DANIELA 8:26 - Khumi Common Language Bible

²⁶ Dym, khawn tleirei kapathyprachi molam y, nang teng y thui pi pachai nai hini paleung mei hawi niu hai nai ly ang tym takengkei ai. Na i py huna nai tym takengkei ai nai neng ly neangneang ngai rai nai deaungkho y, huni amteng hai nai ly heu vui ba,” napi.

DANIELA 8:26 Iomraidhean Croise

ISAIA 24:22

Tameuh ly samrangchi ai theaung tla naichi kamta, angawm hareira y ake chi-u na pa-rei paeung cheng ai. Pajeng ai nai neng tym y ryrei ly nichi ai, mymy ly theaung y paeung jo ai.

Ezekiela 12:27

“Nang khumicho awi, Israela chengchi my nang i paleung mei y niu naichi hawi, nang i amo leuchi ly palo parai nai mo mang i vui teu, nanai athang khai u bo.

DANIELA 10:1

Pasia empara samrang Kuru my peang nai pa-thom saneng y, Beltesazar amyn nga nai Daniela teng y amteng hai bo. Huni amteng hai naira y abawi nai leu ly teng i py, pany ai nai khri pa-rei rai parai. Daniela ly huni leu i awm nai sai ai, paleung mei hawi niu nai y pany thai nai ne.

DANIELA 10:14

Vai, kai kang jeu nai aly ly mo mang i neng y nang i chengchi avum u ai nai leaungsaichi, nang teng y pany hai ai nai molam y ne. Hini paleung mei y niu nai ly mo mang i vui ne,” napi.

DANIELA 11:2

Nang teng y vai, kang thui pi ai naichi ly tym takengkei ai,” napi. Kani pri amtaw thau naimy, “Pasia pri y samrang leaung thomrei amthawn ai. Hunaibaly palyh samrang amthawn ai i, huni samrang ly takhra samrangchi tleaung y nang chawn ai. Ni ly mymy khri pa-rei sa thai naira awm nai hawi, khri pa-rei nang nai thym khala y, krik pri hawi atiu ai nai palau ai.

DANIELA 12:4

Ni my kai teng y, “Aw Daniela awi, nang ly huni cha-iu pakhym vui ly khaileaung pri tem nai neng ryrei, huni salo y pajawp typ nai ka-ma-ra nip typ ba. Hina nai thym khala y khumi neangneangchi malawn py, huni leaungsaichi tym nai pany thai ai nai, atho sa u atyhtyh ai,” napi.

DANIELA 12:9

Ni my pathang nai ly “Daniela awi, khaileaung pri tem khala khrairei, hini leuchi ai tamym me nai deaungkho y vai, nang ly chei ai nai tla ai.

AMTENG HAI NAI 10:4

Naibaly kani pajyh nai saryhrei ly mychi i raawi ahui phai ahui thlyhthlyh baly, kai ly tajiu ai nai tau thym kha y, kani mang i dengdairei raawi ly, “Kani pajyh nai saryhrei i thui nai ai ly pajawp typ, tajiu moh,” napi nai kathai.

AMTENG HAI NAI 22:10

Naibaly mymy ly kai teng y, “Hini cha-iu theung y thui yb nai leusaichi ly pajawp typ moh: neng ly ang tym ai bo.