DANIELA 9:3 - Khumi Common Language Bible

³ Naibaly kai ly biu hai naimy paisiu kanih akhiu iy, maidym theung y ateh i, Areng Tameuh teng y chiu sa hnei takeng nai ne.

DANIELA 9:3 Iomraidhean Croise

2 SAMUELA 12:16

Davida ly deaungdi no hawi ali teang ai nai, Tameuh teng y chiu sa; samrang ly ati sai py cho nei y. Dym tleitleirei, my i takun theung y kun iy angsaveaungra y vumtorei aseaung nai ne.

EZARA 10:6

Naibaly ni ly Achura yhm mo i nai ang thau iy Eliashib i chapo Jehohanan i takun mang y chei iy, pri palara i vawi ali teang nai khumichi i leu atangai y nai molam y, vumtorei ati sai py cho y naimy tangam bo.

EZARA 8:21

Tameuh ly achi i khuleaung amla naira lam patei pi iy, achi hawi vanrei cho chanauchi hawi yhmtheaung katuichi ang kry pi ai. Huni molam y achi bawibawi ly mymy i mo y paleung apanem parai naimy biu hai ai nai, hini Ahava tuilam sahawi y kaimy leu pei nai ne.

EZARA 9:5

Dym mang apathyp ai nai neng tym nai khala y kai ly tangam naimy atehra i nai ang thau iy aseih nai ateaungchi hawimy kheukhu di iy, kai i Areng Tameuh teng y kiu pheu naimy chiu kasa bo.

NEHEMIA 9:1

Huni lo kani 24rei kani y Israela chengchi ly mymychi i kamngo molam y, paleung si nai ka-ma-ra paisiuchi amchiu u iy, lu y spryh aphui u; naibaly nichi ly mymychi i kamngo hawi amsi pajochi i kamngochi pany hai iy uikheih u bo.

ESTHER 4:16

“Susa mary y awm nai Juda cheng ngiereichi ai pangym ly kai i vui biu hai iy vum thom, kani thom sai py cho nei u moh sy; kai hawi kai i miseaung neampachychi py biu kahai u ai; huni bo y samrang i reita taphra nai y ang padei lawh teu i py samrang teng y kun ai,” nanai pathang bo.

JOBA 42:6

Hunai deaungkho y kai ly kaimy i katheu chum nai leuchi molam y, kaji naimy spryh hawi maidym theung y ateh iy, uikheih naira nga bo.

SAM 35:13

Kaimy ly nichi no patang u nai khala, paleung si nai ka-dawn hawimy, paleung apanem nai tarawi y chiu sa i, paisiu amchiu iy, biu hai naimy kaawm bo.

ISAIA 22:12

Huni thym khala y ati cheaungkhang sa thai nai keung Areng ly nang ai vo hai iy, paleung si nai ka-ma-ra patei ai nai hawi, lu vau tabiuliu iy paisiu amchiu ai nai thui pi yb nai ne.

JEREMIA 33:3

“Kai ai palau; kang pathang pi ai. Lyh ai awm iy rengrang nai atitichi kang patei pi ai.

Ezekiela 36:37

Sa thai naira angym nai Areng my, “Kai ly hini tleaung y malawn py sa ai. Israela chengchi ai kai teng y kasabawmra hnei bi ai nai pei ai. Beram kanghu kamta vuikanai peung hai ai.

DANIELA 6:10

Samrang ly hina nai lamai nip typ chum veng bo, nanai thai nai khala y, Daniela ly yhm y vawi jo bo. Ni i yhm salo sambeura, Jerusalem mary mang mo tha nai thaibeng pa-khochi awm. Ni ly huni sambeura y mymy i sa reng nai kamta, thaibeng pa-kho sahawi y kheukhu di iy, kanirei y tlen thomrei, Tameuh teng y chiu sa nai ne.

DANIELA 9:2

Ni i peang angchei nai saneng y kai, Daniela ly baibul leusaichi amtiu i, amo Jeremia teng y Areng my leu pei nai kamta, saneng vui saryh tym pa-rei, Jerusalem mary phra ai nai satangchi adawn pasym bo.

DANIELA 9:20

Kai ly chiu sa bi i, kaimy i kamngochi py, kaimy i khumi Israela chengchi i kamngochi py, ahui naimy nang i chai parai nai Achura yhm sa palum teang ai nai, kai i Areng Tameuh teng y hnei takeng nai ne.

DANIELA 9:4

Kai ly kaimy i Areng Tameuh teng y chiu sa iy, kaimy khumichi i kamngochi ahui pi bo. Kaimy, “Aw Areng Tameuh, nang ly nang parai nai ne i, kaichi my nang ai tahm kang pasang u bo. Nang ly nangmy i Leu Maikawm khaw hai iy nangmy ai tamen i, Reita leu pei naichi sa patawm nai khumichi teng y, khaw parai nai tamen naira patei pi nai ne.

JOELA 1:13

Maichamra amsi nai nangchi pathyp pi nai keungchi awi, paisiu kanih akhiu iy vo tangam u! Kai i Tameuh mo y kalop sa nai keungchi awi, Achura yhm theung y kun iy, vumtorei vo tangam u! Nangchi i Tameuh teng y talam ai nai chohpui chomaw hawi, kreip hangchi by y leang bo.

JOELA 2:12

Areng my, “Na i py nangchi ly vaimy uikheih u tatang. Biu hai nai hawi vo tangam naimy, kai teng y vawi u ali teang.

JONA 3:5

Ninevi mary i khumichi ly Tameuh i leu pei nai ym u bo. Hunai deaungkho y uikheih nai ka-ma-ra hawi, kamawn, areng takhawi y naimy biu hai iy paisiu amchiu u ai nai leu pacheang u.

MATTHAI 17:21

[Ne mang ly hini amjy ly chiu sa naira hawi biu hai naira ny y baly patheu thai y leang,”] napi.

LUKA 2:37

naibaly saneng vui taja takaw saneng palyhrei lumai ateang i, miteaung pui na bo. Ni my ly achura yhm kalen pui ai khai su y naimy biu hai nai hawi, chiu sa nai hawi vum kanithun Tameuh ai chiu reng.

AMTAW 10:30

Naibaly kornelia my ly, “Vaini kani palyhrei awm bo, vai hini neng khala y khrairei kaimy i yhm y choh amang neng kha y chiu sa i, khen cham, khumi leaungrei kanih angvang parai nai akhiu i kai i mo y angdo iy,