DANIELA 7:4 - Khumi Common Language Bible

⁴ Angchei i mawi kasi ly khrangsi hawi atawm i, ahm kamta pakhichi awm. Kai ly khen nai thym khala y huni mawi kasi ly pakhichi amui pawn i, khaileaung salo y achaw naimy, khumi kamta angdo bo. Naibaly ni ly khumi paleung nga nai ne.

DANIELA 7:4 Iomraidhean Croise

2 SAMUELA 1:23

“Lyh ai hawi parai iy paleung ka-no hawi nai Sawla hawi Jonathan nini ly heng vanrei, dei vanrei, Ahmtlau tleaung y rang iy, khrangsichi tleaung y atho awm keh.

JOBA 25:6

Hunai deaungkho y thaideaung hawi mipo kamta lawm nai khumi ly Tameuh i mo y ati thui bira awm rai mo?

SAM 9:20

Aw Areng, nichi teng y jei hyn naira tym hai ba. Mychi ly dei ai nai khumi teu, nanai pany hai ba.

JEREMIA 25:38

Khrangsi ly my i tapiu khai su nai kamta, Areng ly mymy i khumichi ai khai su veng bo. Ka-jei awm parai nai tavai takai hawi, Areng i khri pa-rei kado theu nai molam y, nichi i pri ly khutaha daichi ka-vym lawm veng bo.

JEREMIA 4:13

Khen u cham, paleung ka-e ly khupanym kamta ang jeu ai. Ni i tavai ka-richi ly ali lengli hawi atawm iy, nichi i keaungngochi ly ahmtlauchi tleaung y rang nai ne. Kaichi ly sum bo! kaichi ly taham si lawh bo ly!

JEREMIA 4:7

Aeungra i nai ang theu nai khrangsi kamta, Khumi cheng cheaungkhangchi ai taphra ai nai keung ly ang jeu dudu bo. Ni ly Juda pri y taphra ai nai ang jeu bo. Juda marychi ly phra seaungkhrang naimy khumi angso savai tlang vui ai.

JEREMIA 48:40

Pakhichi kadai nai ahmtlau kamta, paleung ka-echi ly Moba pri tlang tleaung y ni kathiu ai, nanai Areng my leu pei yb bo.

JEREMIA 49:19

Kai ly Jordan tavo jeungrei y awm nai daichi kabeng theung i dengdairei, heng-a nai sui tlai naira meingtym y theu nai khrangsi kamta theu iy, Edom chengchi ai mychi pri i nai paryh pawn ai. Hunaibaly kai ly huni pri y peang ai nai samrang leaungrei vawi takhra pi ai. Kai ai ami hawi pata pajau ai mo? Kai ai ami tiu pajau ai mo? Mani samrang ly kai ai awi pajau ai mo?

TANGAM NAI LEU 4:19

Nichi ly kani salo mang dengdairei, taba kathiu nai ahmtlauchi kamta, kaichi ai ang patiu u. Mawi aheungchi mang y kaichi ai kheulawi ang padyh bo; daichi ka-vymra y athang khai y naimy ang patiu u bo.

Ezekiela 17:3

sa thai naira angym nai kai, Areng my ati mana leu pei mo, nanai nichi ai pany ha ba. Vaichi khala ham parai nai pakhi kalenchi hawi, mui kasauchi awm nai ahmtlau pui harei awm. Ni teng y apu parai nai muichi awm. Huni ahmtlau pui ly Lebanon mawi saleung y akheang kalau iy saitleang keung salyh y chym bo.

Ezekiela 28:2

Mymy ly “Nang khumicho awi, “Turu samrang teng y sa thai naira angym nai kai, Areng i leu pei nai amti pi ai nai ly: nang ly paleung len amlyh naimy nangmy ai tameuh ne na iy, pangli my katanmeuh nai samrang atehra tleaung y tameuh kamta ateh ai nai nga, nanai thui bo. Nang ly tameuh kamta cheng naira awm, nanai athang khai teu i py, nang ly tameuh ny y, khumicho teu.

Ezekiela 28:9

Nang ai padei ai nai khumichi i mo y, nang ly tameuh ne, nanai angam veangveang ai rai a? Nang ai padei ai nai khumichi ang jeu nai khala, nang ly tameuh ny y bo i, khumicho naini lawm ai bo.

DANIELA 2:38

Mymy ly nang ai khumichi awm nai khaileaung pri verei ai py, amso tawnbawi hawi tavo bawibawichi ai py, peang ai nai ang pei bo. Samrang nang ly huni myn pui i muku lu ne.

DANIELA 4:36

“Kai ly khumi i paleung nga ali teang nai khala y, kaimy i pri phum-ang py, kaimy i nang parai nai hawi phum-ang py, nga ali teang nai ne. Kai i tau pei nai miteaung kehchi hawi bangtangchi py, kai ai kawn u ali teang bo. Vaichi khala i tleaung y tahm awm ai nai hawi samrang i sa thai naira py, ang pei ali teang nai ne.

DANIELA 7:12

Takhra mawi kasichi ly mychi i sa thai naira la pi vui nai ne teu i py, neng khai pi nai ka-vo ryrei, heng ai nai nga u bo.

DANIELA 7:5

Kai ly pa-nyh mawi kasi ai niu. Huni mawi kasi ly nithun mang i kheu nyhrei hawi angdo nai tavym hawi atawm. Ni i labeaung y pana sa reng thomrei kei hau nai ne. Katyn harei my ni teng y, “Nganbawi ai kajeu kawi pa-rei cho!” napi.

MATTHAI 24:28

Ma mang y py mawi veu awm naira ngierei y langnachi py tym achu ai.

Leu Thui Nai 28:49

Areng ly nangchi ai tiu hai ai nai nangchi hawi leu atlyh y nai khaileaung pri katemra i khumi cheng harei ang tym hai ai. Huni khumichi ly ahmtlau my ni nai kamta, nangchi ai ang tiu ai.

AMTENG HAI NAI 13:2

Naibaly kai i niu nai mawi kasi ly takai satlum kamta ne: ni i kheu ly tavym kheu kamta ne, ni i labeaung ly khrangsi takai labeaung kamta ne: naibaly naka ly ni teng y mymy i sa thai naira hawi, mymy i areng atehra hawi, aly peang naira len parai nai py pei bo.