DANIELA 9:12 - Khumi Common Language Bible

¹² Nang ly nangmy i leu pei nai kamta, kaichi hawi kaichi ai peang nai khumichi ai kamngo pajeng bo. Jerusalem mary ai khaileaung pri i takhra marychi tleaung y, khri pa-rei kamngo pajeng nai ne.

DANIELA 9:12 Iomraidhean Croise

1 ARENG KEH 3:9

Hunai deaungkho y nang i khumichi ai leu meitang adyh adawi naimy peang kawp ai nai hawi, hawi nai hawi y nai khawilang thai nai cheng naira pei kyh ba. Huna nai pei y ai nabaly, kai ly huna tanrei nawi nai nang i khumichi ai mana peang pajau ai mo?” nanai hnei takeng bo.

2 ARENG KEH 22:16

Areng my, ‘Kai ly samrang i phain nai cha-iura y tajiu nai kamta, Jerusalem mary hawi mary i khumichi ai katamyh ai.

JOBA 12:17

Mymy ly peang nai keungchi ai, tau cheng naira dyhp hai iy, mipui i lu sa naichi ai kamthu kamta sa hai bo.

SAM 148:11

Samrangchi hawi khumi bawibawichi awi, samrang i cho chanauchi hawi peang nai keung bawibawichi awi,

SAM 2:10

Nangchi samrangchi awi, tau tleaung y awm u; nangchi samrang bawibawichi awi, dawn pany u.

LEU KACHENG 8:16

Samrang i chapo hawi bangtangchi dengdairei, khaileaung pri y awm nai samrang bawibawichi ly kai i sabawm nai hawi peang u nai ne,

ISAIA 43:28

Nangchi i samrangchi ly kai i Achura yhm y chai hai ynai ne. Hunai deaungkho y kai ly Israela pri ai phra hai iy, kai i khumichi ai kangji nga hai bo,” napi.

ISAIA 44:26

Na i py thui pi yb nai sai sairei ai kai i miseaung my sa nai khala py, kai i dawn tau naichi pany hai ai nai, amtaw thau leaung leaungrei ai kapato nai khala py, kai ly dawn pasym naichi hawi thui yb naichi, katym hai khyp nai ne. Jerusalem mary y khumichi awm u ali teang ai. Juda marychi sa palum u teang ai, nanai huni mary tleirei y, kaimy thui pi bo. Huni marychi phra naira i nai, lo-pa ali teang ai.

JEREMIA 30:7

Ka-jei awm nai neng kani ly ang tym dudu bo; takhra mani kani py, huni kani hawi ly pata pajau y. Huni kani ly Jakob cheng ngari kamtang avum ai nai kani ne. Na i py nichi ly dei y naimy heng u ai,” napi.

JEREMIA 32:23

Na i py nichi ly hini pri y tiu iy amtym u nai khala ly nang i leu pei nai tangai u y; thui parip naichi py patawm u y. Nang i sa hai naichi ly harei py so u y. Hunai deaungkho y nang ly hini ka-jeirachi ai nichi i tlang tleaung y tym hai bo.

JEREMIA 39:16

Mymy ly “Nang ly Ethiopia cheng Ebedmeleh teng y, Israela chengchi i Tameuh, ati cheaungkhang sa thai nai keung Areng my, kai ly vaichi khala y thui pi yb nai kamta, hini mary phra seaungkhrang hai ai. Hini mary ai nang chawn hai ai ny y. Neng tym nai khala y hini atitichi tym nai niu ai nai nang ly huni mary y awm ai.

JEREMIA 44:23

Nangchi ly tameuh takhrachi teng y apathyp iy, leu pei naichi tangai y nai deaungkho y, Areng i tlang tleaung y kamngo sa nai ne i, vai ly hina nai kamta ngari kamtang avum u nai ne,” napi.

TANGAM NAI LEU 1:12

Ni ly tengpang sahawi i aki aleaung nai khumi lutengchi teng y, “Kai ai khen u cham! Hina nai kamtang ly awm vai reng a? Kai kamta patang nai ly leaungrei py by y leang. Hini kamtang ly Areng my kado theu i, kai ai avum hai nai patangra ne.

TANGAM NAI LEU 2:13

Aw Jerusalem mary, kai khrei keh nai mary, kai ati kathui ai mo? Awmnem naira mana kapei ai mo? Ami py huna nai kamta patang naira ly avum vai y leang. Nang i patang naira ly suida pangli kamta, pata ai nai by y na pa-rei kau parai; athang khai naira py by y leang bo.

TANGAM NAI LEU 2:17

Kangkhym y ly Areng ly mymy i leumo pei yb nai kamta, sa pi khyp bo. Mymy ly jangni i ka-so ang pany hai nai kamta khyp, achi ai pahen y naimy ang taphra be bo. Mymy ly achi i paleung ka-echi ai eaung naira pei i, achi atlym nai molam y amo theu hai bo.

