DANIELA 8:27 - Khumi Common Language Bible

²⁷ Kai, Daniela ly kani neangneang paleung atho di naimy no bo. Naibaly kai ly ang thau iy, samrang my pei nai kalop kasa nai ne. Na i py huni paleung mei hawi niu nai molam y paleung adi-adiu nai deaungkho y, kai ly huni i awm nai sai ai pany thai y na bo.

DANIELA 8:27 Iomraidhean Croise

DANIELA 10:16

Naibaly khumi i mo-cha awm nai kani pri amtaw thau nai ly kiu jaha iy, kai i labeaung y nam baly, kai ly kaimy i mo y angdo nai teng y, “Areng awi, hini paleung mei y niu nai ly kai ai khri pa-rei atho di hai nai deaungkho y, kai ly ahyn thlyhthlyh nai ne.

DANIELA 10:8

Kaimy leaungrei naini, huni lyh ai hawi parai nai paleung mei y niu hai nai ai khen naimy kaawm jo nai ne. Kai ly atho khei iy ami my py ma y na pa-rei, kai i meimai ly takhra vui bo.

DANIELA 4:19

Naibaly Beltesazar napi nai Daniela ly khri pa-rei kaso theu nai deaungkho y, leu py katheu thai y na bo. Samrang my, “Nang Beltesazar awi, amang hawi amang i awm nai sai molam y kaso theu moh,” napi baly, Beltesazar my, “Samrang awi, huni amang hawi awm nai sai ly nang i vui ny y naimy, nang i paleung ka-echi i vui ne sy.

DANIELA 5:14

Tameuhchii phailo ly nang teng y awm nai ne i, nang ly pany thai naira, tau cheng nairachi kawi angym nai ne, nanai kai ly thai bo.

DANIELA 7:28

Hini ly tym ai nai leaungsai i tem naira ne. Kai ly khri pa-rei kaso theu nai deaungkho y, meimai takhuisui vui bo. Hini leaungsai bawibawichi ai paleung theung y pateung me jo nai ne.

DANIELA 8:17

Kabriela ly kai i sahawi y jeu iy angdo nai khala, kai ly khri pa-rei kaso theu nai deaungkho y, khaileaung y atlym vui bo. Kabriela my kai teng y, “Dei nai khumi amjy awi, amteng hai nai i awm nai sai ai pany ba. Huni amteng hai nai ly kani khaileaung tem ai nai patei pi nai ne,” napi.

DANIELA 8:2

Huni paleung mei hawi niu nai theung y, kai ly Elam pri ka-peang theung i mary apai tapang nai Susa mary theung y, vaimy tym vui nai kapany bo. Kai ly Ulai tavo sahawi y angdo iy,

DANIELA 8:7

Kai ly mi-i my beram katai ai deng nai kakhen nai ne. Mi-i ly khri pa-rei kado theu iy, beram katai ai athorei my deng i, beram katai i taki nyhrei tleu vui bo. Beram katai ly amtang ali teang pajau y nai deaungkho y, khaileaung y atlym i, ni ai ly chiu piupa bo. Ami py ni ai atleu pajau y nai ne.

HABAKKUK 3:16

Kai ly hini leaungsaichi thai baly kaso theu; kai i labeaung teng ly jei nai ahyn thlyhthlyh naimy tlang ly nau vui iy, kheuchi ly atlym khikha na bo. Kaichi ai tiu nai khumichi ai, Tameuh my pajeng nai neng tym pa-rei, kaichi ly awmnem nai my ajeng ai.

1 SAMUELA 3:15

Samuela ly ira tleaung y khutawi pa-rei awm jo; khutawi baly ang thau iy Areng i yhm katheuchi paeaung bo. Ni ly my i niu nai amteng hai nai satangchi Eli teng amti pi vam y.