DANIELA 8:22 - Khumi Common Language Bible

²² Huni taki tleu vui nai khala y sai nai taki palyhreichi ly huni pri i dengdairei amprei ai nai pri palyhreichi ne. Na i py huni prichi ly angchei i pri tanrei, sa thai naira awm u ai ny y.

DANIELA 8:22 Iomraidhean Croise

DANIELA 11:4

Na i py ni i sa thai naira khri pa-rei len nai thym khala y, empara pri ly phra iy phy palyhrei lawm vui ai. Ni i kangpreang ny y nai khumichi ly huni pri y peang u ai. Na i py nichi ly huni samrang tanrei, sa thai naira awm ai ny y.

DANIELA 7:6

Kai ly khen patawm nai thym y, takhra mawi kasi harei ai niu. Huni mawi kasi ly takaikheng hawi atawm. Ni i nithun anam y tavo pakhichi hawi atawm nai, pakhi palyhrei awm. Ni ly lu palyhrei awm. Ni ly sa thai naira awm nai atawm.

DANIELA 7:7

Kai ly khen nai thym khala y, palyh i mawi kasi ai niu. Huni mawi kasi ly atho len iy jei ai nai hawi parai. Ni i ho kalenchi hawi paleung ka-echi ai kei piupa iy kheu hawi chiu piupa bo. Hini mawi kasi ly takhra mawi kasi hawi atawm y. Ni ly taki horei awm.

DANIELA 8:21

Mi-i ly Krip pri ne. Ni i mei nyhrei sala i lyh ai hawi nai taki ly huni pri i angchei i samrang ne.

DANIELA 8:23

“Huni prichi ly phra ai nai kasa iy, pajeng ai avo nai pa-rei kamngo sa u nai khala y, paleung tang naimy paleung akawi iy tapawp reng nai samrang leaungrei lyn ai.

DANIELA 8:3

angdeang cham i, tavo sahawi y angdo nai beram katai harei kaniu. Huni beram ly taki kasau nyhrei awm iy, harei nai ly takhra harei tleaung y sau i, kangkhym y sai nai taki ne.

DANIELA 8:8

Mi-i ly paleung len tleaung len ra bo. Na i py ni i sa thai naira len parai nai neng tym nai khala y, ni i taki ly tleu vui i huni taki meingtym y, khuteng taki palyhrei mang y lyh ai hawi nai taki palyhrei sai bo.

ZEKHARIAH 6:1

Takhra paleung mei y amteng hai nai harei kaniu bi bo. Hini neng khala kai ly kheupaja mawi nyhrei sala mang ang theu nai, keaungngo ka-ri palyhrei niu.