DANIELA 9:15 - Khumi Common Language Bible

¹⁵ “Aw kaichi i Areng Tameuh, nang ly nangmy i khumichi ai Aikupta pri i dengdairei pahawi iy, sa thai naira patei pi bo. Kaichi ly nang i sa thai naira ai vai khrairei, pany pi jo nai ne. Kaichi ly kamngo sa u bo, hawi y naira kasa u lawh bo.

DANIELA 9:15 Iomraidhean Croise

1 ARENG KEH 8:51

Nichi ly angveaung dedyh nai mai hawi atawm nai Aikupta pri i dengdairei, nangmy pahawi nai, nangmy i peang nai khumi cheng ne.

2 ARENG KEH 21:15

Kai i khumichi ly nichi i amsi pajochi Aikupta pri i nai theu u nai neng khala i dengdai vaini khrairei, kai i tlang tleaung y kamngo sa iy kado patheu u nai deaungkho y, nichi ai kaimy pajeng ai,” napi.

2 NENG SATANG 6:37

nang ly nangmy i khumichi i chiu sa nai tangai pi ai. Nichi ly huni pri y uikheih iy mychi mana tanrei kamngo sa tamang u mo, mana tanrei hawi y na mo, nanai apany iy, nang teng y chiu sa u lawh baly, aw Areng, nichi i chiu sa nai tangai pi kyh ba.

NEHEMIA 1:10

“Aw Areng, hinichi ly nang i khumichi, nang i miseaungchi ne; nang ly ham parai nai haiho, atho awm nai kiu hawi nichi ai atleu bo.

NEHEMIA 1:6

Aw Areng, kaichi ai khen ly nang i miseaung Israela chengchi i vui, vum kanithun kai i chiu sa hnei takeng nai tangai pi kyh ba. Israela chengchi ne nai kaichi ly kamngo sa tamang nai khumichi ne, nanai kai my ahui bo. Kaichi i amsi pajochi hawi kai ly kamngo sa bo.

NEHEMIA 9:10

Samrang Pharao i bangtangchi hawi khumi mipuichi ly nang i khumichi ai pahyp y naimy ana nai deaungkho y, nichi teng y nang ly lyh ai hawi parai nai ka-ma-rachi patei iy, pajengra tym hai bo. Huna nai y nang ly vaini khrairei amthang nai ne.

SAM 106:8

Na i py mymy ly mymy i sa thai naira khri pa-rei len parai nai patei pi ai nai adeu yb nai kamta nichi ai atleu bo.

THEU NAI 13:14

Khawnvai kani y nang i chapo my, ‘Ati mana nai y hina nai sa lawh mo?,’ nanai angdeng lawh baly, ‘Areng ly sa thai naira len parai nai hawimy, achi ai Aikupta pri y miseaung achei naira i nai ang pahawi nai ne.

THEU NAI 13:16

Areng ly sa thai naira len parai nai hawimy, achi ai Aikupta pri i dengdairei ang pahawi nai deaungkho y, hini pawi ly nang i kiu y akhen nai, ti y baly lu kati y abyn nai ka-ma-ra kamta ne i, nangchi ai pany hai jo nai ne,’ nanai thui pi ai nai tla,” napi.

THEU NAI 13:3

Naibaly Mosi my Israela chengchi teng y, “Areng ly pahen naira len parai nai hawimy, nangchi miseaung achei nai Aikupta pri i dengdairei, nangchi ai pahawi nai kani ai pany u; huni kani y angbo abawi nai tako cha ai nai tlo y.

THEU NAI 13:9

Areng ly sa thai naira len parai nai hawimy nangchi ai, Aikupta pri i dengdairei patheu nai deaungkho y, nangchi ly Areng i reita leu pei nai ai thui aninau ai nai pawi ly nangchi i kiu, ti y baly nangchi i lukatira y akawm nai ka-ma-ra sai sairei kamta, nangchi ai pany hai jo ai.

THEU NAI 14:18

Huna nai samrang hawi ni i tavaimichi ai eaung nai deaungkho y, kai ly Areng ne, nanai Aikupta chengchi pany u ai,” napi.

