly atiti awm naichi ai teaung nai deaungkho y sa nai ny y.

HEBRAI 2:3

achi ly hina tanrei paheng naira aly len parai nai ai dawndan y baly mana tleaung thai rengrang ai mo? Huni paheng nai satang ly angchei khala y Areng ai teaung nai thui veng bo i, thai nai keungchi ly achi ai ang khaw pi;

HEBRAI 3:6

na i py Krista ly Tameuh i dengtheungchi i tlang tleaung y Chapo y ka-ym awm nai ne, naibaly achi ly tem khala y khrairei vam naira hawi athang khai naira i amlyh naira khaw parai pa-rei my patawm cheng baly, achi ly mymy i dengtheungchi ne.

HEBRAI 4:14

Hunaibaly kani mang y tako prei chum nai pathyp pi nai keung kalen keh nang parai nai, Isu, Tameuh i Chapo ai ly achi my nga nai deaungkho y, achi i ym nai leu patawm u cheng sina.

HEBRAI 5:8

ni ly Chapo kypkyp ne iy py mymy i atiti patang naira y ly leu tangai ai nai amtiu nai ne;

HEBRAI 7:28

Reita ly ham y naira awm nai khumichi ai ly pathyp pi nai keung kalen keh y khai rym lawh veng; na i py Reita bo i vaineng abeu nai leu ly deungtasarei i vui angym hai chum nai Chapo ai khai rym nai ne.

HEBRAI 7:3

ni ly ampo py by y, amhm py by y, amsi sangumchi i satang py by y, awm angchei nai kani py by y, hengra tem nai py by y, Tameuh i Chapo kamta sa nai ne lawh veng; mymy ly temma pany y nai pathyp pi nai keung ne.

HEBRAI 9:26

hunai ne mo khyly mymy ly khaileaung palum angchei kha i ka-so tlen majirei mo patang ai nai tla lawh veng; na i py vai dymkhawn i neng tem naira y ly amymy ai apathyp nai deaungkho y kamngo tama hai vui ai nai tlenrei my ni ai amteng hai bo.

I PETERA 1:20

Ni ai ly khaileaung palum y rai khala y khai rym nai awm khypkhyp nai bo, na i py kangkhym kangtem y ly nangmychi deaungkho y mymy ai amteng hai bo;

II PETERA 3:3

Hini ly pany u man ba; kani kangkhym y ly panui hai nai keungchi ly mymychi i ngai phi teng y nai kamta tako iy,

JUDA 1:18

Mymychi ly nangchi teng y, “Kani kangkhym y ly panui hai nai keungchi ly mymychi i Tameuh ai tahm khai y nai ngai phi teng y nai kamta tako nai awm u ai,” napi.