TANGAM NAI LEU 4:6

Kai i khumichi ly Tameuh i kiu y vaimy phra seaungkhrang naira avum nai, Sodom mary tleaung y pajeng naira avum.

Ezekiela 13:6

Nichi i paleung mei y niu naichi ly kateng ny y iy, nichi i thui yb nai amo leuchi py ka-chawi leuchi ne. Areng i leu pei nai ne, nanai thui u i py, huni leu ly kaimy pei nai ny y leang. Na teu i py nichi thui nai kamta tym khyp ai, nanai athang khai u lawh ly!

Ezekiela 5:9

Ati mana nai mo na baly kai i paso nai mynchi molam y, nang ai kai ly jangni y kang pei vai y nai, vai mo mang py kang pei ali vai y ai nai pajeng naira kang pei ai.

DANIELA 12:1

Ateaung kanem amthyp nai kani pri amtaw thau naimy, “Huni neng khala y tahm asang parai nai kani pri amtaw thau nai Mikhaela ly amteng ai. Ni ly nang i chengchi ai kry nai keung ne. Naibaly khumi neangneangchi awm angchei khala i dengdairei, mana khala py avum vai y nai ngari kamtang avum nai neng tym ai. Huni neng tym nai khala y Tameuh i cha-iu theung y amyn abawi yb nai khumi, nang i cheng bawibawichi ly law tleaung naira nga u ai.

JOELA 2:2

Huni kani ly veng khiu nai kani, veng cheng naimy khupanym kawi nanai kani ne ai. Mawi aheungchi ai khiu nai kaveng kamta, akhutama kanghu pui ly mo mang ang jeu dudu bo. Hina nai kamta ly mana khala py tym vai y; mo mang i neng y py tym vai ai ny y.

AMOS 3:2

“Khaileaung pri verei y awm nai khumi cheng bawibawichi theung y, nangchi cheng harei ai naini kang pany iy, kang pahen nai ne. Hunaibaly nangchi i kamngo sa nai ngierei molam y, kai ly nangchi ai kang pajeng ai nai tla ai,” napi.

ZEKHARIAH 1:6

Kai ly kaimy i amochi dengdairei, nangchi i amsi pajochi teng y leu pei naichi hawi pany hai nai leuchi kapei pi nai ne. Na i py nichi ly kai i leu ai dawndan u y nai deaungkho y, avo nai kamta pajeng naira avum u. Huna nai khala nichi ly uikheih u. Ati cheaungkhang sa thai nai kai, Areng ly kaimy i dawn yb nai kamta, nichi ai kamngo vang kamlau parip nai ne, nanai py pany u ai,” nanai nichi teng y thui pi ai nai leu pei nai ne.

ZEKHARIAH 1:8

Kai ly keaungngo kamsen atang nai khumi leaungrei ai kaniu bo. Ni ly leaunghawi theung y awm nai muratu keungchi sala y angdo naimy awm. Ni i nithun y ly keaungngo kamsen, keaungngo kariura hawi keaungngo kangleung awm.

ZEKHARIAH 7:12

Mychi i paleung ai lengseaung kamta tang hai u bo. Ati mana nai mo na baly jangni i amochi dengdairei leu pei naichi tangai y nai deaungkho y, ati cheaungkhang sa thai nai Areng ly khri pa-rei kado theu nai ne.

MATTHAI 24:21

huni neng khala y ly patang nai khri pa-rei awm ai; huna tanrei nai ly khaileaung palum angchei khala i dengdairei vai khrairei tlen py awm vai y rai, ne, awm py awm ali bi ai ny y leang bo.

MATTHAI 5:18

Meitang khyp kang thui pi, kani khaileaung tamo y ryrei ly Reita i leu maiden chy theung dyp nai mo, maiden chy jyn si nai mo, atiti bawibawi tym angym y ryrei ly ha py tama ai ny y.

MARKA 13:19

Huni kani ly patang nai kani ne ai, hunai kamta tanrei nai ly Tameuh my khaileaung palum angchei kha i dengdairei vai khrairei tlen py awm vai y rai, mana khala y py awm ali bi y leang bo.

LUKA 21:22

Satang tajiu nai bawibawi ly tym thai ai nai, huni kani ly vawitheung tha nai kani ne.

ROM AVANGCHI TENG Y PAWLA I CHA PA NAI 15:8

Hini ly kang thui pi ai nai ngai, Amsi pajochi teng y adeu nai leu ly khaw hai ai nai hawi, ni i pahen naira deaungkho y Cheng Takhrachi ly Tameuh ai palo u thai ai nai py,