DANIELA 8:3 - Khumi Common Language Bible

³ angdeang cham i, tavo sahawi y angdo nai beram katai harei kaniu. Huni beram ly taki kasau nyhrei awm iy, harei nai ly takhra harei tleaung y sau i, kangkhym y sai nai taki ne.

DANIELA 8:3 Iomraidhean Croise

1 NENG SATANG 21:16

Kani pri amtaw thau ly Jerusalem mary y taphra ai nai haisau syn naimy ali theung y angdo nai ai Davida my niu bo. Huna nai khala ni ly Israela miteaung kehchi hawi vanrei, khaileaung y tym pa-rei lu meung u. Nichi bawibawi ly paisiu akhiu u bo.

EZARA 1:2

Huni leu pei naira y, hini ly Pasia empara pri samrang Kuru i leu pei nai ne. Kani pri mang y awm nai Areng Tameuh ly kai ai khaileaung pri verei y peang hai iy Juda pri Jerusalem mary y Achura yhm sa ai nai ang au bo.

EZARA 4:5

Pasia pri peang nai miteaung kehchi teng y un tangka pei u. Empara samrang Kuru deung i dengdai empara samrang Dari deung tym pa-rei, nichi ly hina nai kamta paka u nai ne.

ESTHER 1:3

Ni ly peang nai pa-thom saneng y mymy i bangtangchi hawi, peang nai miteaungkeh bawibawichi ai palau iy cha nei pawi pui sa i, pacho panei bo. Huni pawira y Pasia hawi Medi pri i tavaimichi, samrang i khu ka-peang bangtang kalenchi hawi, samrang i bangtangchi py jeu u nai ne.

ISAIA 13:17

Areng my, “Kai ly Medi chengchiai, Babulon pri y tiu ai nai kachyh nai ne. Nichi ly tangka ai tahm khai u y. Muku ai py paleung no u y.

ISAIA 21:2

Ana piupa nairachi, vaineng takan nai hawi taphra nairachi ai paleung mei y kaniu bo. Aw Elam tavaimichi awi, tiu u! Aw Media tavaimichi awi, marychi ai katanmeuh u! Tameuh ly Babulon mary i khumichi my pei nai ngari kamtang anawn hai ai.

ISAIA 44:28

Kai ly Kuru samrang ai py, ‘Nang ly kai i jeng y peang ai nai keung ne. Nang ly kai i sa ai tau naichi sa ai nai tla, Jerusalem mary palum teang ai nai hawi Achura yhm langdengchi leng ai nai tla, nanai leu kang pei,” napi.

JEREMIA 51:11

Areng ly Babulon mary y taphra ai nai tau nai deaungkho y, Media samrangchi ai kachyh nai ne. Huna nai kamta Areng ly mymy i Achura yhm taphra vui nai molam y vawitheung tha ai. Atiu thym nai tavaimi kamkawm miteaung kehchi my,” Nangchi i thailiho chynchi pasui u! Khopuichi py angvei u!

DANIELA 10:5

Naibaly angdeang iy khen nai khala, ateaung kanem amthyp iy, muku khobai akawm nai khumi leaungrei ai kaniu.

DANIELA 2:39

Nang by y nai bo y, nang i empara tanrei len y nai empara pri harei awm ai. Huni bo y kheupaja pri napi nai, pa-thom empara pri awm ai. Huni empara pri ly khaileaung pri verei y peang ai.

DANIELA 5:31

Saneng 62 rei awm nai Medi cheng samrang Dari ly huni pri ai peang vui nai bo.

DANIELA 6:28

Daniela ly samrang Dari peang nai neng hawi, Pasia cheng samrang Kuru peang nai neng khala y, hawi naira nga nai ne.

DANIELA 7:5

Kai ly pa-nyh mawi kasi ai niu. Huni mawi kasi ly nithun mang i kheu nyhrei hawi angdo nai tavym hawi atawm. Ni i labeaung y pana sa reng thomrei kei hau nai ne. Katyn harei my ni teng y, “Nganbawi ai kajeu kawi pa-rei cho!” napi.

DANIELA 8:2

Huni paleung mei hawi niu nai theung y, kai ly Elam pri ka-peang theung i mary apai tapang nai Susa mary theung y, vaimy tym vui nai kapany bo. Kai ly Ulai tavo sahawi y angdo iy,

DANIELA 8:20

“Nang i niu nai taki nyhrei awm nai beram katai ly Medi hawi Pasia prichi ai thui nai ne.

ZEKHARIAH 1:18

Kai ly takhra paleung mei y niu nai hareira y, si taki palyhrei kaniu.

ZEKHARIAH 2:1

Kai ly siju amto syn nai khumi leaungrei ai, takhra paleung mei y kaniu bo.

ZEKHARIAH 5:1

Kai ly khen bi nai khala y ali theung y akheang nai cha aeang niu.

ZEKHARIAH 5:5

Kani pri amtaw thau nai ly mo amteng bi i, “Khen cham! ati mo harei asyh naimy ang jeu bo!” ang napi.

ZEKHARIAH 5:9

Kai ly khen angdeang nai khala, obeaung asang i pakhi kamta len pui nai pakhichi hawi, kai teng y akheang nai neampachy leaung nyhrei ai kaniu. Nini ly takhu kateang iy, kamlo mang y akheang hawi bo.

ZEKHARIAH 6:1

Takhra paleung mei y amteng hai nai harei kaniu bi bo. Hini neng khala kai ly kheupaja mawi nyhrei sala mang ang theu nai, keaungngo ka-ri palyhrei niu.

Kati Nai 24:2

Israela khumi mipuichi ly cheng theaung ka-thui ka-thui tai u nai niu. Huna nai khala Tameuh i phailo ly ni teng y tym i,

JOSUA 5:13

Josua ly Jeriko mary sahawi y tym nai thym khala, my i mo y tlenrei khyhmy haisau pah nai khumi leaungrei angdo nai niu bo. Josua ly huni khumi teng y chei iy, “Nang ly kaichi mang y asa hai nai khumi a? ti y baly paleung ka-e a?” nanai deng.

AMTENG HAI NAI 13:11

Naibaly mawi kasi takhra harei, khaileaung i dengdairei theu kalau nai kaniu bi: ni ly beram cho kamta taki nyhrei awm i, naka i raawi kamta katheu bo.

AMTENG HAI NAI 5:6

Naibaly areng atehra hawi heng nai amjy palyhreichi i sala y hawi, miteaung kehchi i sala y py taki saryhrei hawi mei saryhrei awm nai Beram Cho tleh nai kamta angdo nai kaniu:hunichi ly Tameuh i Phailo saryhrei khaileaung pri verei y pato naichi ne.