DANIELA 9:2 - Khumi Common Language Bible

² Ni i peang angchei nai saneng y kai, Daniela ly baibul leusaichi amtiu i, amo Jeremia teng y Areng my leu pei nai kamta, saneng vui saryh tym pa-rei, Jerusalem mary phra ai nai satangchi adawn pasym bo.

DANIELA 9:2 Iomraidhean Croise

2 NENG SATANG 36:21

Na i py amo Jeremia dengdairei Areng my thui pi nai leu angym hai nai ly “Anawn kani y ja yvui lawh nai y, pany jo ai nai molam, huni pri y saneng vui saryhrei, khumi angso savai angau ai,” napi.

EZARA 1:1

Pasia samrang Kuru ly empara samrang lawm nai angchei i saneng y, Areng ly ni i paleung y pacheang nai deaungkho y, empara pri verei y satang ahei hai ai nai cha patheu bo. Hina nai sa nai ly amo Jeremia molam y Areng my amteng hai nai hawi vanrei atiti tym hai ai nai ne.

SAM 119:24

Nang i thui parip nai saichi ly kai ai amo theu hai bo; hunichi ly kai ai lam patei nai ne.

ISAIA 64:10

Nang i chai parai nai marychi ly khutaha daichi ka-vymchi lawm iy Jerusalem mary py, phra seaungkhrang naimy khumi angso by y naira lawm bo.

JEREMIA 1:1

Hini cha-iu theung y Jeremia i thui nai leuchi abawi nai ne. Ni ly Benjamin khu, Anatho mary y awm nai pathyp pi nai keung Hilkiah i chapo ne.

JEREMIA 25:18

Juda samrangchi, miteaung kehchi hawi vanrei, Jerusalem mary hawi Juda mary i awm nai ngiereichi ly niu nai khumichi i vui y kaso theu jei hyn ai hawi nai khutaha daichi ka-vym lawm bo. Huni khumichi i amynchi py khumichi my pasawi patau naira y teaung nai leu lawm hai nai, huni kado theu nai hang nei u bo. Vai khrairei huni marychi ly hunai kamta awm jo nai ne.

JEREMIA 26:18

“Juda samrang Hezekia deung y Morise avang i amo Mikha ly khumi bawibawichi teng y ati cheaungkhang sa thai nai keung Areng my, ‘Zion mawi ly li khaileaung kamta, thawn piu nai avum ai; Jerusalem mary ly lengseaung ka-nawi pakheng achu nai lawm iy, Achura yhm mawi py thengreung lawm ai,’ nanai ang thui pi bo.

JEREMIA 26:6

Nangchi ly tangai y veangveang lawh baly, kai ly huni Achura yhm ai Siloh kamta lawm hai ai. Khaileaung pri y awm nai khumi cheng cheaungkhangchi py, pasawi patau naira y hini mary i amyn teaung u ai, nanai amti pi,” napi.

JEREMIA 27:7

Ni i pri phra nai neng tym y ryrei ly khumi cheng cheaungkhangchi ai ni i miseaung y py, ni i chapo hawi ni i katu i miseaung y py achei hai ai. Naibaly ni i khumi cheng ly sa thai naira len nai chengchi hawi samrangchi i miseaung y achei u ai.

JEREMIA 29:10

“Areng my, ‘Babulon mary saneng vui saryhrei chih nai khala y, kai ly nangchi ai kang khen ali teang ai. Kaimy leu adeu hai nai kamta nangmychi pri y kang pahawi ali teang ai.

JEREMIA 7:34

Kai ly Juda marychi hawi Jerusalem mary lamchira y, apom nai pawira i amo theu nai katynchi hawi, amo theu kawn nai katynchi py, tama hai vui ai. Huni meingtym ly khumi angso savai tlang naira lawm ai.

TANGAM NAI LEU 1:1

Vaichi khala y khumi neangneang kawi nanai Jerusalem mary ly mymy tlairei awm jo khyh na bo ly! Vaichi khala ly khaileaung pri vereichi my, tahm pasang naira avum teu i py, vai ly neampachy lumai hawi atawm veng bo. Mary leilachi theung y tahm awm keh nai mary ly miseaungra ang vum lawh bo.

Ezekiela 29:11

Mani khumi hawi mani tawnbawichi py, huni pri y aleaung ali ai ny y. Saneng vui palyh ryrei huni pri y khumi awm ai ny y.

DANIELA 9:3

Naibaly kai ly biu hai naimy paisiu kanih akhiu iy, maidym theung y ateh i, Areng Tameuh teng y chiu sa hnei takeng nai ne.

MIKHA 3:12

Hunai deaungkho y nangchi i molam y Zion mary ly thawn piu yb nai li khaileaung kamta lawm ai. Jerusalem mary ly phra nairachi pakheng mang nai meingtym lawm ai. Achura yhm awm nai mawi ly daichi lawm ai.

ZEKHARIAH 1:12

Naibaly kani pri amtaw thau nai my, “Aw ati cheaungkhang sa thai nai Areng, Jerusalem mary hawi Juda marychi ai nang i kado theu nai ly saneng vui saryhrei awm bo; huni marychi ai pahen y naimy, mana tanrei awm jo ai mo?,” napi.

ZEKHARIAH 7:5

Mymy ly “Mipuichi hawi pathyp pi nai keungchi ly saneng vui saryh ryrei, pa-ngo lo hawi saryh lo theung y biu hai iy, paleung si nai ka-ma-ra patei u nai ly kai ai tahm pasang nai ny y.

MATTHAI 24:15

“Hunaibaly phain nai ngierei ly awm nai sai pany sy: amo Daniela i thui nai taphra nai keung amso ngai nai ly meingtym kachai y, angdo nai nangchi niu nai khala y ly,

MARKA 13:14

“Hunaibaly phain nai ngierei ly awm nai sai pany sy: taphra nai keung amso ngai nai ly mymy i vui y angdo tlo y nai meingtym y angdo nai nangchi niu nai khala y ly,

AMTAW 8:34

Naibaly tli chum nai khumi ly Philipa hawi arum i ni teng y, “Amo my hini leu ly ami i leu thui nai mo? Mymy i leu a. khumi takhra i leu a? nanai kang deng nai he,” napi.

I TIMOTHEI 4:13

Kai kang jeu y ryrei ly phain nai hawi, pachei nai hawi, patiu nai py hawihai palai dawn jo.

AMTENG HAI NAI 1:3

Hini thui yb nai leu sai phain nai keung hawi, hini theung y tajiu nai leu sai thai iy patawm nai keungchi py taham hawi, ati mana nai mo nabaly neng ly kasa bo.