EPHESI 2:3 - Khumi Common Language Bible

³ Huni ym y nai chanauchi theung y ly kaichi py jangni y ly tlang hawi paleung i kangai sa iy, kaichi i tlang i ngai phi teng y naira y ly awm bebe veng; kaichi ly khumi takhrachi kamta khyp my kado theu nai chanau y tapen angchi yb veng nai chy bo;

EPHESI 2:3 Iomraidhean Croise

ATITI AWM ANGCHEI NAI 5:3

Adam ly saneng 130 rei khala y mymy i mo-cha atawm khyp nai chapo nga bi i amyn ly Setha, nanai pathi.

ATITI AWM ANGCHEI NAI 6:5

Khaileaung pri verei y awm nai khumichi ly khumi aso y iy, paleung ka-dawn hawi y jojo nai sai Areng my niu nai khala,

ATITI AWM ANGCHEI NAI 8:21

Apathyp nai mui katui ai Areng ly kawn i, Nova teng y, “Khumichi atiti sa nai deaungkho y khaileaung ai kapasawi bi y leang bo; khumi i paleung dawn naichi ly deaungdichy khala i ka-so hawi y jojo nai kapany; vai i kamta heng nai cheaungkhangchi ai katamyh bi y leang bo.

JOBA 14:4

Chai y nai khumi theung i, ami nai kachai patheu pajau ai mo? Ami py patheu pajau y.

JOBA 25:4

Tameuh i mo y mani khumi ly khumi kahawi hawi, khumi kachai lawm pajau ai mo?

SAM 51:5

Kai ly tapen khyp khala i dengdairei hawi y nai ne; amhm taku theung y deaungdi aneng khyp khala i my, kamngo awm bo.

ISAIA 53:6

Achi bawibawi ly beram kamta lam tamang iy, amychi ngai nai lam y tako u bo. Hunai deaungkho y Areng ly achi hawi ataing nai pajeng naira ly ni i tlang tleaung y tym hai bo.

MARKA 4:19

hunichi ly leu ly thai i, khaileaung pri y heng nai khala y dawn nai saichi hawi, nang naira my tapawp nai saichi hawi, tlang i atiti takhra ngai phi teng y naichi py kun iy, leu ai ly achih hai i, athai y bo.

JOHAN 1:13

nichi ly thi i tapen nai py ny y, tlang i kangai y tapen nai py ny y, khumi i kangai y tapen nai py ny y, Tameuh i tapen nai teu.

JOHAN 8:44

Nangchi ly ngampo Setan teng i theu nai i, ngampo i ngai phi teng y nai sa ai nai ngai chy bo. Ni ly angchei kha i dengdairei khumi ai padei nai keung ne, naibaly ni teng y leu meitang ha py by y nai deaungkho y mymy ly leu meitang y awm y leang. Mymy ly ka-chawi thui nai khala y amy i satang thui khyp nai ne: ati mana nai mo nabaly mymy ly ka-chawi thui nai keung ne, ka-chawi ampo py ne.

AMTAW 14:16

Mymy ly jangni y ly cheng cheaungkhangchi ai amymy i lam y tako bawibawi ai nai pei reng.

ROM AVANGCHI TENG Y PAWLA I CHA PA NAI 1:24

Hunai deaungkho y Tameuh my mymychi i tlang y angji ngailai pa-rei asa u ai nai, mymychi i paleung i ngai phi teng y nai kamta atiti chai y naichi sa ai nai au lawh iy hi pi vui bo;

ROM AVANGCHI TENG Y PAWLA I CHA PA NAI 11:30

Nangchi ly jangni y ly Tameuh i leu tangai u y, na i py vai ly nichi i leu tangai y nai deaungkho y nangchi ly pahen naira nga u chy bo;

ROM AVANGCHI TENG Y PAWLA I CHA PA NAI 13:14

Areng Isu Krista ai phai amthyp u ly, nangchi i tlang i ngai phi teng y naira amcheang ai nai ati sai py so u moh.

ROM AVANGCHI TENG Y PAWLA I CHA PA NAI 2:14

reita by y nai Cheng Takhrachi ly mymychi i paleung tapen ahawi nai deaungkho y reita i atitichi sa u baly, nichi ly reita by y nai teu i py mymychi kypkyp ly amychi i vui reita ne;

ROM AVANGCHI TENG Y PAWLA I CHA PA NAI 5:10

Achi ly paleung ka-e ne nai thym khala y malawn py mymy i Chapo dei nai deaungkho y Tameuh hawi aly naimy awm chum nai ne baly, achi ly aly naimy awm nai bo y ly mymy i hengra deaungkho y pahengra nga takengkei ai.

ROM AVANGCHI TENG Y PAWLA I CHA PA NAI 5:9

Hunaibaly achi ly mymy i thi y eaung naira nga nai bo y ly, mymy i saho y achi ly Tameuh i kado theu naira i nai hengra nga takengkei ai.

