DANIELA 9:26 - Khumi Common Language Bible

²⁶ Naibaly neng kani dym nai khala y, Tameuh my vawi nai miteaung keh ai ly khumi hawi y naimy padei vui ai. Kangkhym y tym iy atho awm nai samrang leaungrei i tavaimichi ly Jerusalem mary hawi Achura yhm taphra u vui ai. Kangkhym y ly Tameuh my sa yb nai kamta, tavai atiu nai hawi taphra naira ly tym iy, tuibai theu nai kamta kangkhym i neng ang tym ai.

DANIELA 9:26 Iomraidhean Croise

2 SAMUELA 21:5

Nichi my, “Sawla ly Israela pri theung y kaichi i cheng leaungrei py by y na pa-rei tamyh ai nai dawn bo.

SAM 22:15

Kai i tao ly spryh kamta phuirawm i, kai i palai py dangkang y akau vui bo. Nang ly kai ai dei hai ai nai spryhra y khai su bo.

ISAIA 28:2

Areng ly nichi ai tiu ai nai atho haiho len nai khumi leaungrei khai pi yb bo. Huni khumi ly ji akawi tla hai nai kamta py, kani satleu hai nai kamta py, paka pajau y nai tavo tui lemheu nai kamta py, jeu iy pri verei y khiu ai.

ISAIA 28:22

Ati cheaungkhang sa thai nai keung Areng ly pri verei taphra pawn ai nai leu pacheang chum veng bo, nanai kathai. Nangchi ai kaimy kang pany hai nai ly panui hai u moh. Panui hai u lawh baly nangchi ly dei ai naira i, law tleaung ai nai khri pa-rei rai u ai.

ISAIA 53:8

Khumichi ly ni ai patiu iy, padei ai nai leu pacheang bo. Naibaly padei ai nai pahawi; na i py ni i avum ai nai khym taham ai ly ami py dawndan pi y. Ni ly achi khumichi i kamngochi deaungkho y, padei naira avum nai ne.

ISAIA 8:7

Kai, Areng ly Asuria empara samrang hawi, ni i tavaimi risachi ai palau iy Juda pri y tiu hai ai. Nichi ly Euphrat tavo tui lem nai kamta, hubai pui hawi tavai amsa u ai.

JEREMIA 46:7

Tui lem nanai tavo kamta py, Naing tavo tui kamta py, tavai thau nai khumi ly ami mo?

JEREMIA 51:42

Pangli tui ly Babulon mary salo y atheng iy, tui sampyhchi my um biu vui bo.

DANIELA 11:10

“Suria samrang i chapochi ly tavai atiu ai nai angveirym iy, tavaimi kamkawm pui harei kachu ai. Nichi theung i mangcho leaungrei ly tavo tui lem heu nai kamta amsa iy, paleung ka-e i amtangra ai tiu vui ai.

DANIELA 11:17

“Suria samrang ly my i atho awm nai tavaimi kamkawm pui hawi, tavai thau ai nai adawn pasym ai. Naibaly paleung ka-echi i pri phra vui ai nai, paleung ka-e pri i samrang hawi, vuinai asa iy mymy i chaniuhawi apom hai ai. Na i py huni katau ly eaung ai ny y.

DANIELA 11:22

Ni ai ka-awi sa nai khumi ly Tameuh i pathyp pi nai keung kalen py ne sy, taphra vui naira avum ai.

DANIELA 11:36

“Suria samrang ly mymy i paleung y ngai nai kamta sa ai. Mymy ly tameuhchi bawibawi tleaung y len keh nanai py, tahm asang parai nai Tameuh tleaung y len nanai py, amlyh nai leu katheu ai. Ni ly mymy ai Tameuh my kamngo pajeng nai neng tym nai ryrei, hina nai amlyh pajau ai. Ati mana nai mo na baly Tameuh ly mymy i dawn nai kamta, sa ai nai deaungkho y ne.

DANIELA 9:27

Huni samrang ly khumi neangneangchi hawi, saneng saryh ryrei khaw parai nai ka-dyh ka-dawi asa ai. Saneng thomrei bo y lo tariurei tym nai khala y ni ly kapathypra hawi katalamrachi anawn hai ai. Naibaly ka-jei awm nai amso ngai naira ai lyAchura yhm khumichi niu thai nai ka-sangra y banghau ai. Huni ly bang nai khumi i vui, Tameuh my sa yb nai phra nai neng tym pa-rei, Achura yhm y awm jo ai,” napi.

HOSEA 1:9

Naibaly Areng my Hosea teng y, “Israela khumichi ly kai i khumi ny y, kai py nichi i Tameuh ny y nai deaungkho y, huni chapo ai ‘kai i khumi ny y’ nanai pathi ba,” napi.

