DANIELA 7:6 - Khumi Common Language Bible

⁶ Kai ly khen patawm nai thym y, takhra mawi kasi harei ai niu. Huni mawi kasi ly takaikheng hawi atawm. Ni i nithun anam y tavo pakhichi hawi atawm nai, pakhi palyhrei awm. Ni ly lu palyhrei awm. Ni ly sa thai naira awm nai atawm.

DANIELA 7:6 Iomraidhean Croise

Ezekiela 17:3

sa thai naira angym nai kai, Areng my ati mana leu pei mo, nanai nichi ai pany ha ba. Vaichi khala ham parai nai pakhi kalenchi hawi, mui kasauchi awm nai ahmtlau pui harei awm. Ni teng y apu parai nai muichi awm. Huni ahmtlau pui ly Lebanon mawi saleung y akheang kalau iy saitleang keung salyh y chym bo.

DANIELA 10:20

Ni my, “Nang teng y kai kang jeu nai aly, nang pany a? Kai, kang jeu nai aly ly leu meitang cha-iura tajiu nai ai, nang teng y thui pi ai nai ne. Kai ly vai ali teang iy Pasia pri ai kry nai kani pri amtaw thau nai hawi tavai atiu ai. Naibaly krik pri y tym nai kani pri amtaw thau hawi atiu ai. Israela pri ai kry nai kani pri amtaw thau nai Mikhaela ny y baly, kai ai sabawm ai nai keung leaungrei py by y.

DANIELA 2:39

Nang by y nai bo y, nang i empara tanrei len y nai empara pri harei awm ai. Huni bo y kheupaja pri napi nai, pa-thom empara pri awm ai. Huni empara pri ly khaileaung pri verei y peang ai.

DANIELA 7:4

Angchei i mawi kasi ly khrangsi hawi atawm i, ahm kamta pakhichi awm. Kai ly khen nai thym khala y huni mawi kasi ly pakhichi amui pawn i, khaileaung salo y achaw naimy, khumi kamta angdo bo. Naibaly ni ly khumi paleung nga nai ne.

DANIELA 7:5

Kai ly pa-nyh mawi kasi ai niu. Huni mawi kasi ly nithun mang i kheu nyhrei hawi angdo nai tavym hawi atawm. Ni i labeaung y pana sa reng thomrei kei hau nai ne. Katyn harei my ni teng y, “Nganbawi ai kajeu kawi pa-rei cho!” napi.

HOSEA 13:7

Hunai deaungkho y khrangsi kamta, nangchi ai ka-jo hau ai. Nangchi i chei nai lam jeungrei y, takaikheng kamta kang-oh ai.

AMTENG HAI NAI 13:2

Naibaly kai i niu nai mawi kasi ly takai satlum kamta ne: ni i kheu ly tavym kheu kamta ne, ni i labeaung ly khrangsi takai labeaung kamta ne: naibaly naka ly ni teng y mymy i sa thai naira hawi, mymy i areng atehra hawi, aly peang naira len parai nai py pei bo.