DANIELA 9:11 - Khumi Common Language Bible

¹¹ Israela cheng verei malawn py nang i reitachi ai tangai y i, leu pei naichi khai u su bo. Kaichi ly nang i tlang tleaung y kamngo sa u nai ne i, nang i miseaung Mosi i reita theung y tajiu nai vainengchi ly kaichi teng y lawi hai bo.

DANIELA 9:11 Iomraidhean Croise

2 ARENG KEH 18:12

Samari mary jum nai ly Israela chengchi mymychi i Areng Tameuh i leu tangai y naimy, mymy i sa nai leu maikawm ai taphra iy Areng i miseaung Mosi my pei nai Reitachi teaung patawn u y nai deaungkho y ne. Nichi ly leu tangai y, leu pei naichi py patawm u y.

2 ARENG KEH 22:16

Areng my, ‘Kai ly samrang i phain nai cha-iura y tajiu nai kamta, Jerusalem mary hawi mary i khumichi ai katamyh ai.

ISAIA 1:3

Si hawi painochi ly yhmkeung ai pany; keaungngo kano kasauchi py yhmkeung i keaungngo hai, mychi i yhmkeung my teicha patlai nai meingtymchi pany. Na i py kai i khumi Israela chengchi ly huna tanrei pany u y. Nichi ly pany thai u y na ly” napi.

ISAIA 43:28

Nangchi i samrangchi ly kai i Achura yhm y chai hai ynai ne. Hunai deaungkho y kai ly Israela pri ai phra hai iy, kai i khumichi ai kangji nga hai bo,” napi.

JEREMIA 16:11

Naibaly nichi teng y Areng my, ‘Nangchi i amsi pajochi ly kai ai khai su iy tameuh takhrachi ai chiu u bo. Nichi ly kai ai khai su i, kai i leu py tangai u y bo.

JEREMIA 2:29

Nangchi bawibawi my py kai ai tiu u nai a? Nangchi ly kai ai ati mana nai y paleung angai u y na mo? " nanai Areng my leu pei bo.

JEREMIA 30:14

Nangchi ai tamen nai khumichi ly nangchi ai tami pawn veng bo. Nichi ly nangchi ai dawndan u y leang bo. Nangchi i kamngochi ly nawi parai iy, nangchi i hawi y ala nai deaungkho y, kai ly nangchi ai paleung ka-e kamta no nga hai bo. Nangchi i pajeng naira avum nai ly khri pa-rei ty na bo.

JEREMIA 32:23

Na i py nichi ly hini pri y tiu iy amtym u nai khala ly nang i leu pei nai tangai u y; thui parip naichi py patawm u y. Nang i sa hai naichi ly harei py so u y. Hunai deaungkho y nang ly hini ka-jeirachi ai nichi i tlang tleaung y tym hai bo.

JEREMIA 40:3

vai ly ang sa pi khyp bo. Hina nai tym nai ly nang i chengchi my Areng i tlang tleaung y kamngo sa iy, mymy i leu tangai u y nai deaungkho y ne.

JEREMIA 44:22

Vai malawn py nangchi i pri ly phra seaungkhrang naimy, khumi angso savai tlang jo rai. Areng ly nangchi i hawi y naira sa naichi ai kham pi pajau y nai deaungkho y, huni pri ly khumichi i mo y amso ngai naira lawm nai ne. Khumichi my py huni pri i amyn ai pasawi patau naira y teaung u lawh bo.

JEREMIA 44:23

Nangchi ly tameuh takhrachi teng y apathyp iy, leu pei naichi tangai y nai deaungkho y, Areng i tlang tleaung y kamngo sa nai ne i, vai ly hina nai kamta ngari kamtang avum u nai ne,” napi.

JEREMIA 6:19

Khaileaung i khumichi awi, tangai u! Hini khumichi ly kai i leu tangai y, kai i parip nai leu py khai u su bo. Hunai deaungkho y kai ly nichi nga ai ataing nai ka-jeira ly nichi i tlang tleaung y katym hai ai.

DANIELA 9:13

Kaichi ly Mosi i reitara y awm nai kamngo pajeng naira bawibawi ly avum u bo. Na i py kaichi i Areng Tameuh awi, vaimy kaichi ly nang i kangai mang y atho sa iy, kamngora i nai en vui ai nai hawi leu meitang lam mang y abang ai nai py, atho kaso u y rai.

DANIELA 9:5

“Kaichi ly kamngo sa tamang u. Teng y naichi kasa u lawh. Amso ngai naichi ne iy ka-awi sa u lawh bo. Kaichi ly nang i leu pei naichi khai su iy, nang i sa pi nai reitachira i nai en vui lawh bo.

ZEKHARIAH 1:6

Kai ly kaimy i amochi dengdairei, nangchi i amsi pajochi teng y leu pei naichi hawi pany hai nai leuchi kapei pi nai ne. Na i py nichi ly kai i leu ai dawndan u y nai deaungkho y, avo nai kamta pajeng naira avum u. Huna nai khala nichi ly uikheih u. Ati cheaungkhang sa thai nai kai, Areng ly kaimy i dawn yb nai kamta, nichi ai kamngo vang kamlau parip nai ne, nanai py pany u ai,” nanai nichi teng y thui pi ai nai leu pei nai ne.

ZEKHARIAH 7:12

Mychi i paleung ai lengseaung kamta tang hai u bo. Ati mana nai mo na baly jangni i amochi dengdairei leu pei naichi tangai y nai deaungkho y, ati cheaungkhang sa thai nai Areng ly khri pa-rei kado theu nai ne.

ZEKHARIAH 8:13

Aw Juda hawi Israela khumichi awi! Jangni y cheng takhra khumichi ly mychi tengtawi apasawi apatau u nai khala y, ‘Nangchi ly Juda hawi Israela chengchi tlang tleaung y tym nai ka-jeirachi kamta, nangchi i tlang tleaung y tym teang sy!’ nanai thui u reng nai ne. Na i py kai ly nangchi ai atleu ai i, huni cheng takhra khumichi ly mychi tengtawi, ‘Nangchi ly Juda hawi Israela chengchi teng y tym nai amtheaung nairachi kamta, nangchi py ngo u teang sy!’ nanai thui u ai. Hunai deaungkho y sorai paleung awm u; jei u moh,” napi.

Leu Thui Nai 8:20

Nangchi ly Areng i leu tangai u y lawh baly, nangchi tako nai khala nangchi ai paka nai khumichi ai Areng my tama hai nai kamta ly nangchi ai py tama hai ai.