DANIELA 7:9 - Khumi Common Language Bible

⁹ Kai ly khen nai thym y, areng atehrachi awm nai py, atehra harei salo y deungtasarei heng nai keung ateh nai py, kaniu nai ne. Mymy i ateaungchi ly ji kamta kaleung iy, sam py beram mui tatang hawi atawm. Aai nanai amlira kheuchi tai nai, mymy i areng atehra ly mai kangveaung kamta angvang na bo.

DANIELA 7:9 Iomraidhean Croise

1 ARENG KEH 22:19

Mikha my Ahab teng y thui pi bi nai ly “Vai ly Areng i leu pei nai tangai ba! Areng ly kani pri mang y awm nai mymy i atehra tleaung y ateh nai ai py, mymy i sahawi y kani pri amtaw thau naichi angdo nai ai py kaniu bo.

2 NENG SATANG 18:18

Mikaia my Ahab teng thui pi bi nai ly “Areng my thui nai leu vai, tangai ba! Areng ly kani pri bailang salo y ateh nai ai py, mymy sahawi y kani pri amtaw thauchi angdo u nai ai py, kaniu bo.

SAM 45:8

Nang i ateaungchi ly mura, akjaw, sinamon mui katuichi mui amseaung na bo. Katyn kapau beu kawp naichi ly kasai nuh samrang yhmchira y, nang ai ang beu pi nai ne.

SAM 90:2

Mawichi lawm y rai khala y hawi, khaileaung pri palum y rai khala y nang ly awm yb nai Tameuh ne; tem naira by y nai Tameuh py ne.

SAM 93:2

Aw Areng, nang i areng atehra ly angchei khala i dengdairei khaw parai nai ne; nang ly ati sai py by y rai khala my awm yb bo.

ISAIA 6:1

Samrang Uzia dei nai saneng y kai ly Areng hawi avum nai ne. Mymy ly nang parai nai bailang tleaung y ateh. Achura yhm verei py mymy i ateaung hawimy kawi na bo.

ISAIA 9:6

Kaichi i vui deaungdi tapen pi! Kaichi i vui chapo ang pei bo! Ni ly kaichi ai ang peang ai. “Ni i amyn ly rengrang tlai,” “Tau pei nai keung,” “Sathai naira len parai nai Tameuh,” “Deungtasarei Ampo,” “Tlamsa nai samrang i Chapo,” nanai amyn pathi ai.

JEREMIA 49:38

Kai ly Elam samrangchi hawi lu sa naichi ai tamyh pawn iy, huni pri y kai i areng atehra tahyh ai.

Ezekiela 1:26

Huni takhuru nai salo y ly saphire lengseaung hawi sa nai areng atehra ka-tawm harei awm. Huni areng atehra tleaung y ly khumi i mo-cha hawi atawm nai leaungrei ateh.

DANIELA 7:13

Vum y huni paleung mei hawi niu naira y, kai ly khumi leaungrei ka-tawm niu bo. Ni ly khupanym my taki teungtareung iy, kai teng y ang jeu. Hunaibaly deungtasarei heng nai keung teng y tym vui nai deaungkho y, ni ly mymy i mo y kun ai nai nga.

DANIELA 7:22

Naibaly deungtasarei heng nai keung ly tym i, tahm asang parai nai Tameuh i khumi kachaichi molam y, tara chih pi nai ne. Tameuh i khumichi ly samrang i sa thai naira nga ai nai neng tym bo.

MIKHA 5:2

Areng my, “Ephrat ka-peang Bethlehem mary awi, nang ly Juda pri y tahm theang keh nai mary harei ne i py, jangni i samrang kangpreang theung i, Israela chengchi ai peang ai nai samrang leaungrei amthawn ai,” napi.

HABAKKUK 1:12

Aw Areng, nang ly angchei khala i dengdairei Tameuh ne. Nang ly kaichi i Tameuh, Chai parai naimy deungtasarei awm nai ne. Aw Areng, kai i Tameuh hawi abyhra lengseaung, “Nang ly Babulon chengchi ai vawi takhra iy, kaichi ai pajeng thai ai nai nichi ai atho angym hai bo.

MATTHAI 17:2

naibaly nichi i mo y mymy i meimai awm nai sai ly takhra bo; my i meimai ly kanito kamta angvang iy, mymy i ateaung ly kangvang kamta kaleung bo.

MATTHAI 28:3

Ni i meimai awm nai sai ly amlosadi kamta atawm;

MARKA 9:3

naibaly mymy i ateaung ly khaileaung pri i kanih pasiu nai keungchi nanai ly huna tanrei kaleung hai thai y nai pa-rei kaleung nai sadi na.

AMTAW 2:30

Ni ly amo ne i, Tameuh my ni i phai bawi kamji khumi ami ai mo ni i areng atehra tleaung y ateh hai ai, nanai vaineng abeu naimy thui, nanai ni ly pany.

AMTAW 2:33

Mymy ai ly Tameuh i lamtang mang y pasang i, Phailo Kachai adeu nai ly Ampo teng i nga iy, hini nangchi i niu nai hawi thai nai ly ni i ang lei nai bo he.

PHILIPI 3:9

Krista ai kanga thai ai nai hawi, amy i hawi naira ly (huni ly Reita i hawi naira) by y naimy, Krista ai ym nai deaungkho y hawi naira ly (huni ly ym nai deaungkho y Tameuh teng i hawi naira) nga lawh iy, mymy y kaawm lawh thai ai nai hawi,

I TIMOTHEI 6:16

mymy leaungrei dei thai y nai sai awm khyh, ni ly kangvang chei kasa pajau ai nai vuilam ny y naira y ly awm nai, mymy ai ly ami py niu vai y, niu py niu pajau y; mymy teng y tahm pasang naira hawi, deungtasarei aly peang naira py awm sy. Amen.

I JOHAN 1:5

Naibaly leu taviu nai mymy teng i dengdairei kaichi i thai nai, nangchi teng y kang thui pi pateang ai nai ly hini ne he:

AMTENG HAI NAI 1:14

Naibaly my i lu hawi sam ly beram mui antapo kamta kaleung nai ne, ji kamta kaleung;

AMTENG HAI NAI 19:18

“Nangchi ly samrangchi i ngan py, tavaimi luchi i ngan py, khumi kalenchi i ngan py, keaungngo hawi hunichi tleaung y atang naichi i ngan py, khumi bawibawi, miseaung hawi miseaung ny y nai, katheang kalenchi i ngan py cha thai ai nai, Tameuh i pawi nang parai nai sa naira y jeu achu u bawibawi,” nanai aeu bo.

AMTENG HAI NAI 20:4

Naibaly areng atehrachi kaniu, nichi ly hunichi tleaung y ateh iy tara chih ai nai leu nga bo: naibaly Isu i leu thui pi nai hawi, Tameuh i leu deaungkho y lu tameang nai, mawi kasi ai hawi ni i myn y py chiu y iy, mymychi i lukati y hawi kiu y py huni ka-ma-ra ngo y naichi i phailochi ai ly kaniu: nichi ly heng bi i, saneng sangrei sala y Krista hawi vanrei peang u bo.

AMTENG HAI NAI 4:2

Tlenrei khyh my kai ly Phailo y kalawn bo: naibaly khen cham, kani pri y ly areng atehra awm i, huni areng atehra tleaung y leaungrei ateh nai ne.