DANIELA 9:17 - Khumi Common Language Bible

¹⁷ Aw kaichi i Tameuh, nang i miseaungchi i chiu sa nai hawi hnei takeng nai tangai pi kyh ba. Nang ly Tameuh ne, nanai khumi luteng pany u ai nai, taphra vui nai nang i Achura yhm ai palum pi teang kyh ba.

DANIELA 9:17 Iomraidhean Croise

1 ARENG KEH 8:28

Aw kai i Areng Tameuh, kai ly nang i miseaung ne. Kai i chiu sa nai tangai pi iy vaini, kai i hnei nai ly pathang pi tanga kyh ba.

NEHEMIA 1:6

Aw Areng, kaichi ai khen ly nang i miseaung Israela chengchi i vui, vum kanithun kai i chiu sa hnei takeng nai tangai pi kyh ba. Israela chengchi ne nai kaichi ly kamngo sa tamang nai khumichi ne, nanai kai my ahui bo. Kaichi i amsi pajochi hawi kai ly kamngo sa bo.

SAM 119:135

Nang i kangvang ly kai i tlang tleaung y angvang hai iy, kai ai reita leu pei naichi patiu pi kyh ba.

SAM 4:6

“Aw Areng, amtheaung naira pei panawi bi kyh ba. Kaichi i tlang tleaung y pahen nai paleung hawi khen ba,” nanai khumi neangneangchi my chiu sa u bo.

SAM 67:1

Aw Tameuh, kaichi ai tamen ly amtheaung naira pei kyh ba; pahen nai paleung hawi, kaichi ai khen kyh ba.

SAM 67:2

Huna i naini khaileaung pri y awm nai khumi bawibawichi ly nang i kangai pany u ai; khumi cheng bawibawichi ly nang i atleu pi nai pany u ai.

SAM 74:3

Kaichi i paleung ka-echi ly Achura yhm theung i, ati cheaungkhangchi ai taphra u pawn veng bo; nang ly jeu iy phra veng naichi ai khen ba.

SAM 80:1

Israela chengchi i beram typ nai keung awi, kaichi i hnei takeng nai tangai pi kyh ba. Beram kanghuchi ai pahawi nai keung awi, kaichi i hnei takeng nai tangai pi kyh ba. Kheruben salo y awn nai keung awi,

SAM 80:19

Ati cheaungkhang sa thai nai keung Areng Tameuh, kaichi ai vawi ali teang ai nai pei kyh ly nang teng i pahen naira kaichi teng y patei kyh ba; hunaibaly kaichi ly atleu naira nga u ai.

SAM 80:3

Aw Tameuh, kaichi ai vawi ali teang hai kyh ba! Kaichi teng y pahen naira pei kyh ba; naibaly kaichi ly atleu naira nga u ai!

SAM 80:4

Ati cheaungkhang sa thai nai keung Areng Tameuh, nang ly mana tanrei, nangmy i khumichi chiu sa nai ai kado theu naimy awm ai mo?

SAM 80:7

Ati cheaungkhang sa thai nai keung Tameuh! Kaichi ai vawi hai ali teang kyh ly nang i pahen naira kaichi teng y patei kyh ba; hunaibaly kaichi ly atleu naira nga ai!

ISAIA 48:11

Kai ly ati mo sa i py, kaimy i tahm anem y ai nai sa. Kaimy i amyn phra ai nai kasa ai ny y. Kaimy leaungrei naini nga ai ataing nai nang parai nai py, takhra amimi ai py nga hai ai ny y,” napi.

TANGAM NAI LEU 3:56

Huna nai kaau nai raawi tangai ai nai, kai i takeng nai khala nang ly thai.

TANGAM NAI LEU 5:18

Zion mawi ly khumi angso by y nai deaungkho y, khivachi ly mary kaphrara y aki aleaung nai ne.

DANIELA 9:19

Aw Areng, tangai pi kyh ba. Aw Areng, kaichi i kamngo pahen pi kyh ba. Aw Areng, kaichi i hnei takeng nai tangai iy, kawn pi kyh ba. Aw kaichi i Areng, paniu moh ba. Huna khala y nang ly Tameuh ne nanai khumi luteng my pany u ai. Hini mary hawi hini khumichi ai nangmy peang nai ne,” nanai chiu sa bo.

JOHAN 16:24

Vai khrairei nangchi ly kaimy i amyn y ati sai py hnei y rai; hnei u. naibaly nangchi ly kawn angym ai nai nga u ai.

II KORINTH 1:20

Tameuh i leu adeu naichi ly majirei py ne sy mymy y ly Ne, nanai awm; hunaibaly kaimychi deaungkho y Tameuh ai tahm pasang ai nai, mymy deaungkho y Amen, nanai ly awm nai ne.

AMTENG HAI NAI 21:23

Naibaly huni avang pui ai angvang hai ai nai ly kanito mo, lo mo aly ngai y leang; Tameuh i nang parai naira ly angvang hai nai ne, huni i maisi py Beram Cho ne lawh.