DANIELA 8:9 - Khumi Common Language Bible

⁹ Huni taki palyhrei theung i taki hareira y, taki kangti harei sai. Huni taki kangti ly tokalawi ngan, nisi ngan hawi adeu nai pri mang y khrairei, sa thai naira awm nai ne.

DANIELA 8:9 Iomraidhean Croise

SAM 105:24

Areng ly mymy i khumichi ai cho chanau neangneang peung hai i, paleung ka-echi tleaung y malawn py atho awm hai bo.

SAM 48:2

Tameuh i mawi pui napi nai Zion mawi ly asang iy, apu parai nai ne; nang parai nai samrang i mary pui ly khaileaung pri khumichi ai amo theu hai bo.

JEREMIA 3:19

Areng my leu pei nai ly “Israela awi, kaimy chapo kang palawn iy amo theu ai hawi nai pri, khaileaung pri verei y apu keh nai pri kang pei ai nai ngai. Nang ly kai ai ampo palau iy mana khala py, kai ai nithun thun vui y ai nai, kai ly aly ngai.

Ezekiela 20:15

Hunai deaungkho y apu parai nai pri, kanutui khawi hang leaung nai pri napi nai, kaimy pei nai pri y nichi ai kapahawi y leang bo, nanai kai ly daichi ka-vym y vaineng abeu bo.

Ezekiela 20:6

Nichi ai Aikupta pri i nai pahawi iy, nichi i vui khai pi yb nai pri y pahawi ai, nanai kaimy adeu pi nai ly huni neng khala ne. Huni pri ly kanutui hawi khawi hang leaung iy nang nai pri, apu parai nai pri ne.

DANIELA 11:16

Tavai amsa nai Suria samrang ly amtang naira avum y naimy, nichi ai mymy ngaingai sa pajau ai. Ni ly adeu nai pri y kun iy, my i kiu theung y angym pa-rei tym hai ai.

DANIELA 11:21

Kani pri amtaw thau my thui bi nai ly “Huni bo y lyn bi nai Suria samrang ly samrang lawm ai nai ataing y, hawi y nai samrang lawm ai. Na i py ni ly athang khai y naimy, parawi hyp nai dengdairei athorei my peang vui ai.

DANIELA 7:8

Huni takichi ai khen nai thym khala, hunichi sala i taki katheang harei theu nai kaniu. Huni taki katheang my, awm yb nai taki thomrei ai takheaung vui nai ne. Huni taki katheangra y khumi kamta meichi hawi, amlyh reng nai labeaung awm.

ZEKHARIAH 7:14

Ali kamchai kamta aho hai iy, pri takhra mang y ahei hai pawn bo. Hini hawi nai pri py, khumi angso savai tlang nai meingtym lawm vui bo,” napi.