THEU NAI 32:11

Na i py Mosi ly my i Areng Tameuh teng y khri pa-rei ahui naimy takeng nai ly “Aw Areng, nang ly Aikupta pri i dengdairei sa thai naira len parai nai hawi atleu pi nai, nang i khumichi ai khri pa-rei kado theu hai lawh ai bo a?

THEU NAI 6:1

Huna nai khala Areng my Mosi teng y, “Samrang i tlang tleaung y kai mana kasa ai mo, nanai nang niu ai. Kai i sa thai naira haiho hawi ni ly kai i khumichi ai theu ai nai pei pa-rei kasa ai. Kai i sa thai naira haiho hawi ni ly mymy pri i nai nichi ai patheu vui ai nai pa-rei kasa ai,” napi.

THEU NAI 6:6

Hunaibaly nang ly Israelachi teng y thui pi ai nai ly, ‘Kai ly Areng ne, Aikupta chengchi teng y miseaungra i nai nangchi ai kaimy lawi hai ai. Kai i sa thai naira kiu ban pheu iy Aikupta chengchi i tlang tleaung y ka-jei hawi parai nai kapajeng ai i, nangchi ai atleu ai.

THEU NAI 9:16

Na i py Khaileaung pri verei kai i sa thai naira niu u ai nai, kai ly nangchi ai deung sau hai nai ne.

ISAIA 55:13

Vai, aleng keungchi prau nai meingtymra y saitleang keungchi prau ai. Aleng phreungchi awm nai meingtymra y preaungmui keungchi prau ai. Hini atitichi ly kai, Areng i kuchi pany jo ai nai, deungtasarei khaw jo nai ka-ma-ra harei lawm ai,” napi.

ISAIA 64:4

Nangmy ai kadeaung u nai khumichi i vui y, hina nai kalopchi ai nang kamta sa pi nai Tameuh ai ly ami py niu vai y. Huni Tameuh satang thai py thai vai y.

JEREMIA 14:20

Aw Areng, kaichi ly kaimychi i kamngo hawi, amsi pajochi i kamngochi molam y ahui bo mang. Kaichi ly nang i tlang tleaung y katamang u lawh bo.

JEREMIA 32:10

Kai ly pany hai nai keungchi i mo y sumneang akhai nai cha lamai nip iy, pajawp typ nai ka-ma-ra nip chum baly, tangka ly sie y neh iy pei pi nai ne.

TANGAM NAI LEU 3:42

“Kaichi ly kamngo sa tamang u bo; nang ai kang tiu u bo. Aw Areng, nangmy py, kaichi i kamngochi palawi pi y nai ne.

Ezekiela 5:6

Na i py huni Jerusalem mary i khumichi ly kai i leu pei naichi tangai y iy, cheng takhrachi tleaung y malawn py hawi y keh bo. Nichi ly tengpang sahawi prichira i khumichi tleaung y py, kai i reita ai akhi u bo. Jerusalem mary i khumichi ly kai i leu pei naichi khai su iy, kai i reita py patawm u y.

DANIELA 9:5

“Kaichi ly kamngo sa tamang u. Teng y naichi kasa u lawh. Amso ngai naichi ne iy ka-awi sa u lawh bo. Kaichi ly nang i leu pei naichi khai su iy, nang i sa pi nai reitachira i nai en vui lawh bo.

LUKA 15:21

Naibaly chapo my mymy teng y, ‘Ngaai, kani pri mang i hawi, nang i mei ka-niu y kai kamngo sa lawh; nang i chapo pathi ai nai py ataing y leang bo,’ napi.

LUKA 18:13

Na i py akeu cheaung nai keung ly palo paraira y angdo i, kani mang y py dengtheang vam y nai, ‘Aw Tameuh, kai khumi kamngo ai pahen kyh,’ nanai paleung y atum ryry lawh.

II KORINTH 1:10

Mymy ly huna tanrei deira y kaichi ai khri pa-rei ama hai bo, ne ama hai bi ai rai; vai py ama hai veangveang ai, nanai kaichi ly mymy ai athang khai cheng bo;

Leu Thui Nai 5:15

Nangchi ly Aikupta pri y miseaung y awm vai nai py, nangchi i Areng Tameuh ly nangchi ai mymy i sa thai naira hawi atleu nai py pany u jo ba. Huni molam y kai ly nangchi ai Anawn kani ja ai nai leu pei nai ne.