AMOS 8:8

Hina nai kamngochi sa nai molam y kaleih pui theu i, pri verei i khumichi ly paleung si paleung mawn naira avum u ai. Pri verei ly Aikupta pri i Naing tavo tui kamta, anem lawh, asang lawh iy ahyn kanangkang na ai.

AMOS 9:5

Kani pri tavailuchi i Areng ly khaileaung y abi nai deaungkho y, kaleih pui theu bo; khaileaung y awm nai bawibawichi py vo ai. Khaileaung pri verei ly Aikupta pri i Naing tavo kamta, anem lawh, asang lawh ai. 1

NAHUM 1:8

Mymy ly khri pa-rei ho nai tavo tui kamta, paleung ka-echi ai phra hai. Mymy ai ka-awi sa nai khumichi ai, dei khora y tha nai ne.

MATTHAI 22:2

“Kani pri my peang nai ly ami mo samrang leaungrei ly ni i chapo i vui y aju palyn nai pawi sa nai hawi pata nai ne.

MATTHAI 22:7

Hunaibaly samrang ly kado theu i mymy i tavaimichi ai pato iy, huni khumi ai padei nai keungchi ai ly padei teang i, nichi i avang py leang pi pawn bo.

MATTHAI 23:38

Na i py nangchi ly ngai u y. Khen cham nangchi i yhm ly ka-keu khai pi jo veng bo.

MATTHAI 24:2

Naibaly mymy ly nichi teng y, “Hunichi bawibawi ly niu u lo-oh? Meitang khyp kang thui pi, panawi y nai lengseaung tleangleang nai ly hi y ha py awm ai ny y,” napi nai pathang.

MARKA 13:2

Naibaly Isu my ly ni teng y, “Hini yhm kalen pui tlai naichi nang niu lo-oh? Panawi y nai lengseaung tleangleang nai ly hi y ha py awm ai ny y,” napi.

MARKA 13:7

Naibaly nangchi ly atiu nai leu hawi atiu nai satang kamthang thai nai khala y ly paleung bi u moh; hunichi ly tym ai nai angchi yb teu; na i py tem ai naira ly tym y leang rai.

MARKA 9:12

Naibaly mymy ly nichi teng y, “Elija ly jeu man ai nai angchi yb i, ati cheaungkhang sa palai bi ai; naibaly Khumi i chapo ly atiti neangneang patang iy, amichi my ni ai tahm khai y nai awm ai nai tla, nanai mymy i satang ly ati mana nai tajiu nai mo?

LUKA 21:24

Naibaly nichi ly haisau bo y dei ai i, cheng cheaungkhangchi teng y miseaung y hawi ai; naibaly Cheng Takhrachii neng angym y ryrei ly Cheng Takhrachi my Jerusalem ai ly chiu nai tli ai.

LUKA 21:6

“Nangchi i hini atiti niu nai ly panawi y nai lengseaung tleangleang nai ly hi y ha py awm ai ny y; huna nai kani tym ai,” napi.

LUKA 24:26

Krista ly huna nai atiti patang iy nang parai naira y kun ai nai angchi ny y a?” napi.

LUKA 24:46

Naibaly mychi teng y, “Krista ly patang ai i, kani thomrei kani y ly kadeichi theung i nai angthau bi ai nai tla;

JOHAN 14:30

Kai ly nangchi hawi leu neangneang arum ali y leang bo, khaileaung pri i areng ang jeu ai bo, ni ly kai teng y ati sai py ngo y ai;

II KORINTH 5:21

Mymy y ly achi ly Tameuh i hawi naira lawn thai ai nai, kamngo pipi pany y nai ai ly Tameuh my achi deaungkho y kamngo palawn bo.

KALATIA 3:13

Hunaibaly Abraham ai amtheaung hai naira ly Krista Isu y ly Cheng Takhrachi i tlang tleaung y awm thai ai nai, Krista ly achi i jeng y amsawi lawi nai ne i, Reita i pasawi naira i dengdairei achi ai atleu bo;

I PETERA 2:21

Ati mana nai mo nabaly nangchi ai ly hinai kamta sa ai nai ang palau nai ne; Krista ly ang patang pi iy mymy i lawi y abang u ai nai khen pata naira ang daw pi nai chy bo.

I PETERA 2:24

achi ly kamngo lam mang y dei veng iy hawi naira lam mang y heng thai ai nai mymy kypkyp ly achi i kamngochi ai dengkeaung tleaung y mymy i tlang y ang pho pi bo; nangchi ai ly mymy i pakhau nai satlang y hawi ang sa pi bo.

I PETERA 3:18

Ati mana nai mo nabaly Krista ly achi ai Tameuh teng y ang pahawi thai ai nai kamngo nairachi deaungkho y tlenrei patang, khumi kahawi ly hawi y naichi i vui y; tlang mang y padei nai awm i, phailo mang y paheng nai bo;