DANIELA 8:14 - Khumi Common Language Bible

¹⁴ Pa-nyh i kani pri amtaw thau my pathang nai ly “Kani 2,300 rei kra ai. Huna nai neng khala y, dym, khawn apathyp naichi sa u ai ny y. Naibaly Achura yhm ai ly palum pachai teang ai,” napi.

DANIELA 8:14 Iomraidhean Croise

ATITI AWM ANGCHEI NAI 1:5

Mymy ly kangvang ai, “Kani thun,” kaveng ai ly “Vum,” nanai pathi. Dym awm nai bo y, khawn py awm teang; huni ly angchei i kani ne.

ISAIA 1:27

Areng ly hawi nai deaungkho y, mymy ly Jerusalem mary hawi uikheih nai khumi ngiereichi ai atleu ai.

ISAIA 45:25

Kai, Areng ly Jakob i kangpreangchi ai atleu ai. Nichi py kai ai palo u ai.

DANIELA 12:11

“Kani tleirei kapathyprachi anawn hai nai neng, ka-jei hawi parai nai amso ngai naira tym nai neng dengdairei, kani 1,290 rei dym vui ai.

DANIELA 12:12

Kani 1,335 rei dym nai neng tym pa-rei, ka-ym awm nai khumi ly taham hawi nai ne.

DANIELA 12:7

Huni kani pri amtaw thau nai ly kiu nyhrei kani mang y pheu iy, deungtasarei heng nai Tameuh i amyn y vaineng abeu nai ly “Huni ly saneng thomrei bo y lo tariurei ateng ai. Tameuh i khumichi avum nai, ana nai leaungsaichi tem nai neng khala y, hini leaungsai bawibawichi py tem ai,” nanai thui nai kathai bo.

DANIELA 7:25

Ni ly tahm asang parai nai Tameuh ai ka-awi leu katheu iy, mymy i khumichi ai ana ai. Ni ly Tameuh i khumichi i reita pawichi hawi reita leaungsaichi py, takhra hai vui ai nai atho sa ai. Tameuh i khumichi py, ni i sa thai naira anui y saneng thomrei bo y lo tariurei awm u ai.

DANIELA 8:26

Dym, khawn tleirei kapathyprachi molam y, nang teng y thui pi pachai nai hini paleung mei hawi niu hai nai ly ang tym takengkei ai. Na i py huna nai tym takengkei ai nai neng ly neangneang ngai rai nai deaungkho y, huni amteng hai nai ly heu vui ba,” napi.

KALATIA 3:8

Naibaly Tameuh i cha-iu ly Tameuh ly ym naira deaungkho y Cheng Takhrachi ai ly eaung hai ai, nanai pany hai rym i, “Nangmy y ly cheng cheaungkhangchi ly amtheaung hai naira nga ai,” nanai Abraham teng y Satang Kahawi thui pi yb bo.

AMTENG HAI NAI 11:15

Naibaly kani pri i amtaw thau nai saryh i nai ly eng i, “Khaileaung pri y peang naira ly achi i Tameuh hawi mymy i Krista i peang naira lawn bo; mymy ly deungtasarei peang jojo ai,” nanai kani mang y ly raawi pajeng parai naichi theu tamangtang bo.

AMTENG HAI NAI 12:14

Naibaly neampachy ly daichi ka-vym y mymy i meingtym y angkheang iy, pavui i niu pajau y naira y neng hawi, nengchi hawi, neng ka-hyhrei sala y py mymy ai pacho thai ai nai mymy teng y ahm pui pakhi angvawi amtang pei bo.

AMTENG HAI NAI 13:5

Naibaly leu akawi kalen hawi Tameuh ai thui tamawn nai leu thui nai labeaung ni teng y pei bo: naibaly lo vui palyh pa-ngo lo nyhrei sala y aly peang ai nai ni teng y leu au bo.