ROM AVANGCHI TENG Y PAWLA I CHA PA NAI 6:12

Hunai deaungkho nangchi i tlang i ngai phi teng y nairachi patawm ai nai, nangchi i dei thai nai tlang ai ly kamngo my peang ai nai pei u moh:

ROM AVANGCHI TENG Y PAWLA I CHA PA NAI 7:18

Kai theung y (huni ly kai i tlang y ly, nanai sai ne), atiti kahawi ha py by y, nanai kapany; ngai naira ly kai theung y awm teu i py, atiti kahawi sa nai ly by y leang.

ROM AVANGCHI TENG Y PAWLA I CHA PA NAI 9:22

Naibaly Tameuh ly pahen naira laawm, nang parai naira nga ai nai sa rym naichi i tlang tleaung y ly mymy i nang parai naira nawi nai sai patei thai ai nai,

I KORINTH 4:7

Nang ai ly ami my tahm ang khai katlen mo? Nang ly jawm nga nai ny y baly nang ly ati awm mo? Naibaly nang ly jawm my nga baly ati mana nai jawm my nga nai ny y nai kamta am-e lawh mo?

II KORINTH 7:1

Hunaibaly ngai parai naichi awi, achi ly huni leu adeu naichi awm nai deaunkho y, tlang hawi phailo y chai y naira bawibawi apachai u sina; naibaly Tameuh ai tahm khai nai tarawi y chai naira so u angym sina.

KALATIA 3:22

Na i py Isu Krista ai ym nai deaungkho y atiti adeu nai ly mymy ai ym nai keungchi teng y pei nai lawn thai ai nai, Tameuh i cha-iu ly kamngo i anui y ati cheaungkhang bebe kho hai veng.

EPHESI 2:2

hunira y ly nangchi ly jangni y hini khaileaung pri i reita kamta tako u nai ly, ali y aly peang nai areng, vai ym y nai chanauchi theung y sa dudu nai phailo i reita kamta.

EPHESI 4:22

nangchi i jangni i awm nai sai, khumi kangngym, tapawp naira i ngai phi teng y nai kamta phra ryh phraryh nai ai ly leng u vui ly,

KOLOSA 1:21

Naibaly nangchi ly jangni y atiti kamngo hawi y sa naira y Ampo hawi amprei nai awm u iy, nangchi i paleung y ly mymy i paleung ka-echi ne u veng;

I THESALONIKA 4:13

Na i py amjo amnauchi awi, khumi takhra athang khai naira pipi by y naichi i kamta paleung mawn u y ai nai, nangchi ly i ngym chum naichi i satang pany y ai nai kang ngai y leang.

I THESALONIKA 5:6

Hunai deaungkho y khumi takhrachi i kamta ly i u ngym moh sina ba, amkym iy atyp u sina.

I TIMOTHEI 6:9

Na i py nang ai tau naichi ly parawi naira y hawi, deaung y hawi, taphra atyhtyh thai nai ngai phi teng y naira neangneangchira y atlym u iy, hunichi ly phra naira y hawi, tama naira y py khumichi ai tup hai.

TITA 3:3

Ati mana nai mo nabaly achi py jangni y ly cheng y nai hawi, leu tangai y nai hawi, tapawp naira y awm nai hawi, tlang i ngai phi teng y naira hawi amo theu naira takhra takhra i miseaung y lawn nai hawi, thui tamawn nai hawi, paleung no naira y awm iy, amso awm nai hawi amychi tengtawi aniu ngai y naichi py ne teang.

I PETERA 1:14

Leu tangai nai chanauchi kamta ly, nangchi i pany y nai thym khala i jangni y nangchi i tlang i ngai phi teng y nai kamta awm u moh;

II PETERA 2:14

nichi i mei ly pajang sa nai kawi iy, kamngo anawn pajau y naichi ne; nichi ly khaw y naichi ai parawi, yhmtheaung ano kawp ha nai paleung py awm; amsawi lawi nai chanauchi ne he!

II PETERA 2:18

Nichi ly leu rumrang len parai nai thui iy, paleaung nai deaungkho y tlang i ngai phi teng y naira y kamngo y awm naichi theung i dengdairei atleu dudu naichi ai ly parawi;

I JOHAN 2:16

Khaileaung pri y awm nai bawibawi ly tlang i ngai phi teng y naira hawi, mei i ngai phi teng y naira hawi, heng nai sala i tahm apasang naira py Ampo teng i nai theu nai ny y leang, khaileaung pri i nai theu nai teu.

I JOHAN 2:8

Ne mang ly leu pei nai kangtha katajiu pi bo, kaveng ly tama dudu nai deaungkho y hawi, kangvang tatang ly vai ly angvang nai deaungkho y py, huni ly mymy y hawi nangmychi y py meitang ne.