DANIELA 8:13 - Khumi Common Language Bible

¹³ Naibaly kani pri amtaw thau nai leaungrei my takhra leaungrei teng y, “Paleung mei y niu nai leaungsaichi ly mana tanrei kra ai mo? Kani tleirei apathyp ai nai i jeng y, ka-jei hawi nai kamngo sa lawh nai py, kani mang tavailuchi hawi Achura yhm ai chiu piupa nai py, mana tanrei kra ai mo?” nanai deng nai ai kai, thai nai ne.

DANIELA 8:13 Iomraidhean Croise

SAM 74:10

Aw Tameuh, paleung ka-echi ly nang ai mana tanrei panui hai ai mo? Nichi ly nang i amyn ai avawrei thui tamawn u ai bo a?

SAM 74:9

Kaichi i reita leaungsai ka-ma-ra bawibawichi py by y bo; amochi py by y pawn bo; huna nai tym nai ly mana tanrei kra ai mo, nanai ami py pany khyp pajau y.

SAM 79:5

Aw Areng, nang ly kaichi ai kado theu naimy awm jojo ai bo a? Nang i kado theu nai ly rym y naimy, mai kamta angveaung jojo ai bo a?

ISAIA 28:18

Nangchi ly dei areng hawi amsawi amnai asa nai taphra iy, tavau pri hawi ka-lyra nga nai py, taphra pawn ai nai tla. Ka-jeira ang tym nai khala y nangchi ly sum u ai.

ISAIA 6:11

Kaimy py, “Aw Areng, hina nai tym nai ly mana tanrei kra ai mo?,” nanai deng. Mymy ly “Marychi phra seaungkhrang iy daihaulau naimy awm nai neng ryrei awm ai. Yhmchira y khumi by y i, huni pri py khumi angso savai tlang nai neng ryrei awm ai.

ISAIA 63:18

Nangmy i khumi kachai, napi nai kaichi ai paleung ka-echi my patheu daw iy, nichi ly Achura yhm taphra u bo.

ISAIA 9:6

Kaichi i vui deaungdi tapen pi! Kaichi i vui chapo ang pei bo! Ni ly kaichi ai ang peang ai. “Ni i amyn ly rengrang tlai,” “Tau pei nai keung,” “Sathai naira len parai nai Tameuh,” “Deungtasarei Ampo,” “Tlamsa nai samrang i Chapo,” nanai amyn pathi ai.

JEREMIA 12:10

Cheng takhra samrangchi malawn py, kai i kreip akho taphra u nai ne. Nichi ly kai i li hlauchi ai chiu u piupa veng bo. Apu parai nai kai i pri nai tui by y nai daichi ka-vym lawm hai u bo.

DANIELA 11:31

Ni i risa phyreichi ly Achura yhm y chai hai y ai. Nichi ly kani tleirei talam nai kapathyprachi anawn hai iy, ka-jei awm nai amso ngai nai ai, Achura yhm khumi ka-niu kamtawi y khai ai.

DANIELA 12:11

“Kani tleirei kapathyprachi anawn hai nai neng, ka-jei hawi parai nai amso ngai naira tym nai neng dengdairei, kani 1,290 rei dym vui ai.

DANIELA 12:8

Ni i thui pi nai leu thai teu i py, kai ly pany thai y nai deaungkho y kai ly “Na i py areng awi, huni leaungsaichi ly mana khala tem ai mo?,” nanai deng.

DANIELA 4:10

“Kai ly i ngym nai thym khala y, khaileaung salo i umtang y awm nai dengkeaung pui ka-sang harei kaniu bo.

DANIELA 4:13

“Kai ly huni paleung mei y niu naichi ai adawn pasym nai thym khala y, ang khen ang kry nai kani pri amtaw thau nai leaungrei, satla kathiu nai kaniu.

DANIELA 4:23

Samrang nangmy khen nai thym khala y, kani pri amtaw thau nai leaungrei ly satla kathiu i, ‘huni dengkeaung keung paliu ly taphra. Na i py miukhiu ly khaileaung y awm jo sy. Huni miukhiu ai sengkry, kheupaja vuinawn hawi kawm cheng iy, adymra i acha theung y khai su. Ni ai kadamchi sui hai iy, saneng saryh ryrei amso tawnbawichi hawi vanrei awm hai sy,” napi.

DANIELA 7:16

Huni meingtym y angdo nai khumi leaungrei teng y chei i, hunichi i awm nai sai deng nai khala y, ni my ang thui pi pachai bo.

DANIELA 7:23

Huni khumi my, “Palyh i mawi kasi ly khaileaung pri y ang tym ai nai palyh i empara pri ne iy, takhra prichi hawi atawm y ai. Huni empara ly khaileaung pri verei y pajawn ai i, chiu piupa vui ai.

DANIELA 9:27

Huni samrang ly khumi neangneangchi hawi, saneng saryh ryrei khaw parai nai ka-dyh ka-dawi asa ai. Saneng thomrei bo y lo tariurei tym nai khala y ni ly kapathypra hawi katalamrachi anawn hai ai. Naibaly ka-jei awm nai amso ngai naira ai lyAchura yhm khumichi niu thai nai ka-sangra y banghau ai. Huni ly bang nai khumi i vui, Tameuh my sa yb nai phra nai neng tym pa-rei, Achura yhm y awm jo ai,” napi.

