DANIELA 7:7 - Khumi Common Language Bible

⁷ Kai ly khen nai thym khala y, palyh i mawi kasi ai niu. Huni mawi kasi ly atho len iy jei ai nai hawi parai. Ni i ho kalenchi hawi paleung ka-echi ai kei piupa iy kheu hawi chiu piupa bo. Hini mawi kasi ly takhra mawi kasi hawi atawm y. Ni ly taki horei awm.

DANIELA 7:7 Iomraidhean Croise

2 SAMUELA 22:43

Kai ly nichi ai tamyh nai deaungkho y, nichi ly spryh kamta dei lawm u na bo; lam salo i aneaung kapan chiu nai kamta, kai ly nichi ai kachiu bo.

JOBA 41:14

Ami nai ly ni i labeaung taai pajau ai mo? Huni labeaung theung y amjyn hyh nai hochi ly ka-jei hawi parai.

Ezekiela 40:2

Paleung mei y niu nai y Tameuh ly kai ai Israela pri mang y anghawi i, mawi ka-sang salo y khai bo. Huni mawi i tokalawi ngan mang y mary harei hawi atawm nai yhmchi kaniu bo.

DANIELA 2:19

Tameuh ly huni vum y my Daniela teng y, khri pa-rei rai nai amang thui pachai kawp ai nai pany hai bo. Naibaly Daniela ly kani pri mang y awm nai Tameuh ai, hina nai kamta palo nai ne.

DANIELA 7:13

Vum y huni paleung mei hawi niu naira y, kai ly khumi leaungrei ka-tawm niu bo. Ni ly khupanym my taki teungtareung iy, kai teng y ang jeu. Hunaibaly deungtasarei heng nai keung teng y tym vui nai deaungkho y, ni ly mymy i mo y kun ai nai nga.

DANIELA 7:2

Ali ly khuteng taki palyhrei mang aho nai deaungkho y, pangli tui saleung y tuisampyh khri pa-rei amsau na.

DANIELA 8:10

Huni taki kangti ly kani mang i tavailuchi napi nai, ka-si taukichi ai tiu pajau ai nai atho awm ryh i, huni ka-si tauki phyreichi ai khaileaung y pala iy chiu piupa bo.

DANIELA 8:22

Huni taki tleu vui nai khala y sai nai taki palyhreichi ly huni pri i dengdairei amprei ai nai pri palyhreichi ne. Na i py huni prichi ly angchei i pri tanrei, sa thai naira awm u ai ny y.

ZEKHARIAH 2:1

Kai ly siju amto syn nai khumi leaungrei ai, takhra paleung mei y kaniu bo.

AMTENG HAI NAI 12:3

Naibaly kani mang y ly ka-ma-ra takhra harei amteng bi bo; naibaly khen cham, naka kamsen kalen pui, lu saryhrei taki horei py awm i, lu y ly areng lukhym saryhrei amym nai ne.

AMTENG HAI NAI 13:1

Naibaly mawi kasi harei, taki horei lu saryhrei awm nai, pangli i dengdairei theu nai kaniu: ni i taki y ly areng lukhym horei awm, naibaly ni i lu tleirei y Tameuh ai thui tamawn nai amynchi awm teang.

AMTENG HAI NAI 17:12

Naibaly nang i niu nai taki horei ly samrang leaung horeichi ne, nichi ly peang naira ngo y leang rai; na i py nichi ly tanarei chy sala y mawi kasi hawi vanrei samrangchi kamta aly peang naira nga ai.

AMTENG HAI NAI 17:7

Naibaly huni kani pri i amtaw thau nai ly kai teng y, “Ati mana nai rengrang napi lawh? Huni neampachy hawi, lu saryhrei taki horei awm nai mymy ai tang nai mawi kasi i awm nai aneng parai nai ly kang thui pi pachai ai mang.

AMTENG HAI NAI 17:8

Nang i niu nai mawi kasi ly jangni awm khyp i, vai by y leang; naibaly angawm kalawi by y nai theung i dengdairei ang theu kalau ai i, tama naira y chei ai. Naibaly khaileaung pri y awm nai, khaileaung palum angchei khalai dengdairei heng naira cha-iu y amyn tajiu y naichi ly mawi kasi ai niu u nai khala y, jangni awm khyp i, vai by y nai, ang jeu bi ai nai ly rengrang na u ai.