DANIELA 8:4 - Khumi Common Language Bible

⁴ Huni beram katai ly taki hawi nidym, tosyh, tokalawi meingtym thomrei mang y deng nai kai ly khen nai ne. Ni ai mani amso tawnbawi py paka pajau y. Ni teng i nai ami py tleaung pajau y. Ni ly my i ngai nai kamta sa iy, amlyh am-era nai ne.

DANIELA 8:4 Iomraidhean Croise

1 ARENG KEH 22:11

Nichi theung i amo leaungrei Khenanah i chapo Zedekiah ly tamo meaung kamsuichi sa chum baly Ahab teng y, “Areng my, ‘nang ly hini kamsuichi hawi Suria chengchi ai tiu i, eaung ai mang,’ ang napi,” napi.

JOBA 10:7

Kai teng y kamngo by y nai hawi, kai ai nangmy kiu i nai amimi py, atleu pajau y, nanai nang ly pany nai ne.

SAM 44:5

Kaichi ly nang i sa thai naira molam y, paleung ka-echi ai pajau nai ne.

SAM 50:22

“Kai ai dawndan y nai khumichi awi, hini molam y adawn pasym u; ti y lawh baly kai ly nangchi ai kang tamyh pawn ai. Nangchi ai atleu ai nai khumi leaungrei py awm ai ny y.

SAM 7:2

Atleu y lawh baly nichi ly khrangsi kamta kai ai atleu ai nai khumi by y nai meingtym mang y ryh ai i, keileu keileu piupa ai.

Ezekiela 34:21

Nangchi ly no nai beramchi ai tengpang mang y ie vui iy, beram kanghu theung i nai, taki hawi deng u phro bo.

DANIELA 11:16

Tavai amsa nai Suria samrang ly amtang naira avum y naimy, nichi ai mymy ngaingai sa pajau ai. Ni ly adeu nai pri y kun iy, my i kiu theung y angym pa-rei tym hai ai.

DANIELA 11:36

“Suria samrang ly mymy i paleung y ngai nai kamta sa ai. Mymy ly tameuhchi bawibawi tleaung y len keh nanai py, tahm asang parai nai Tameuh tleaung y len nanai py, amlyh nai leu katheu ai. Ni ly mymy ai Tameuh my kamngo pajeng nai neng tym nai ryrei, hina nai amlyh pajau ai. Ati mana nai mo na baly Tameuh ly mymy i dawn nai kamta, sa ai nai deaungkho y ne.

DANIELA 5:19

Ni ly khri pa-rei tahm asang nai deaungkho y, cheng leu cheaungkhang katheu nai khumi neangneangchi hawi, pri neangneangchi ra i khumi bawibawichi ly jei hyn u bo. Ni ly mymy padei ai ngai nai khumi ai padei iy, heng hai ai ngai nai khumi ai heng hai bo. Tahm pasang ai ngai nai khumi ai tahm pasang iy, tahm panem ai ngai nai khumi ai tahm panem nai ne.

DANIELA 5:30

Huni vum y my Babulon samrang Belshazar ai ly tleh vui bo.

DANIELA 7:5

Kai ly pa-nyh mawi kasi ai niu. Huni mawi kasi ly nithun mang i kheu nyhrei hawi angdo nai tavym hawi atawm. Ni i labeaung y pana sa reng thomrei kei hau nai ne. Katyn harei my ni teng y, “Nganbawi ai kajeu kawi pa-rei cho!” napi.

DANIELA 8:7

Kai ly mi-i my beram katai ai deng nai kakhen nai ne. Mi-i ly khri pa-rei kado theu iy, beram katai ai athorei my deng i, beram katai i taki nyhrei tleu vui bo. Beram katai ly amtang ali teang pajau y nai deaungkho y, khaileaung y atlym i, ni ai ly chiu piupa bo. Ami py ni ai atleu pajau y nai ne.

MIKHA 5:8

Daichi mawi kanghu theung y tym nai khrangsi kamta py, beram kanghuchi theung y tym nai khrangsi kamta py, dei kamthum Israela chengchi ly cheng takhrachi theung y tym ai. Khrangsi ly beram kanghuchi theung y kun iy, beramchi ai kei piupa ai i, ami my py atleu pajau ai ny y.

Leu Thui Nai 33:17

Josepha ly si katai kamta py, salen katai taki kamta py atho awm parai. Ni i takichi ly Manase theaung hawi Ephraim theaung sang neangneangchi ne. Ni ly huni takichi hawi khumi cheng cheaungkhangchi ai khuteng taki khrairei deng pawn ai.