ZEKHARIAH 1:19

Kai ly kaimy hawi vanrei leu arum nai kani pri amtaw thau nai teng y, “Hini taki palyhrei i awm nai sai ly ati mo?,” nanai kadeng cham bo. Huni kani pri amtaw thau nai my, “Huni takichi ly Juda khumi, Israela khumi hawi Jerusalem mary i khumichi ai ahei hai phro nai khaileaung pri i sa thai naira awm nai khumichi ai pata nai ne,” napi.

ZEKHARIAH 14:5

Nangchi ly mawi aseih thla nai nyhrei, leaunghawi lam mang preang iy tleaung u ai; Juda samrang Uzia deung y kaleih theu nai thym khala, nangchi i amsi pajochi preang u pawn nai kamta, nangchi py preang u teang ai. Kai i Areng Tameuh ly mymy hawi vanrei, kani pri amtaw thauchi ai hawi iy ang jeu ai.

MATTHAI 11:27

Ngaai my ati cheaungkhang bawibawi kai teng y au bo; naibaly Ampo ny y baly ami py Chapo ai pany y leang; naibaly Chapo hawi, ami teng y Chapo my amteng hai ai nai ngai nai ny y baly ami py Ampo ai pany y.

MATTHAI 24:15

“Hunaibaly phain nai ngierei ly awm nai sai pany sy: amo Daniela i thui nai taphra nai keung amso ngai nai ly meingtym kachai y, angdo nai nangchi niu nai khala y ly,

MARKA 13:14

“Hunaibaly phain nai ngierei ly awm nai sai pany sy: taphra nai keung amso ngai nai ly mymy i vui y angdo tlo y nai meingtym y angdo nai nangchi niu nai khala y ly,

LUKA 10:22

Ngaai my ati cheaungkhang bawibawi kai teng y au bo. Naibaly Chapo ami mo, nanai ly ampo ny y baly ami py pany y; Ampo py ami mo, nanai ly Chapo hawi, ami teng y Chapo my amteng hai ai nai ngai nai ny y baly ami py pany y,” napi.

LUKA 21:20

“Na i py nangchi ly tavaimichi my Jerusalem avang y katanmeuh nai niu khala ly, huni ly tama ai bo, nanai pany u.

LUKA 21:24

Naibaly nichi ly haisau bo y dei ai i, cheng cheaungkhangchi teng y miseaung y hawi ai; naibaly Cheng Takhrachii neng angym y ryrei ly Cheng Takhrachi my Jerusalem ai ly chiu nai tli ai.

JOHAN 1:18

Ami py mana khala y py Tameuh ai niu vai y; Chapo leaungrei awm khyh nai, Ampo teng y awm khyp nai my ly ni i satang thai hai bo.

Leu Thui Nai 33:2

Areng ly Sinai mawi salo mang dengdairei ang jeu; mymy ly kanito kamta Edom pri salo y amteng iy, Paran mawi salo mang dengdairei mymy i khumichi teng y kangvang ko bo. Mymy i lamtang mang y mai kangveaung hawi sang neangneang chang y nai kani pri amtaw thau naichi abang u bo.

I THESALONIKA 3:13

nangmychi mang y kaichi i tamen nai kamta ly, Areng ly nangmychi mang y atamen leungtang naira hawi, khumi bawibawi mang y tamen naira ly peung hai sy, panawi py panawi sy.

HEBRAI 10:29

hunaibaly Tameuh i Chapo ai kheu anui y chiu nai, mymy ai chai hai nai leu maikawm thi ai ly atiti rumrang y palawn lawh iy, pahenra Phailo ai pangaw hai nai keung i tlang tleaung y ly mana tanrei pajeng naira ty keh nai patang ai nai ataing, nanai mana dawn u mo?

I PETERA 1:12

Naibaly nichi ly amychi i vui ny y naimy, nangmychi i vui y atiti sa u lawh veng, nanai nichi teng y amteng hai nai bo; huni satang ly kani pri mang i dengdairei pato nai Phailo Kachai my sabawm nai, Satang Kahawi ang thui pi nai keungchi ly vai nangchi ai thui pi bo; huni atitichi ai ly kani pri i amtaw thau naichi ly bih ai nai ngai.

JUDA 1:14

Naibaly Adam i dengdairei kangthau saryhrei nai Enoka ly hunichi teng y py leu thui yb i, “Khen cham, khumi bawibawichi ai tara chih ai nai hawi,

AMTENG HAI NAI 11:2

Na i py achura yhm kalen pui angam mang i apai theung i lyum ai ly pata y naimy khai su; huni ai ly Cheng Takhrachi teng y au nai bo:nichi ly lo vui palyh pa-ngo lo nyhrei sala y avang kachai ai ly kheu y chiu teuteu ai.

AMTENG HAI NAI 6:10

naibaly nichi ly tao pajeng parai naimy, “Aw Areng, kachai hawi meitang, nang ly tara chih iy, khaileaung pri y awm naichi i tlang tleaung y kaichi i thi i kavui y vawitheung tha pi y nai ly majirei kra ai mo?” nanai aeu u bo.

TARA CHIH NAI KEUNGCHI 13:18

Kani pri amtaw thau naimy, “Ati mana nai y kai i amyn pany ai nai ngai mo? huni ly lyh ai hawi parai nai amyn ne,” napi.